17/02/2022 20:56
កាលពីព្រឹកថ្ងៃទី ១៤ កុម្ភៈ គណៈកម្មាធិការប្រជាជនខេត្តបានចាត់តាំងពិធីចុះហត្ថលេខា លើកិច្ចព្រមព្រៀងសហប្រតិបត្តិការរវាងគណៈកម្មាធិការប្រជាជនខេត្តត្រាវិញ និងអង្គការអភិវឌ្ឍន៍ហូឡង់ SNV ស្តីពីអនុវត្តគម្រោងការ «វាយតម្លៃនិងអនុវត្តសកម្មភាពផ្គត់ផ្គង់ទឹកស្អាត និងអនាម័យបរិស្ថាន និងរចនាកម្មវិធីពង្រីកសហគមន៍រួមបញ្ចូល» (CDP ត្រាវិញ)។ លោក ឡេថាញ់បិញ អនុប្រធានគណៈកម្មាធិការប្រជាជនខេត្តត្រាវិញ និងលោក Peter Loach នាយកជាតិ SNV ប្រចាំនៅប្រទេសវៀតណាមចូលរួមនិងចុះហត្ថលេខាលើអនុស្សរណៈចងចាំ ។អង្គការអភិវឌ្ឍន៍ហូឡង់ SNV ជាអង្គការមួយក្រៅរដ្ឋាភិបាលអន្តរជាតិ។ នៅខេត្តត្រាវិញចាប់តាំងពីឆ្នាំ ២០១៦-២០២០ SNV បានអនុវត្តជោគជ័យគម្រោងការ «បើកទូលាយគំរូ បង្កង ព្រៃចីរភាព» នៅតាមបណ្តាតំបន់មាត់សមុទ្ររបស់បណ្តាខេត្តមាត់សមុទ្រកាម៉ាវ បេនត្រែ និងត្រាវិញ (ឬហៅថាគម្រោងការព្រៃកោងកាង) និងទីផ្សារបានសហប្រតិបត្តិការជាមួយ IUCN សម្រាប់ប្រព័ន្ធបង្កង ព្រៃប្រកបដោយចីរភាព។
.jpg)
កិច្ចចុះហត្ថលេខាអនុស្សរណៈចងចាំ ភាគីទាំងទ្វេ។រូបថត៖ ទ្រឿងអង
ជាមួយគោលបំណងជម្រុញការពង្រីកសេដ្ឋកិច្ច សង្គមរបស់ខេត្ត រួមចំណែកកាត់បន្ថយភាពក្រីក្រ លើកកម្ពស់សមភាពភេទ ទប់ទល់មានប្រសិទ្ធភាពជាមួយអាកាសធាតុប្រែប្រួល គណៈកម្មាធិការប្រជាជនខេត្តត្រាវិញ និងអង្គការអភិវឌ្ឍន៍ហូឡង់ បានឈានដល់កិច្ចព្រមព្រៀងសហប្រតិបត្តិការ និងឈានដល់ការចុះហត្ថលេខាលើអនុស្សរណៈចងចាំអនុវត្តគម្រោងការ «វាយតម្លៃ និងអនុវត្តសកម្មភាពផ្គត់ផ្គង់ទឹកស្អាត និងអនាម័យបរិស្ថាន និងរចនាកម្មវិធីអភិវឌ្ឍន៍សហគមន៍រួមបញ្ចូល»។ យោងតាមនោះ SNV វៀតណាមបានចុះហត្ថលេខាជាមួយម្ចាស់អភិវឌ្ឍន៍វាយោអគ្គិសនីមាត់សមុទ្រចំនួន ០២ កន្លែងនោះគឺ ក្រុមហ៊ុនភាគហ៊ុនវាយោអគ្គិសនីលេខ ១ ត្រាវិញ និងក្រុមហ៊ុនភាគហ៊ុនកកើតថាមពល Ecotech ត្រាវិញឡើងវិញ ដើម្បីគាំទ្រការរចនា និងអភិវឌ្ឍន៍កម្មវិធីអភិវឌ្ឍន៍សហគមន៍យូរអង្វែង សំដៅនាំមកផលប៉ះពល់វិជ្ជមានដល់បរិស្ថាននិងសង្គមសម្រាប់បណ្តាសកម្មភាពត្រូវរងឥទ្ធិពលនៅមាត់សមុទ្រត្រាវិញ និងដើម្បីអនុវត្តឆាប់រហ័សបណ្តាសកម្មភាពកែលម្អប្រភពទឹកនៅតំបន់មានគ្រួសារប្រជាកសិករត្រូវរងឥទ្ធិពល និងអនាម័យសាលារៀន។ គម្រោងការបានផ្តើមការនៅពាក់កណ្តាឆ្នាំ ២០២២ រយៈពេលអនុវត្តគម្រោងការ ៤ ឆ្នាំ បញ្ចប់នៅថ្ងៃទី ៣១ ខែធ្នូ ឆ្នាំ ២០២៥ និងមានសមត្ថភាពពន្យារពេលបន្ត។
ដោយឡែកក្នុងឆ្នាំ ២០២២ គម្រោងការនឹងអនុវត្តសកម្មភាពផ្គត់ផ្គង់ទឹកស្អាត និងអនាម័យបរិស្ថាននៅលើភូមិសាស្រ្តស្រុកកូវង៉ាង យ្វៀងហាយ និងទីផ្សាររួមខេត្តយ្វៀងហាយ។ សកម្មភាពត្រួតពិនិត្យដើម្បីរចនាកម្មវិធីអភិវឌ្ឍន៍សហគមន៍យូរអង្វែងនឹងប្រមូលផ្តុំចូលក្នុងវិស័យសំខាន់ៗ ដូចជា៖ ពង្រីកកន្សោមតម្លៃបន្លែបង្ការ ជលជាតិ បង្កង ព្រៃ អនុវត្តវិធីសាស្រ្តច្បាមខ្ជាប់កសិកម្មប្រាជ្ញា និងសម្របសម្រូលជាមួយអាកាសធាតុប្រែប្រួល និងលើកកម្ពស់សមត្ថភាពគ្រប់គ្រងសេដ្ឋកិច្ចរបស់ស្ត្រី។
ទុនវិនិយោគផ្ទាល់របស់គម្រោងការប៉ាន់ស្មានជិត ២៥៣.០០០ ដុល្លារ។ ក្នុងនោះ៖ ចំណែកខាងទឹកស្អាតនិងអនាម័យចំនួន ១៩៣.០០០ ដុល្លារ និងបណ្តាសកម្មភាពផ្សេងៗដូចជា៖ វាយតម្លៃទីកន្លែង រចនាកម្មវិធីអភិវឌ្ឍន៍សហគមន៍ជិត ៥៩.០០០ ដុល្លារ ។
តាមអនុស្សរណៈចងចាំ ភាគីទាំងទ្វេនឹងសហការជាមួយគ្នាជារឿយៗ និងយូរអង្វែងក្នុងបណ្តាសកម្មភាពប្រតិបត្តិការរបស់ SNV ដើម្បីនាំមកផលវិជ្ជមាន និងចីរភាពដល់បរិស្ថាននិងសង្គមរបស់ខេត្តត្រាវិញ ពិសេសជូនសហគមន៍ងាយរងឥទ្ធិពលនៅបណ្តាស្រុក ទីផ្សាររួមខេត្តនៅជិតមាត់សមុទ្រ។ គណៈកម្មាធិការប្រជាជនខេត្តត្រាវិញនិង SNV វៀតណាមនឹងចាត់តាំងវាយតម្លៃពីវឌ្ឍន៍ភាព ទន្ទឹមនឹងនោះដោះស្រាយរាល់បញ្ហាជាប់ជំពាក់វាក់វិន កែលម្អខ្លឹមសារ និងគោលដៅចាំបាច់សម្រាប់កិច្ចសហប្រតិបត្តិការនៅពេលអនាគត៕
ប្រែសម្រួល៖ រតនា
.gif)
.jpg)
