សមមិត្ត ង៉ូជីកឿង លេខាបក្សខេត្ត៖ មូលដ្ឋានគប្បីច្បាមជាប់គោលលំនាំធ្វើសកម្មភាពរបស់គណៈកម្មាធិការបក្សខេត្ត

តាមសេចក្តីរបាយការណ៍ជូនគណៈប្រតិភូអចិន្ត្រៃយ៍បក្សខេត្ត លោកត្រឹងផុងបា អនុលេខាបក្សស្រុក ប្រធានគណៈកម្មាធិការប្រជាជនស្រុកបានជូនព័ត៌មាន៖ អនុវត្តសេចក្ដីសម្រេចចិត្តឆ្នាំ ២០២១ ក្នុងចំណោមលក្ខឋាន ២១ យ៉ាង បានដាក់ចេញ មាន ២០/២១ លក្ខឋានសម្រេច និងសម្រេចលើសសេចក្ដីសម្រេចចិត្ត។ ​ដោយឡែកលក្ខឋាន​ពលករ​អនុវត្តសម្រេចបាន  ៨០%។ ក្នុង ២ ខែដើមឆ្នាំ ២០២២ ស្ថានភាពពង្រីក​សេដ្ឋកិច្ច‑សង្គមលើភូមិសាស្រ្តស្រុកមានភាពវិវឌ្ឍន៍បង្គួរ មានអាជីវកម្មក្រៅខេត្ត ០៤  កន្លែង( បិញយឿង ទីក្រុងហូជីមិញ) វិនិយោគចូលក្នុងផ្សារផ្លែឈើដឿងឌឹក (ភូមិតាដេវ ឃុំនិញថើយ) មណ្ឌលឧស្សាហកម្ម អាងភូតឹង។ ស្ថានភាពរាំងស្ងួត ជ្រាបទឹកប្រៃក្នុងបណ្ដាខែ ដើមឆ្នាំ ២០២២ នៅស្រុកកូវកែបានជម្នះជា សារវន្ត​ឆ្លើយតប​បានល្អការរក្សាទឹកសាបក្នុង ការផលិតឆ្លងតាមរយៈបណ្ដាសំណង់លូបាំងបាត់ តឹងយិន។ ការងាររំសាយទុនវិនិយោគគិតដល់ថ្ងៃទី ១៦ ខែមីនា អនុវត្តសម្រេចបាន ៦២,៣៧%។

ទិដ្ឋភាពអង្គសន្និបាត។ រូបថត៖ ហ៊ឺវហ្វេ

ស្រុកកូវកែស្នើឱ្យខេត្តវិនិយោគបើកទូលាយផ្លូវមួយចំនួនបម្រើការដឹកជញ្ជូន តភ្ជាប់មុខទំនិញពីមណ្ឌលឧស្សាហកម្មអាងភូតឹង ផ្សារផ្លែឈើដឿងឌឹកជាមួយផ្លូវខេត្តលេខ ៩១៥។ បើកទូលាយផ្លូវមួយចំនួនទៅកាន់បណ្ដាវត្តកណ្ដាល វត្តអូរមិច ដើម្បីឆ្លើយតបការ​អញ្ជើញ​មកទស្សនារបស់ភ្ញៀវទេសចរ ។ល។ រួមចំណែកលើកកម្ពស់ បណ្ដាលក្ខឋានជនបទ​ថ្មីរបស់ស្រុកដើម្បីសម្រេចស្រុកជនបទថ្មីខ្នាតគំរូឆ្នាំ ២០២៥។

ប្រធានគណៈកម្មាធិការប្រជាជនខេត្ត ឡេវ៉ាំងហាំងវាយតម្លៃ៖ ស្រុកកូវកែមានសក្ដានុពលជាច្រើនសម្រាប់ជំរុញពង្រីកកសិកម្ម និងដងផ្លូវប្របទន្លេហូវដើម្បីពង្រីកបណ្ដាផ្នែកឧស្សាហកម្មបម្រើឱ្យបណ្ដាតំបន់រណបក្នុងការផលិតទំនិញកសិផលក្នុងការនីហរ័ណ។ កសាងតំបន់ទេសចរណ៍ធានា និងរក្សាបាន​បណ្ដា​កត្តាប្រកបដោយលក្ខណៈរបស់មូលដ្ឋាន មិនលាយឡំ និងភ្ជាប់រូបភាពរបស់មាតុភូមិ​កូវកែជាមួយភ្ញៀវទេសចរ។ល។ នៅពេលខាងមុខ មូលដ្ឋានគប្បីស្រាវជ្រាវក្នុងការកសាងផែនការពង្រីកសេដ្ឋកិច្ច-សង្គមសមស្របជាមួយសក្ដានុភាពរបស់ខ្លួន។ យកចិត្តទុកដាក់ក្នុងការធ្វើរចនាសម្ព័ន្ធសេដ្ឋកិច្ច គប្បីមានការបង្វែរឱ្យបានល្អជាងរវាង​បណ្ដាវិស័យកសិកម្ម ‑ ឧស្សាហកម្ម  ពាណិជ្ជកម្ម‑សេវាកម្ម អំពាវនាវ ជំរុញបណ្ដាអាជីវកម្មចូលរួមទៅតាមបណ្ដាមណ្ឌលឧស្សាហកម្មលើភូមិសាស្រ្តស្រុកយ៉ាងមានប្រសិទ្ធភាព។

លេខាបក្សខេត្ត ង៉ូជីកឿង ចង្អុលការ៖ មូលដ្ឋានគប្បីច្បាមជាប់គោលលំនាំធ្វើ​សកម្មភាពរបស់គណៈកម្មាធិការបក្សខេត្ត គណៈកម្មាធិការបក្សស្រុក។ ផ្ដុំផ្ទៀងផ្ទាត់ឡើង​វិញកងជួរកម្មាភិបាលដែលមាននាពេលបច្ចុប្បន្ន លើកកម្ពស់គុណភាពការងារ​ឡើងគ្រោងផែនការ។ បន្តស្រាវជ្រាវ និងអនុវត្តការផ្លាស់ថ្មីវិធីសាស្រ្ត ឥរិយាបថ របៀបធ្វើការរបស់កម្មាភិបាល បក្ខជនម្នាក់ៗ អនុវត្តល្អបណ្ដាលក្ខការណ៍ចាត់តាំងប្រជុំជីវភាពបក្ស។ ពង្រីកកម្លាំងរឹងមាំរបស់ស្រុកអំពីស្រូវ ផ្លែឈើ ប៉ុន្តែត្រូវប្រមូលផ្ដុំផលិតស្រូវមុខទំនិញ និងបង្កើនរហ័សចំនួនផលិតផល OCOP លើភូមិសាស្រ្តដើម្បីពីមួយថ្ងៃទៅមួយថ្ងៃកាន់តែលើកកម្ពស់តម្លៃមុខទំនិញកសិផល។ ទន្ទឹមនឹងនោះ ជាសន្សឹមៗបង្វែររចនាសម្ព័ន្ធសេដ្ឋកិច្ចតាមទិសដៅបន្ថយសមាមាត្រកសិកម្ម លើកកម្ពស់សមាមាត្រឧស្សាហកម្ម‑សាងសង់។ ត្រៀមបម្រុងបណ្ដាលក្ខណៈចាំបាច់(ទីធ្លាជ្រះ គោលនយោបាយទាក់ទាញជាលក្ខណៈពិសេសរបស់ស្រុក។ល។)ដើម្បីប្រើប្រាស់ឱកាសដែលខេត្តកំពុងមានគោលការណ៍ជំរុញវិនិយោគទៅក្នុងវិស័យ ៣ យ៉ាង៖ ទាញយកផល ច្នៃកសិផល ជលផល និងទេសចរណ៍នាឱកាសអនុស្សាវរីយ៍ឆ្នាំទី ៣០​ ទិវាបង្កើតខេត្តឡើងវិញ។ ប្រមូលផ្ដុំកៀរគរបណ្ដាប្រភពកម្លាំងដើម្បីពង្រីកខ្លាំងក្លាវិស័យទេសចរណ៍ ប្រើប្រាស់កម្លាំងព្រៀបដែលមានស្រាប់។ល។ អនុវត្តល្អបណ្ដារបបសម្រាប់មុខសញ្ញាសង្គម និងគ្រួសារគោលនយោបាយ។ ផ្ដុំបង្ការ បង្ក្រាបបណ្ដាអបាយមុខសង្គម សន្តិសុខសណ្ដាប់ធ្នាប់នៅតាមមូលដ្ឋាននីមួយៗ។​ ចំពោះបណ្ដាសំណើរបស់ស្រុកកូវកែ គប្បីធ្វើផែនការ គម្រោងផែនការដើម្បីផ្ញើទៅគណៈកម្មាធិការប្រជាជនខេត្ត និងបណ្ដាផ្នែក ពាក់ព័ន្ធពិនិត្យ និងដាក់ចូលទៅក្នុងគម្រោងផែនការ៕   

ប្រែសម្រួល៖ ថាច់សម្បត្តិ