រៀនសូត្រ និងធ្វើតាមអ៊ំហូ ភ្ជាប់ជាមួយការអនុវត្តន៍សេចក្តីសម្រេចចិត្ត

អ្នកស្រី ថាច់ធីង៉ុកហាញ់ អនុលេខាគណៈកម្មាធិការបក្សឃុំតឹងហ៊ុងឱ្យដឹង៖ ឃុំតឹងហ៊ុងមានចំនួនប្រជាជនជាជនជាតិខ្មែរស្រូបយកអត្រាជាង ៤៤%។ ក្នុងរយៈកាលកន្លង អនុវត្តសារាចរលេខ ០៥ ភ្ជាប់ជាមួយការកសាងជនបទថ្មី បានមាមីងខ្មែរជាច្រើនចូលរួមយ៉ាងស្រុះស្រួល។ ផ្តើមពីឃុំមួយសម្រេចសម្បទាជាឃុំជនបទថ្មី មកដល់បច្ចុប្បន្ន តឹងហ៊ុងបានក្លាយជាឃុំជនបទថ្មីលើកកម្ពស់ ហើយកំពុងស្ថិតក្នុងដំណាក់កាលខិតខំដើម្បីកសាងជាឃុំជនបទថ្មីខ្នាតគំរូ។

បក្ខភាគ និងប្រជាជនឃុំតឹងហ៊ុង​បន្តដាក់ចេញគោលដៅអនុវត្តបណ្តាកម្រិតផែនការឆ្នាំ ២០២២ ភ្ជាប់ជាមួយចលនារៀនសូត្រ និងធ្វើតាមគំរូសីលធម៌ ឥរិយាបថហូជីមិញ។ ឆ្លងតាមនោះ អនុវត្តជោគជ័យបណ្តាកម្រិតផែនការដែលមហាសន្និបាតបក្ខភាគឃុំតឹងហ៊ុងដាក់ចេញក្នុងអាណត្តិកាល ២០២១‑២០២៥ ។

ដងផ្លូវគ្មានសំណល់សំរាមនៅភូមិព្រែកលប។

ភូមិព្រែកលប ឃុំតឹងហ៊ុង មានជនរួមជាតិខ្មែរស្រូបយកអត្រាជាង ៧៣%។ អនុវត្តសារាចរលេខ ០៥ ក្រៅពីបន្តរក្សាបណ្តាទម្រង់មានប្រសិទ្ធភាព សាខាបក្សភូមិនៅទាំងបង្កើតបន្ថែមទម្រង់ “ដងផ្លូវគ្មានសំរាមជ័រ”។ លោក ថាច់ថាញ់ហ្វាង អធិការ​ក្លឹបបរិស្ថានអតីតយុទ្ធជនភូមិព្រែកលបឱ្យដឹង៖ ទម្រង់នោះបានរួមចំណែកបង្កើនចំណេះដឹងការពារបរិស្ថាន កាប់ឆ្ការគុម្ពោតព្រៃឈើស៊ុមទ្រុមនៅជុំផ្ទះ មិនចោលសំរាមបង្កឲ្យកខ្វក់បរិស្ថាន។ល។​​ ចំណែកសំរាមជ័រ បច្ចុប្បន្នផ្នែកមានសមត្ថកិច្ចដាក់ធុងសំរាម ១៧ ធុងតាមដងផ្លូវ ដើម្បីបង្កលក្ខណៈឱ្យប្រជាជនដាក់សំរាមត្រូវកន្លែងកំណត់។ ការកសាងទម្រង់នេះ ជារបៀបធ្វើមួយស្តែងឡើងការច្នៃប្រតិដ្ឋ ទទួលបានលទ្ធផលខ្ពស់ រួមចំណែកជាមួយរដ្ឋអំណាចយមូលដ្ឋានកសាងជោគជ័យភូមិជនបទថ្មីខ្នាតគំរូ  នៅតំបន់ដែលមានជនរួមជាតិខ្មែររស់នៅច្រើនកុះករ។

អនុវត្តសារាចរលេខ ០៥ យោងតាមលក្ខណៈជាក់ស្តែងរបស់ភូមិ ក្នុងរយៈកាលកន្លងសាខាបក្សភូមិព្រែកទុង បានយកចិត្តទុកដាក់ដល់ការងារកាត់បន្ថយភាពក្រីក្រយ៉ាងស្ថិរភាព ដើម្បីឆ្ពោះទៅកសាងភូមិជនបទថ្មីខ្នាតគំរូ។ ផ្តើមពីនោះសាខាបក្សភូមិបានជំរុញការពង្រីកបណ្តាទម្រង់ពង្រីកសេដ្ឋកិច្ចគ្រួសារ ដូចជា៖ ទម្រង់ដាំដូង ដាំឈើហូបផ្លែ ចិញ្ចឹមគោមេ។ល។

ជាគ្រួសារក្រីក្រមួយរបស់ភូមិ អាស្រ័យបានរដ្ឋអំណាចមូលដ្ឋានបំផុសចលនា និងបង្កលក្ខណៈឲ្យបងថាច់ភឿង(ភូមិព្រែកទុង) សម្រេចចិត្តបុលទុនពីធនាគារគោលនយោបាយសង្គមស្រុក ៣០ លានដុង ដើម្បីវិនិយោគកសាងទម្រង់ម៉ាស៊ីនកិនស្រូវ និងរណារសម្រាប់អារដើមឈើស៊ីឈ្នួល។ ផ្តើមពីនោះ​គ្រួសារបង មានប្រភពចំណូលលំនឹងពី ១៥០‑ ៣០០ ពាន់ដុងក្នុងមួយថ្ងៃ។​ ប្រិតសំចៃបានប្រាក់ទុន គ្រួសារបងបន្តទិញបានម៉ាស៊ីនជ្រួយដី ០១ គ្រឿង។ អាស្រ័យមានចរិតព្យាយាម ពុះពារឈានឡើងក្នុងជីវភាព គ្រួសារបងភឿងជាគ្រួសារមួយរួចផុតពីភាពក្រីក្រ និងធ្វើជាគំរូឆ្នើមដើម្បីមាមីងក្នុងភូមិរៀនសូត្រតាម។

ក្នុងរយៈកាលកន្លង ដើម្បីឧបត្ថម្ភគ្រួសារក្រីក្រឲ្យចាកផុតពីភាពក្រីក្រ ទន្ទឹមជាមួយបង្កប្រាក់ទុន ភូមិព្រែកទុងនៅទាំងឆ្លៀតយកបណ្តាកម្មវិធី គម្រោងការ បណ្តាក្រុមហ៊ុននៅលើភូមិសាស្រ្ត ដើម្បីឧបត្ថម្ភការងារធ្វើជូនពលករជាង ១៥០ លើកនាក់។ ជីវភាពប្រជាជននៅក្នុងភូមិបានលើកកម្ពស់ជាលំដាប់។ បច្ចុប្បន្ន ភូមិនៅមានគ្រួសារក្រីក្រតែ ០២​ គ្រួ។ នៅពេលខាងមុខ ភូមិនឹងផ្តុំកម្លាំងដើម្បីលុបបំបាត់គ្រួសារក្រីក្រឲ្យអស់នៅចុងឆ្នាំ ២០២២ នេះ។

យោងតាមលទ្ធផលដែលសម្រេចបាននោះ ឃុំតឹងហ៊ុងកាន់តែរីកចម្រើន។​ ឆ្នាំ ២០១១ ប្រភពចំណូលមធ្យមរបស់មនុស្សម្នាក់ក្នុងមួយឆ្នាំសម្រេច ១២,៧ លានដុង អត្រាគ្រួសារក្រីក្រនៅ ១០,៣៧% ដល់ឆ្នាំ ២០២១ ប្រភពចំណូលមធ្យមរបស់មនុស្សម្នាក់ក្នុងមួយឆ្នាំកើនឡើង  ៦៦,៦ លានដុង អត្រាគ្រួសារក្រីក្រនៅតែ ០,២៦%។ បច្ចុប្បន្ន ភូមិកំពុងអនុវត្តបណ្តាដំណោះស្រាយ បង្កើនប្រភពចំណូលជូនប្រជាជន​ និងឆ្ពោះទៅកាន់ទិសដៅកសាងសម្រេចឃុំជនបទថ្មីខ្នាតគំរូ ដែលសេចក្តីសម្រេចចិត្តរបស់មហាសន្និបាតបក្ខភាគឃុំដាក់ចេញ៕

អត្ថបទ-រូបថត៖ សុខា