ជួបជុំអនុស្សាវរីយ៍ឆ្នាំទី ៣៨ ទិវាគ្រូបង្រៀនវៀតណាម

សមមិត្តង្វៀងធីប៊ិចវ៉ឹង នាយិកាមន្ទីរអប់រំ-បណ្តុះបណ្តាលខេត្ត ជូនលិខិតសរសើរ ។ រូបចតៈ​ ង៉ុកស្វង

     កាលពីថ្ងៃទី ១៩ វិច្ឆិកា មន្ទីរអប់រំ-បណ្តុះ​បណ្តាលសហការជាមួយ​ នឹងសហជីពផ្នែក​អប់រំ-បណ្តុះបណ្តាចាត់តាំងពិធីជួបជុំអនុស្សាវរីយ៍ឆ្នាំទី ៣៨ ទិវាគ្រូបង្រៀនវៀតណាម(២០ វិច្ឆិកាឆ្នាំ ១៩៣០- ២០ វិច្ឆិកាឆ្នាំ ២០២០) ភ្ជាប់ជាមួយនឹងពិធីបូកសរុបលទ្ធផលជូន ២៦ រង្វាន់ស្ងើចសរសើរពិធីប្រឡងសរសេរអំពីគំរូ គ្រូបង្រៀនមានចិត្តរវៀសរវៃ ធ្វើជាគំរូ " ឆ្នាំ ២០២០។ សមមិត្តង្វៀងធីប៊ិចវ៉ឹង សមាជិកាគណៈប្រតិបត្តិការបក្សខេត្ត នាយិកាមន្ទីរអប់រំ-បណ្តុះបណ្តាល ថ្នាក់ដឹកនាំសម្ព័ន្ធពលករ ខេត្ត សហជីពផ្នែកអប់រំ-បណ្តុះបណ្តាលរួមជាមួយនឹងកម្មាភិបាល បុគ្គលិករបស់មន្ទីរអប់​រំ-បណ្តុះបណ្តាល លោកគ្រូ អ្នកគ្រូបណ្តាសាលាស្ថិតក្រោមឱវាទ សិស្សទទួលបានរង្វាន់ក្នុងពិធីប្រឡង។
       ស្ថិតនៅនឹងពិធីជួបជុំនេះសមមិត្តង្វៀងធីប៊ិចវ៉ឹង បានរំលឹកឡើងវិញប្រវេណីឆ្នាំទី ៣៨ ទិវាគ្រូបង្រៀនវៀតណាម។ ទន្ទឹមនឹងនោះ បញ្ជាក់ឆ្នាំ ២០២០ នេះ ដោយមានអត្ថន័យយ៉ាងសំខាន់ចំពោះផ្នែកអប់រំ-បណ្តុះបណ្តាល។ ដែលបានប្រព្រឹត្តឡើង ក្នុងស្ថានភាពមហាអាសន្នរោគកូវីដ-១៩ ផ្នែកអប់រំ-បណ្តុះបណ្តាល ត្រូវកែប្រែផែនការពេលវេលារៀន ០២ លើក ប៉ុន្តែកម្មាភិបាល គ្រូបង្រៀន បុគ្គលិក និយោជិត និងអ្នកពលកម្មបានខិតខំអស់ពីចិត្តឆ្លងកាត់រាល់ការលំបាកធ្វើសកម្មភាពអប់រំ-បណ្តុះ បណ្តាលក្នុងខេត្តបន្ត​ នឹងទទួលបានសមិទ្ធ​ផលល្អប្រសើរ។
       នាឱកាសនេះ សមមិត្ត​ ង្វៀងធីប៊ិចវ៉ឹង​   សូមកត់ត្រានូវបណ្តាស្នាដៃ​ រួមវិភាគទាន​របស់កងជួរកម្មាភិបាលគ្រូបង្រៀន កម្មាភិបាល គ្រប់គ្រងអប់រំគ្រប់លំដាប់ថ្នាក់ដើម្បីបុព្វហេតុ អភិវឌ្ឍន៍អប់រំ-បណ្តុះបណ្តាលរបស់ខេត្ត។ សង្ឃឹមថា កម្មាភិបាល គ្រូបង្រៀនក្នុងទូទាំង ផ្នែកមិនបញ្ឈប់រៀនសូត្រលើកកម្ពស់កម្រិត វិជ្ជាលត់ដំតាមសតិអារម្មណ៍ សីលធម៌ ឥរិយា​បថហូជីមិញ សកម្មចូលរួមវិភាគទានជាកម្លាំង​ប្រាជ្ញា សម្រាប់បុព្វហេតុអប់រំ។
       ក្រៅពីនោះសហជីពផ្នែកអប់រំ-បណ្តុះ​បណ្តាល បានបំផុសចលនាឧបត្ថម្ភដល់បណ្តាខេត្តភាគ កណ្តាលដែលត្រូវរងគ្រោះធម្មជាតិភ្លៀងព្យុះទឹកជំនន់បានជាង ២៣០ លានដុង។
         គិតតាំងពីខែឧសភាឆ្នាំ ២០២០ សហ ជីពផ្នែកអប់រំ-បណ្តុះបណ្តាលចាត់តាំងពិធីប្រ​ឡង សរសេរអំពីគំរូគ្រូបង្រៀនមានចិត្តរវៀស​រវៃធ្វើជាគំរូ "។ គណៈចាត់តាំងពិធីប្រឡង​ទទួលបាន ២២៣ អត្ថបទពីគ្រូបង្រៀន និងសិស្សក្នុងខេត្តផ្ញើចូលរួមប្រឡង។ ក្នុងនោះ មានអត្ថបទជាច្រើន បានត្រដាងធ្លាយឡើង​ពីបណ្តាភាពរំជួលក្នុងអារម្មណ៍គ្រប់ជ្រុងជ្រោយ​ យ៉ាងទៀងត្រង់របស់អ្នកសរសេរអំពីលោកគ្រូ អ្នកគ្រូក្នុងការបង្ហាត់បង្រៀនការងារសហជីព ភាពទំនាក់ទំនងជាមីត្តរួមអាជីព-សិស្ស បណ្តា ការបរិច្ចាគរបស់ឥស្សរជនលើគ្រប់ជ្រុងជ្រោយសកម្មភាពជាច្រើន។ មានអត្ថបទខ្លះ សរសេរអំពីលោកគ្រូអ្នកគ្រូបង្រៀននៅតំបន់ឆ្ងាយ​តំបន់ជ្រៅដោយអំណត់ព្យាយាមជាមួយ នឹង របរថែទាំសិស្សក៏បានត្រដាងឡើងនូវមនោ សញ្ចេតនាយ៉ាងជ្រាលជ្រៅរបស់អ្នកសរសេរ។
        ពិធីប្រឡងនេះដើម្បីបង្កលក្ខណៈសម្រាប់គ្រូ បង្រៀន សិស្សមានឱកាសត្រដាងឡើងនូវ មនោសញ្ចេតនាដឹងគុណ"គោរពនិងត្រាប់​តាម​ ច្បាប់របស់គ្រូ"  ពង្រីកប្រវេណីគោរព​លោក​គ្រូរបស់ជនជាតិ។  ស្ថិតក្នុងពិធីជួបជុំអនុស្សាវ រីយ៍ឆ្នាំទី ៣៨ ទិវាគ្រូបង្រៀនវៀតណាម គណៈចាត់តាំងពិធីប្រឡងបានជូន ២៦ រង្វាន់ ស្ងើចសរសើរដល់គ្រូបង្រៀន និងសិស្សដែល មានអត្ថបទសរសើរល្អ ក្នុងនោះជូនរង្វាន់ លេខ មួយ ០២ រង្វាន់ លេខពីរ ០២ រង្វាន់ លេខបី ពីររង្វាន់ និងរង្វាន់លើកទឹកចិត្ត ២០។ អ្នកគ្រូ ទ្រឿង​ធី​ថាញ់​ង្វៀង និងប្អូនឡើធីកីមង៉ឹង អង្គ ភាពសាលាវិទ្យា​ល័យង្វៀងធៀងថាញ់ ជាមួយ គ្នាទទួលបាន​ជ័យលាភីលេខមួយ៕     

 ប្រែសម្រួលៈ​​ រតនា