បូកសរុបការងារបោះឆ្នោតតំណាងរដ្ឋសភា នីតិកាលទី ១៥ និងតំណាងក្រុមប្រឹក្សាប្រជាជនគ្រប់លំដាប់ថ្នាក់ អាណត្តិកាល ២០២១-២០២៦

លោក គឺមង៉ុកថាយ (ខាងស្តាំ) អនុលេខាប្រចាំការបក្សខេត្ត ប្រធានក្រុមប្រឺក្សាប្រជាជនខេត្ត 
ជូនទង់ប្រឡងប្រណាំងដល់ប្រជាជននិងកម្មាភិបាល ស្រុកទីវកឹង ។ រូបថត៖ គីមឡង

     កាលពីថ្ងៃទី ១៦ មិថុនា គណៈកម្មាធិការបោះឆ្នោតខេត្តចាត់តាំងសន្និបាតបូកសរុបការងារបោះឆ្នោតតំណាងរដ្ឋសភា នីតិកាលទី ១៥ និងតំណាងក្រុមប្រឹក្សាប្រជាជនគ្រប់លំដាប់ថ្នាក់ អាណត្តិកាល ២០២១-២០២៦។ សមមិត្ត គឹមង៉ុកថាយ អនុលេខាប្រចាំការបក្សខេត្ត ប្រធានក្រុមប្រឹក្សាប្រជាជនខេត្ត ប្រធានគណៈកម្មាធិការបោះឆ្នោតខេត្ត សមមិត្ត យឿងធីង៉ុកធើ សមាជិកអចិន្ត្រៃយ៍នៃគណៈកម្មាធិការបក្សខេត្ត អនុប្រធានក្រុមប្រឹក្សាប្រជាជនខេត្ត អនុប្រធានគណៈកម្មាធិការបោះឆ្នោតខេត្ត សមមិត្ត ឡេថាញ់បិញ សមាជិក អចិន្ត្រៃយ៍នៃគណៈកម្មាធិការបក្សខេត្ត អនុប្រធានគណៈកម្មាធិការប្រជាជនខេត្ត អនុប្រធានគណៈកម្មាធិការបោះឆ្នោតខេត្តធ្វើជាអធិបតីសន្និបាត។
     ក្នុងការបោះឆ្នោតតំណាងរដ្ឋសភា នីតិកាល ទី ១៥ និងតំណាងក្រុមប្រឹក្សាប្រជាជនគ្រប់លំដាប់ថ្នាក់ អាណត្តិកាល ២០២១-២០២៦ ខេត្តត្រាវិញមានម្ចាស់ឆ្នោតចូលរួមបោះឆ្នោត ៧៩៨.០០១ នាក់ សម្រេចអត្រា ៩៩,៩៧% នៃម្ចាស់ឆ្នោតទៅបោះឆ្នោតជ្រើសតំណាងរដ្ឋសភានីតិកាលទី ១៥ ចំនួន ០៦ រូប និងតំណាងក្រុមប្រឹក្សាប្រជាជនខេត្តនីតិកាលទី ១០ ចំនួន ៤៩ រូប តំណាងក្រុមប្រឹក្សាប្រជាជនថ្នាក់ស្រុក ២៨៧ រូប តំណាងក្រុមប្រឹក្សាប្រជាជនថ្នាក់ឃុំ ២.៧២០ រូប។
     ការផ្សព្វផ្សាយចាត់តាំងអនុវត្តការងារបោះឆ្នោតតំណាងរដ្ឋសភា នីតិកាលទី ១៥ និង តំណាងក្រុមប្រឹក្សាប្រជាជនគ្រប់លំដាប់ថ្នាក់ អាណត្តិកាល ២០២១-២០២៦ គណៈកម្មាធិការបក្សខេត្ត ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមខេត្តត្រាវិញ និងគណៈកម្មាធិការបោះឆ្នោតខេត្តរួមជាមួយនឹងបណ្តាផ្នែក បណ្តាថ្នាក់ បណ្តាអង្គការចាត់តាំងទទួល បន្ទុកបោះឆ្នោតបញ្ជាក់បានសារសំខាន់របស់ការងារបោះឆ្នោត ត្រៀមបម្រុងរាល់លក្ខណៈ ល្អបំផុត ធានាឲ្យការបោះឆ្នោតនៅលើភូមិសាស្ត្រខេត្តសម្រេចជោគជ័យ។  
     គណៈកម្មាធិការបក្ស រដ្ឋអំណាច គណៈអចិន្ត្រៃយ៍នៃគណៈកម្មាធិការរណសិរ្សមាតុភូមិវៀតណាមខេត្តត្រាវិញ បណ្តាអង្គការចាត់តាំងទទួលបន្ទុកបណ្តាថ្នាក់សកម្មដឹកនាំចង្អុលការផ្សព្វផ្សាយចាត់តាំងអនុវត្តល្អការងារបោះឆ្នោតនៅថ្នាក់យើង។ បណ្តាជំហានត្រៀមបម្រុងឱ្យការបោះឆ្នោតបានអនុវត្តត្រឹមត្រូវតាមសេចក្តីកំណត់របស់ច្បាប់ ការងារដឹកនាំចង្អុលការ ណែនាំរបស់ស្ថាប័ន អង្គការចាត់តាំងមានសិទ្ធិតែងបានចាត់តាំងផ្សព្វផ្សាយអនុវត្តយ៉ាងស្និទ្ធស្នាល និងទាន់ពេល។ ការងារត្រួតពិនិត្យស៊ើបអង្កេតបានអនុវត្តល្អ ការក្រើនរំលឹកដាស់តឿនបណ្តាខុសឆ្លកទាន់ពេល និងដោះស្រាយការលំបាក ជំពាក់វាក់វិនជូនថ្នាក់ក្រោម ពិសេសគឺថ្នាក់មូលដ្ឋាន។ សកម្មភាពសារព័ត៌មានផ្សព្វផ្សាយអំពីការបោះឆ្នោតបានអនុវត្តជាមួយនឹងរូបភាពពហុសណ្ឋាន ជាក់ស្តែងមានប្រសិទ្ធភាព អាស្រ័យដោយបានអនុវត្តកិច្ចការនេះ និងបានការឧបត្ថម្ភគាំទ្រយ៉ាងសកម្មរបស់ប្រជាជនបានជាការបោះឆ្នោតសម្រេចបានលទ្ធផលល្អ អត្រាម្ចាស់ឆ្នោតទៅបោះសម្រេចអត្រាខ្ពស់ ចំនួនតំណាងរដ្ឋសភានីតិកាលទី ១៥ និងតំណាងក្រុមប្រឹក្សាប្រជាជនគ្រប់លំដាប់ថ្នាក់អាណត្តិកាល ២០២១-២០២៦ បានបោះគ្រប់ចំនួនតមការកំណត់របស់ច្បាប់ គ្មានអង្គភាពបោះឆ្នោតណាត្រូវបោះបន្ថែម បោះសាឡើងវិញ និងកើតមានការល្មើសក្នុងការងារបោះឆ្នោតឡើយ។

     មានយោបល់ក្នុងអង្គសន្និបាត សមមិត្ត គឹមង៉ុកថាយ បានវាយតម្លៃស្ងើចសរសើរពីលទ្ធផលដែលសម្រេចបានក្នុងការងារបោះឆ្នោតតំណាងរដ្ឋសភា នីតិកាលទី ១៥ និងតំណាងក្រុមប្រឹក្សាប្រជាជនគ្រប់លំដាប់ថ្នាក់ អាណត្តិកាល ២០២១-២០២៦។ ទន្ទឹមនឹងនោះបានសង្កត់ធ្ងន់ថា៖ សម្រេចបានបណ្តាលទ្ធផលគួរឱ្យកត់សម្គាល់គឺជាការខិតខំ បញ្ចេញកម្លាំងរបស់បណ្តាក្រុមបោះឆ្នោតរបស់អង្គភាពបោះឆ្នោតគ្រប់ថ្នាក់ដែលបានសកម្មអនុវត្តសម្រេចភារកិច្ចដែលបានប្រគល់ជូន អនុវត្តត្រឹមត្រូវតាមបណ្តាសេចក្តីកំណត់របស់ច្បាប់បោះឆ្នោតតំណាងរដ្ឋសភា និងតំណាងក្រុមប្រឹក្សាប្រជាជន បណ្តាឯកសារចង្អុលការរបស់ថ្នាក់លើ។ ស្ថិតនៅនឹងបណ្តាកន្លែងបោះឆ្នោតបានផ្សព្វផ្សាយអនុវត្តល្អបណ្តាវិធានការបង្ការទប់ស្កាត់អាសន្នរោគជំងឺកូវីដ-១៩។ ស្ថានភាពសន្តិសុខសណ្តាប់ធ្នាប់សុវត្ថិភាពសង្គមបានធានាមុន ក្នុង និងក្រោយថ្ងៃបោះឆ្នោត។ តួនាទីដឹកនាំចង្អុលការរបស់គណៈចង្អុលការបោះឆ្នោតគ្រប់ថ្នាក់ត្រដាងបានភាពឯកភាព ជានិច្ចកាលក្នុងការងារដឹកនាំ ចង្អុលការ ផ្តើមពីគោលការណ៍របស់បក្ស រដ្ឋរហូតដល់ការអនុវត្តការងារជំនាញបោះឆ្នោត។ ចំណេះដឹង និងភារកិច្ចរបស់ម្ចាស់ឆ្នោតអំពីកាតព្វកិច្ច និងផលប្រយោជន៍របស់ខ្លួនបានកើនឡើង អត្រាម្ចាស់បោះឆ្នោតទៅបោះឆ្នោតបានខ្ពស់បញ្ជាក់ឱ្យឃើញចំណេះដឹងខាងកសាងប្រទេសនីតិរដ្ឋរបស់ប្រជាជន អាស្រ័យដោយប្រជាជន ដើម្បីប្រជាជនរបស់ម្ចាស់​ឆ្នោតក្នុងទូទាំងខេត្ត។

     សំណូមពរក្នុងពេលខាងមុខ បណ្តាផ្នែកមានការទាក់ទិនត្រៀម​បម្រុងល្អរាល់កិច្ចការ​ចាត់តាំងសម្រេចជោគជ័យសម័យប្រជុំលើកទីមួយ -ក្រុមប្រឹក្សាប្រជាជននីតិកាលទី ១០ អាណត្តិកាល ២០២១-២០២៦ ប្រមូលផ្តុំកម្លាំងពង្រឹងបណ្តាតួនាទីដឹក​នាំធ្វើសកម្មភាព​ជំនាញការតាមការកំណត់ កសាងកម្មវិធី ផែនការការងារទូទាំងនីតិកាល និងឆ្នាំ ២០២១ យកចិត្តទុកដាក់ដឹកនាំលើកកម្ពស់គុណភាពធ្វើសកម្មភាពរបស់ក្រុមប្រឹក្សាប្រជាជនគ្រប់លំដាប់ថ្នាក់តាមស្មារតីសារាចរលេខ ២៦-CT/TU ចុះថ្ងៃទី ២១ វិច្ឆិកាឆ្នាំ ២០១៧ របស់គណៈអចិន្ត្រៃយ៍នៃគណៈកម្មាធិការបក្សខេត្ត  ទន្ទឹមនឹងនោះ  បន្តផ្សព្វផ្សាយសម្រេចជោគជ័យលទ្ធផលបោះឆ្នោតតំណាងរដ្ឋសភា នីតិកាលទី ១៥ និងតំណាងក្រុមប្រឹក្សាប្រជាជនគ្រប់លំដាប់ថ្នាក់ អាណត្តិកាល ២០២១-២០២៦។

     នាឱកាសនេះដែរ ប្រធានគណៈកម្មាធិការប្រជាជនខេត្តជូនទង់ប្រឡងប្រណាំងរបស់ខេត្តដល់ប្រជាជន និងកម្មាភិបាលស្រុកទីវកឹងដែលមានស្នាដៃឆ្នើមក្នុងការងារចាត់តាំង អនុវត្តការងារបោះឆ្នោតតំណាងរដ្ឋសភា នីតិកាលទី ១៥ និងតំណាងក្រុមប្រឹក្សាប្រជាជនគ្រប់លំដាប់ថ្នាក់ អាណត្តិកាល ២០២១-២០២៦ និងជូនបណ្ណសរសើរដល់សមូហភាព ២៨ កន្លែង និងបុគ្គល ១៧៣ រូបដែលមានស្នាដៃឆ្នើមក្នុងការងារចាត់តាំង អនុវត្តការងារបោះឆ្នោតតំណាងរដ្ឋសភា នីតិកាលទី ១៥ និងតំណាងក្រុមប្រឹក្សាប្រជាជនគ្រប់លំដាប់ថ្នាក់ អាណត្តិកាល ២០២១-២០២៦៕            ប្រែសម្រួល៖ រតនា