លោកគឹមង៉ុកថាយ អនុលេខាប្រចាំការបក្សខេត្ត ប្រធានក្រុមប្រឹក្សាប្រជាជនខេត្ត ប្រធានគណៈកម្មាធិការបោះឆ្នោតខេត្ត៖ ពង្រីកអស់ពីអតិបរមាសិទ្ធិ កាតព្វកិច្ចរបស់ម្ចាស់ឆ្នោតក្នុងការបោះឆ្នោត

លោកគឹមង៉ុកថាយ មានប្រសាសន៍ចង្អុលការចាត់តាំងពិធីបោះឆ្នោត។ រូបថត៖ ហុងភឿង

អ្នកយកសារព័ត៌មាន៖ សូមលោកឱ្យដឹងពីលទ្ធផលលេចធ្លោក្នុងការងារត្រៀមបម្រុងដើម្បីទុកឱ្យការបោះឆ្នោតពិតប្រាកដជាថ្ងៃបុណ្យដ៏ធំរបស់ទូទាំងប្រជាជន ពង្រីកយ៉ាងអតិបរមាសិទ្ធិ កាតព្វកិច្ចរបស់ម្ចាស់ឆ្នោតក្នុងថ្ងៃបោះឆ្នោត?

លោកគឹមង៉ុកថាយ៖

គណៈកម្មាធិការបោះឆ្នោតបណ្តាថ្នាក់ក្នុងខេត្តបានអនុវត្តល្អការងារត្រៀមបម្រុងបោះឆ្នោតត្រឹមត្រូវតាមពេលវេលាបានកំណត់ ធានាត្រឹមត្រូវតាមសន្ទុះកំណើនរបស់ច្បាប់កំណត់។ ក្នុងទូទាំងខេត្តបង្កើតគណៈកម្មាធិការបោះឆ្នោតបាន ១១៦ កន្លែង រួមមាន គណៈកម្មាធិការបោះឆ្នោតថ្នាក់ខេត្ត ០១ ដោយមានសមាជិក ២៦ រូប គណៈកម្មាធិការបោះឆ្នោតថ្នាក់ស្រុក ០៩ កន្លែងដោយមានសមាជិក ១៣៥ រូប គណៈកម្មាធិការបោះឆ្នោតថ្នាក់ឃុំ ១០៦ កន្លែងដោយមានសមាជិក ១.១៦៦ រូប។

ចំពោះការបោះឆ្នោតតំណាងរដ្ឋសភា (មាន ០២ អង្គភាពបោះឆ្នោត) បញ្ជីរាយនាមពេញសិទ្ធិបណ្តាបេក្ខជនចេញឈរឆ្នោតតំណាងរដ្ឋសភានីតិកាលទី ១៥ អង្គភាពត្រាវិញ ១០ រូប ចំនួនតំណាងបានបោះជាប់គឺ ០៦ រូប។

ចំពោះការបោះឆ្នោតតំណាងក្រុមប្រឹក្សាប្រជាជនខេត្ត(រួមមាន ១៤ អង្គភាពបោះឆ្នោត) បញ្ជីរាយនាមពេញសិទ្ធិបណ្តាបេក្ខជនគឺ ៨៣ រូប ចំនួនតំណាងបានបោះជាប់គឺ ៥០​ រូប។

ចំពោះការបោះឆ្នោតតំណាងក្រុមប្រឹក្សាប្រជាជនស្រុក ថ្នាក់ឃុំ គណៈកម្មាធិការបោះឆ្នោតថ្នាក់ស្រុក ថ្នាក់ឃុំក៏អនុវត្តបានសម្រេចការងារប្រកាសបញ្ជីពេញសិទ្ធិបណ្តាបេក្ខជននៅតាមអង្គភាពបោះឆ្នោតត្រឹមត្រូវតាមសេចក្តីកំណត់។ គិតមកដល់ពេលបូកសរុបជំហានទី ០២ ចំនួនបេក្ខជនចេញឈរឆ្នោតតំណាងក្រុមប្រឹក្សាប្រជាជនថ្នាក់ស្រុកនៅតែ ៤៨២ រូប (បន្ថយ ០៣ រូប ប្រៀបជាមួយនឹងលទ្ធផលសន្និបាតពិភាក្សាលើកទី ០៣)។ មូលហេតុសុំដកឈ្មោះចេញពីបញ្ជីឈរឆ្នោត អាស្រ័យ ដោយស្ថានភាពគ្រួសារ និងសុខភាពមិនធានា ចំនួនតំណាងក្រុមប្រឹក្សាប្រជាជនថ្នាក់ស្រុកបានបោះឆ្នោតជាប់គឺ ២៨៨ រូប។ ចំនួនបេក្ខជនចេញឈរឆ្នោតតំណាងក្រុមប្រឹក្សាប្រជាជនថ្នាក់ឃុំនៅ ៤.៥៧៣ រូប (បន្ថយចុះ ០៨ រូបប្រៀបជាមួយនឹងលទ្ធផលសន្និបាតពិភាក្សាលើកទី ០៣) មូលហេតុសុំដកឈ្មោះចេញពីបញ្ជីឈរឆ្នោត អាស្រ័យដោយស្ថានភាពគ្រួសារ និងសុខភាពមិនធានា ចំនួនតំណាងក្រុមប្រឹក្សាប្រជាជនថ្នាក់ឃុំបានបោះឆ្នោតជាប់គឺ ២.៧៣៤ រូប។

រួមជាមួយនឹងនោះ អនុវត្តតាមសេចក្តីកំណត់របស់ច្បាប់បោះឆ្នោតតំណាងរដ្ឋសភា និងតំណាងក្រុមប្រឹក្សាប្រជាជននោះ គណៈកម្មាធិការបោះឆ្នោតបណ្តាថ្នាក់ចាត់តាំងត្រឹមត្រូវបណ្តាសន្និបាតជួបសំណេះសំណាលជាមួយនឹងមាមីងម្ចាស់ឆ្នោតដើម្បីទុកឱ្យបណ្តាបេក្ខជនចេញឈរឆ្នោតតំណាងរដ្ឋសភានីតិកាលទី ១៥ និងតំណាងក្រុមប្រឹក្សាប្រជាជនគ្រប់លំដាប់ថ្នាក់អាណត្តិកាល ២០២១-២០២៦  អនុវត្តល្អសិទ្ធិអំណាចចលនាបោះឆ្នោតតាមសេចក្តីកំណត់របស់ច្បាប់ ធានាសមាភាព តម្លាភាពរវាងបណ្តាបេក្ខជនចេញឈរឆ្នោត។

ដើម្បីទុកឱ្យការបោះឆ្នោតពិតប្រាកដជាថ្ងៃបុណ្យធំរបស់ទូទាំងប្រជាជនពង្រីកយ៉ាងអតិបរមាសិទ្ធិអំណាច កាតព្វកិច្ចរបស់មាមីងម្ចាស់ឆ្នោតក្នុងការបោះឆ្នោតនោះ គណៈកម្មាធិការបោះឆ្នោតខេត្តបានបង្កើតអនុកម្មការព័ត៌មានផ្សព្វផ្សាយ ធានាការងារផ្សព្វផ្សាយទាំង ០២ ភាសាខ្មែរ-វៀតដើម្បីទុកឱ្យប្រជាជនបានដឹងជ្រាបច្បាស់ មានគំនិតភារកិច្ច និងសិទ្ធិផលប្រយោជន៍របស់ខ្លួនដើម្បីទៅបោះឆ្នោតដោយខ្លួនឯង។

ម្ចាស់ឆ្នោតមានយោបល់ស្នើដល់បេក្ខជនចេញឈរឆ្នោត។

អ្នកយកសារព័ត៌មាន៖ ដោយបានដឹងថា ចាប់ពីថ្ងៃទី ១៣ ឧសភា ឆ្នាំ ២០២១ ( មុន ១០ ថ្ងៃបោះឆ្នោត) គណៈកម្មាធិការបោះឆ្នោតគ្រប់លំដាប់ថ្នាក់ក្នុងខេត្តបពា្ឈប់ការងារពិនិត្យដោះស្រាយការតវ៉ា ថ្កោលទោស សំណើស្នើអំពីបេក្ខជន និងការបង្កើតបញ្ជីរាយនាមបណ្តាបេក្ខជន លោកអាចនឹងឱ្យដឹងអំពីស្ថានភាពដោះស្រាយសេចក្តីបណ្តឹងតវ៉ាថ្កោលទោសក្នុងការបោះឆ្នោតនៅខេត្តយើងយ៉ាងណាដែរ?

លោកគឹមង៉ុកថាយ៖

ចាប់តាំងពីការផ្សព្វផ្សាយការងារបោះឆ្នោតមកទល់ពេលនេះ នៅលើភូមិសាស្ត្រខេត្តមានលិខិតបណ្តឹងតវ៉ាថ្កោលទោស ០៣ ច្បាប់ដែលទាក់ទិនដល់បេក្ខជនចេញឈរឆ្នោតតំណាងក្រុមប្រឹក្សាប្រជាជនថ្នាក់ស្រុក ថ្នាក់ឃុំ (ថ្នាក់ស្រុក ០១ ច្បាប់ ថ្នាក់ឃុំ ០២ ច្បាប់)។ យោងលើមូលដ្ឋាននៃសមត្ថកិច្ច ភារកិច្ច សិទ្ធិអំណាចដែលបានប្រគល់ជូន ប្រធានបណ្តាមន្ទីរ គណៈ ផ្នែក បណ្តាអង្គការទទួលបន្ទុកបោះឆ្នោតបណ្តាថ្នាក់ និងអនុកម្មការដោះស្រាយបណ្តឹងតវ៉ាថ្កោលទោសអំពីការបោះឆ្នោតតំណាងរដ្ឋសភានីតិកាលទី ១៥ និងតំណាងក្រុមប្រឹក្សាប្រជាជនគ្រប់លំដាប់ថ្នាក់អាណត្តិកាល ២០២១ -២០២៦ បានកសាងផែនការជាក់ស្តែង ដោះស្រាយទាន់ពេលនូវបណ្តាករណីបណ្តឹងតវ៉ា ថ្កោលទោសដែលបានពោលមកខាងលើ។

អ្នកយកសារព័ត៌មាន៖ ស្ថិតក្នុងស្ថានភាពអាសន្នរោគជំងឺកូវីដ-១៩ កំពុងតែប្រែប្រួលយ៉ាងស្មុគស្មាញ ការឡើងបញ្ជីរាយនាមម្ចាស់ឆ្នោត ចែកចាយសន្លឹកឆ្នោតក្នុងលក្ខណៈបង្ការទប់ស្កាត់អាសន្នរោគជំងឺកូវីដ-១៩ យ៉ាងណាដែលលោក?

លោកគឹមង៉ុកថាយ៖

រួមជាមួយនឹងការផ្សព្វផ្សាយអនុវត្តបណ្តាវិធានការធានាសន្តិសុខនយោបាយ សណ្តាប់ធ្នាប់សុវត្ថិភាពឱ្យការបោះឆ្នោត និងថ្ងៃបោះឆ្នោតនោះ គណៈកម្មាធិការបោះឆ្នោតគ្រប់លំដាប់ថ្នាក់ក្នុងខេត្តក៏មានវិធីសាស្ត្រជាក់ស្តែងបង្ការទប់ស្កាត់អាសន្នរោគជំងឺកូវីដ-១៩ ផ្សព្វផ្សាយអនុវត្តម៉ឹងម៉ាត់សារលិខិតលេខ ២៣៤/HĐBCQG-TBVBPLTTTT ចុះថ្ងៃទី ១៣ មេសា ឆ្នាំ ២០២១ របស់ក្រុមប្រឹក្សាបោះឆ្នោតជាតិ “ស្តីពីការណែនាំបង្កើតបញ្ជីរាយនាមម្ចាស់ឆ្នោត និងវិធីសាស្ត្រអនុវត្តការបោះឆ្នោតចំពោះបណ្តាករណីកំពុងចត្តាឡីស័កសុខាភិបាលបង្ការទប់ស្កាត់អាសន្នរោគកូវីដ-១៩ និងនៅតាមបណ្តាមូលដ្ឋានដែលមានកើតជំងឺ” សារលិខិតលេខ ២១៤/HĐBCQG-TT​ ចុះថ្ងៃទី ០៨ ឧសភា ឆ្នាំ ២០២១ របស់ការិយាល័យក្រុមប្រឹក្សាបោះឆ្នោតជាតិ “ស្តីអំពី ការពិនិត្យឡើងវិញ តាមដានបញ្ជីរាយនាមម្ចាស់ឆ្នោត ចែកចាយសន្លឹកឆ្នោតក្នុងលក្ខណៈបង្ការទប់ស្កាត់អាសន្នរោគកូវីដ-១៩” និងបណ្តាឯកសារចង្អុលការរបស់គណៈអចិន្ត្រៃយ៍នៃគណៈកម្មាធិការបក្សខេត្ត។ល។ បង្កលក្ខណៈងាយស្រួលបំផុតដើម្បីធានាទុកឱ្យម្ចាស់ឆ្នោតទាំងមូលអាចនឹងអនុវត្តសិទ្ធិអំណាចបោះឆ្នោតរបស់ខ្លួន។

អ្នកយកសារព័ត៌មាន៖ ថ្ងៃបោះឆ្នោតតំណាងរដ្ឋសភានីតិកាលទី ១៥ និងតំណាងក្រុមប្រឹក្សាប្រជាជនគ្រប់លំដាប់ថ្នាក់អាណត្តិកាល ២០២១-២០២៦ បានចូលមកជិតដល់ហើយ សូមលោកឱ្យដឹងនៅបណ្តាបញ្ហាអ្វីគប្បីត្រូវយកចិត្តទុកដាក់សូមជម្រាបលោក?

លោកគឹមង៉ុកថាយ៖

ត្រូវធានាការត្រៀមបម្រុងល្អលក្ខណៈ សម្ភារ-បច្ចេកទេសឱ្យការបោះឆ្នោត ដូចជាការតុបតែងលម្អតំបន់បោះឆ្នោត និងត្រៀមល្អបណ្តាវិធីសាស្ត្រផ្សេងៗដើម្បីបម្រើការបោះឆ្នោត។ បន្តជំរុញមាំការងារព័ត៌មានផ្សព្វផ្សាយអំពីការបោះឆ្នោត។ ត្រៀមល្អបណ្តាវិធីសាស្ត្រនាដកថាដើម្បីត្រៀមលក្ខណៈទប់ទល់ជាមួយនឹងបណ្តាបាតុភូតប្រែប្រួលស្មុគស្មាញអំពីគ្រោះធម្មជាតិ រោគជំងឺ អំពីសន្តិសុខសណ្តាប់ធ្នាប់នៅបណ្តាមូលដ្ឋាន។ ក្នុងថ្ងៃទី ២៣ ឧសភា ឆ្នាំ ២០២១ ប្រមូលផ្តុំរាល់ប្រភពធនធានដើម្បីចាត់តាំងសម្រេចជោគជ័យយុទ្ធនាការបោះឆ្នោតតំណាងរដ្ឋសភានីតិកាលទី ១៥ និងតំណាងក្រុមប្រឹក្សាប្រជាជនគ្រប់លំដាប់ថ្នាក់អាណត្តិកាល ២០២១-២០២៦។ ពិសេសគឺ ជ្រួតជ្រាប អនុវត្តម៉ឹងម៉ាត់សារលិខិតលេខ ៦៤៤/HĐBCQG-VPHĐBCQG ចុះថ្ងៃទី ០៥ ឧសភា ឆ្នាំ ២០២១ របស់ក្រុមប្រឹក្សាបោះឆ្នោតជាតិ “ស្តីពីបញ្ហាមួយចំនួនគប្បីយកចិត្តទុកដាក់មុន ក្នុង និងក្រោយថ្ងៃបោះឆ្នោត” ក្នុងនោះមានការប្រកាសលទ្ធផលបោះឆ្នោត និងបញ្ជីរាយនាមបណ្តាបេក្ខជនជាប់ឆ្នោត។

អ្នកយកសារព័ត៌មាន៖ សូមអរគុណសមមិត្តអនុលេខាប្រចាំការបក្សខេត្ត ប្រធាន ក្រុមប្រឹក្សាប្រជាជនខេត្ត ប្រធានគណៈកម្មាធិការបោះឆ្នោតខេត្តបានលាយពេលឆ្លើយសម្ភាធន៍នេះ៕        

ហុងភឿង-រតនា