បន្តអនុវត្តគម្លាតសង្គមលើភូមិសាស្រ្តខេត្ត ១៥ ថ្ងៃទៀត

 សន្និបាតផ្សាយបន្តផ្ទាល់ស្ដីពីការងារបង្ការទប់ស្កាត់ ជំងឺកូវីដ-១៩ លើភូមិសាស្រ្តខេត្តត្រាវិញ។ រូបថត៖ បាធី

     ​​កាលពីថ្ងៃទី ១៤ សីហា នៅគណៈកម្មាធិការប្រជាជនខេត្ត លោកឡេវុាំងហាំង អនុលេខា​បក្សខេត្ត ប្រធានគណៈកម្មាធិការប្រជាជនខេត្ត ប្រធានគណៈចង្អុលការបង្ការទប់ស្កាត់ជំងឺកូវីដ-១៩ ខេត្តត្រាវិញធ្វើអធិបតីអង្គសន្និបាតផ្សាយបន្តផ្ទាល់ស្ដីពីការងារបង្ការទប់ស្កាត់ជំងឺកូវីដ-១៩ លើភូមិសាស្រ្តខេត្តត្រាវិញ។ ចូលរួមនៅគណៈកម្មាធិការប្រជាជនខេត្ត មានលោក គឹមង៉ុកថាយ អនុលេខាប្រចាំការបក្សខេត្ត ប្រធានក្រុមប្រឹក្សាប្រជាជនខេត្ត បណ្ដាសមាជិកក្រុមការងាររបស់ក្រសួងសុខាភិបាល និងបណ្ដាសមាជិកគណៈចង្អុលការខេត្ត។
     ស្ថិតក្នុងស្ថានភាពប្រែប្រួលស្មុគ្រស្មាញរបស់អាសន្នរោគកូវីដ-១៩ លើភូមិសាស្រ្តខេត្ត គួរចាប់អារម្មណ៍ក្នុងសប្ដាហ៍កន្លង ខេត្តរកឃើញ ករណីវិជ្ជមាននឹងវិរុស SARS-CoV-2 ក្នុងបណ្ដាក្រុមហ៊ុនមានពលករធ្វើការច្រើន ដូចជា៖ ក្រុមហ៊ុនភាគហ៊ុនកាត់ដេរសូហ្វាស៊ាង នៅមណ្ឌលឧស្សាហកម្មឡុងឌឹក ទីក្រុងត្រាវិញ ក្រុមហ៊ុនស្បែកជើងម៉ីផុង (សាខានៅឃុំថាញ់ស៊ើង ស្រុក ថ្កូវ)។
     យោងតាមយោបល់របស់ថ្នាក់ដឹកនាំ​ បណ្ដាមូលដ្ឋាន បណ្ដាមន្ទីរ គណៈ ផ្នែកខេត្ត និង សមាជិកក្រុមការងារឧបត្ថម្ភ បង្ការទប់ស្កាត់ជំងឺកូវីដ-១៩ របស់ក្រសួងសុខាភិបាល ប្រធានគណៈកម្មាធិការប្រជាជនខេត្តលោកឡេ វុាំងហាំង ឯកភាពបន្តអនុវត្តសារាចរលេខ ១៦/CT-TTg ចុះថ្ងៃទី ២១ ខែមីនា ឆ្នាំ ២០២០ របស់នាយករដ្ឋមន្រ្តីនៃ រដ្ឋាភិបាលរយៈពេល ១៥ ថ្ងៃ ចាប់ពីថ្ងៃបញ្ចប់ការអនុវត្តសារាចរលេខ ១០/CT-UBND ចុះថ្ងៃទី ០១ ខែសីហា ឆ្នាំ ២០២១ “ស្ដីពីបន្ត និងបង្កើនការអនុវត្តសារា ចរលេខ ០៩/CT-UBND ចុះថ្ងៃទី ១៨ ខែកក្កដា ឆ្នាំ ២០២១ របស់គណៈកម្មាធិការប្រជាជនខេត្ត”។
     រួមជាមួយនោះ ប្រធានគណៈកម្មាធិការប្រជាជនខេត្តចង្អុលការត្រូវសហការបង្កើនការពិន័យ ក្រឹត្យក្រម មិនទុកឲ្យធូររលុងក្នុងការ គ្រប់គ្រង អនុវត្តគម្លាតសង្គមប្រកបដោយស្មារតីម៉ឹងម៉ាត់។ ថ្នាក់ដឹកនាំបណ្ដាអង្គភាព មូលដ្ឋាន ត្រូវទទួលខុសត្រូវប្រសិនបើទុកឲ្យប្រជាជននៅលើភូមិសាស្រ្តឬអង្គភាពរបស់ខ្លួនបំពានបណ្ដាសេចក្ដីកំណត់ក្នុងការគម្លាត។ ត្រួតពិនិត្យទាន់ពេលផ្អាកជាបន្ទាន់ បណ្ដាអាជីវកម្មផលិតដែលមិនទាន់ធានាបានគោលលំនាំ “០៣  យ៉ាងនៅនឹងកន្លែង” និងបណ្ដាអាជីវកម្មផលិតមុខទំនិញមិនទាន់ចាំបាច់។ល។
     បណ្ដាមូលដ្ឋានយកចិត្តទុកដាក់ជាងទៀត ការងារសុខុមាលភាពសង្គម មិនទុកឲ្យនរណាខ្វះហូប មិនបានព្យាបាលជំងឺ មិនទុកឲ្យកសិផលនៅគរក្រោយពេលប្រមូលផល ធានាសន្តិសុខ សណ្ដាប់ធ្នាប់ វិនិច្ឆ័យល្អបណ្ដាអបាយមុខសង្គម ចំពោះ បណ្ដាមូលដ្ឋានដែលមានលក្ខណៈ គប្បីផ្សព្វផ្សាយបណ្ដាហាងលក់ទំនិញ “ ០ ដុង” ដើម្បីឧបត្ថម្ភប្រជាជន។
     ផ្នែកសុខាភិបាលយកចិត្តទុកដាក់ដល់ការ ឆ្លងរាលដាលជំងឺខ្វែងគ្នាក្នុងបណ្ដាមូលដ្ឋានសុខាភិបាល មណ្ឌលចត្តាឡីស័ក ត្រូវកសាង យុទ្ធសាស្រ្តដើម្បីធានាថ្នាំពេទ្យ ឧបករណ៍សុខាភិបាល ប្រភពធនធានមនុស្ស បញ្ជាល្អ ទាន់ពេលបណ្ដាឧបករណ៍ពេទ្យដែលក្រសួងសុខាភិបាលឧបត្ថម្ភ។ល។ ក្នុងការព្យាបាលជំងឺដល់ អ្នកជំងឺកូវីដ។ ទន្ទឹមនឹងការព្យាបាលអ្នកជំងឺ គប្បីថែទាំល្អអំពីរបបអាហារូបត្ថម្ភសម្រាប់អ្នកជំងឺ បណ្ដាគោលនយោបាលសម្រាប់បុគ្គលិក សុខាភិបាល និងកាត់បន្ថយដល់កម្រិតទាបបំផុតសំបុកមេរោគថ្មីក្នុងសហគមន៍។ បន្តប្រញាប់ផ្សព្វផ្សាយព្រមៗ គ្នាយុទ្ធនាការចាក់វ៉ាក់សាំងបង្ការជំងឺកូវីដ-១៩ តាមលក្ខការណ៍ “ចាក់ថ្នាំដល់ណា សុវត្ថិភាពដល់នោះ” និងធានាត្រូវតាមមុខសញ្ញាតាមការលៃលករបស់ផ្នែកជំនាញ ដាច់ខាតមិនទុកឲ្យមានបញ្ហាអសកម្មក្នុងការចាក់វ៉ាក់សាំង។
     ប្រធានគណៈកម្មាធិការប្រជាជនខេត្តសំណូមពរបណ្ដាស្ថាប័នសារព័ត៌មានផ្ដុំផ្សព្វផ្សាយ ចលនាជួយឲ្យប្រជាជន លើកកម្ពស់ស្មារតីយល់ដឹងក្នុងការបង្ការទប់ស្កាត់ជំងឺ បដិសេធទាន់ពេលបណ្ដាព័ត៌មានមិនពិតប្រាកដក្នុងការបង្កា ទប់ស្កាត់ជំងឺ បំផុតគឺផ្សព្វផ្សាយជួយឲ្ ប្រជាជនពង្រឹងក្ដីជំនឿ មិនបារម្ភពេលអាសន្នរោគប្រែប្រួល ផ្សព្វផ្សាយពង្រីកទូលាយទាន់ពេលបណ្ដាទម្រង់ល្អៗ បណ្ដាបុគ្គលឆ្នើមក្នុងការបង្ការទប់ស្កាត់ជំងឺ។
     យោងលើស្មារតី “ប្រឆាំងជំងឺដូចប្រឆាំងខ្មាំង” ប្រធានគណៈកម្មាធិការប្រជាជនខេត្តសំណូមពរថ្នាក់ដឹកនាំបណ្ដាមូលដ្ឋាន អង្គភាព ពិនិត្យឡើងវិញទាំងស្រុង បណ្ដាសារលិខិតចង្អុលការរបស់ខេត្ត និងមជ្ឈិមដើម្បីអនុវត្តល្អ ធានាត្រូវតាមច្បាប់ស្ដីពីការងារបង្ការទប់ស្កាត់ ជំងឺកូវីដ-១៩៕  ថាច់ហ្វាង