រួមគ្នាទប់ស្កាត់គ្រោះរំលោភកាមគុណលើកុមារ

ពិរុទ្ធជន ថាច់ថាញ់សារ៉ី អាយុ ៣៣ ឆ្នាំ នៅឃុំឡុងហ៊ីប ស្រុកថ្កូវត្រូវចោទទោសរួច ចាប់ឃុំខ្លួនបណ្តោះអាសន្ននៅដើមឆ្នាំ ២០២១ អំពីអំពើបំពានរំលោភកាមគុណលើកុមារីអាយុក្រោមពី ១៦ ឆ្នាំ។ នៅយប់ថ្ងៃទី ០៤ ខែមករា ឆ្នាំ ២០២១ ក្រោយពេលស៊ីផឹកនៅកន្លែងជាច្រើន ពិរុទ្ធជនរូបនេះបន្តបបួលមិត្តភ័ក្តិទៅកាន់ហាងលក់គ្រឿងហូបចុកមួយនៅមូលដ្ឋានដើម្បីស៊ី​ផឹកបន្ត។ ខណៈដែលរង់ចាំម្ចាស់ហាងចម្អិនម្ហូបអាហារ ពិរុទ្ធជនបបួលក្មេងស្រីមានអាយុមិនទាន់​ពេញ ៧ ឆ្នាំ (កូនបង្កើនរបស់ម្ចាស់ហាង) ទៅទិញប៊ីយែបន្ថែម។ តាមផ្លូវទៅទិញប៊ីយែ សារ៉ី កើតគំនិតអាក្រក់ជាមួយក្មេង ម៉្លោះហើយនាំក្មេងទៅកន្លែងទីដីទំនេរដើម្បីអនុវត្តការ​រំលោភ។ អំពើប្រព្រឹត្តខិលខូចរបស់សារ៉ី បានប្រជាជនអ្នកដំណើរឃើញ ចាប់យកប្រគល់ឱ្យស្ថាប័ននគរបាល។

ករណីមួយទៀត កុមារីត្រូវរំលោភមានអាយុទើបតែ ៤ ឆ្នាំ។ ជនអនុវត្តអំពើថោក​ទាបគឺមុខសញ្ញាស័ក្តិសមជាជីតារបស់កុមារីរងគ្រោះ។ ថាច់អ៊ីវ អាយុ ៦២ ឆ្នាំ នៅឃុំញីទ្រឿង ស្រុកកូវង៉ាង ខេត្តត្រាវិញត្រូវស្ថាប័នប៉ូលិសស៊ើបអង្កេតនៃនគរបាលខេត្តចោទទោស ចាប់ឃុំខ្លួនជាបណ្តោះអាសន្នដោយហេតុប្រព្រឹត្តអំពើបំពានទោសរំលោភកាមគុណលើអ្នកដែលមានអាយុក្រោមពី ១៦ ឆ្នាំនាខែមេសា ឆ្នាំ ២០២១។ រឿងរ៉ាវបានកើតមានឡើង ពេលពិរុទ្ធជនដើរគាស់ជន្លេននៅតំបន់ជិតផ្ទះជនរងគ្រោះ ពេលនោះកុមារីរត់មកប្រលែងលេង​តាមចិត្ត អង្គុយលើភ្លៅរបស់ពិរុទ្ធជន។ មិនទប់ទល់បានតម្រេកកាម ថាច់អ៊ីវបានអនុវត្តអំពើ​ខិលខូច។ សំណាងល្អណាស់ អ្នកផ្ទះរបស់កុមារីរងគ្រោះឃើញទាន់។

ឈឺចាប់បំផុតគឺបណ្តាករណីរំលោភកាមគុណកុមារ ប៉ុន្តែជនអនុវត្តអំពើរំលោភ និងជនរងគ្រោះជាបណ្តាសាច់ញាតិក្នុងគ្រួសារ។ ក៏ជាមួយអំពើល្មើសរំលោភអ្នកមានអាយុក្រោមពី ១៦ ឆ្នាំ ពិរុទ្ធជន ឡឹមវិញគី អាយុ ៣៥ ឆ្នាំ នៅស្រុកថ្កូវ ត្រូវស្ថាប័នប៉ូលិសស៊ើបអង្កេតនៃនគរបាលខេត្តចោទទោស ចាប់ឃុំខ្លួនបណ្តោះអាស​ន្ននៅខែកុម្ភៈ ឆ្នាំ ២០២១។ កុមារីត្រូវរងការរំលោភមានអាយុទើបតែ ១៥ ឆ្នាំ រួចហៅពិរុទ្ធជនថាលោកមា។ អាស្រ័យឪពុកម្តាយក្មួយស្រីលះលែងគ្នា ម៉្លោះហើយ​ក្មួយនៅរួមរស់ជាមួយជីដូនខាងម្តាយ និងប្តីប្រពន្ធមាមីងតាំងពី ឆ្នាំ ២០១២ មកម៉្លេះ។

តាមសំណុំរឿងរ៉ាវចាប់ពីឆ្នាំ ២០១៤-២០១៦ ឆ្លៀតឱកាសសាច់ញាតិមិន​ចាប់អារម្មណ៍ ឡឹមវិញគី ប្រើប្រាស់សំដីគម្រាមកំហែងដើម្បីរំលោភក្មួយស្រី។ ក្រោយពេល​លើកដំបូងត្រូវរំលោភ ក្មួយស្រីត្រូវចេញឈាមតាមផ្លូវភេទត្រូវព្យាបាលក្នុងរយៈពេលយូរ ប៉ុន្តែសាច់ញាតិបែរជាគិតថាក្មួយស្រីកំពុងស្ថិតក្នុងដំណាក់កាលវឌ្ឍនាការ។ ក្រោយពេលក្មួយស្រីជាសះស្បើយពីជំងឺ ឡឹមវិញគី បន្តរំលោភក្មួយស្រីច្រើនលើកទៀត។ ក្រោយពេលរំលោភម្តងៗ ក្មួយស្រីនៅទាំងត្រូវ ឡឹមវិញគី​ សន្ធាប់ស្មារតីខណៈ​ដែលទិញកាំបិតជាបន្តបន្ទាប់មកសម្លៀង និងគម្រាមថាសម្លាប់អស់បណ្តាអ្នកនៅក្នុងផ្ទះបើ​សិនរឿងរ៉ាវបែកធ្លាយ។ ដល់ដើមឆ្នាំ ២០២១ ពោលគឺក្រោយ រយៈពេលជិត ៥ ឆ្នាំកើតមានរឿងរ៉ាវ ទើបលេចឮដល់ម្តាយបង្កើតរបស់កុមារីរងគ្រោះ និងបាបកម្មរបស់លោក​មាថ្លៃបាននាំយកចេញរកពន្លឺ។

ជារៀងរាល់ឆ្នាំ នគរបាលខេត្តត្រាវិញទទួលរក្សាសំណុំរឿងរាប់សិបករណីរំលោភ​កាមគុណលើកុមារ ទោះបីបណ្តាផ្នែកគ្រប់លំដាប់ថ្នាក់ជំរុញមាំបណ្តាវិធានការ ដើម្បីរួមគ្នាទប់​ស្កាត់ក៏ដោយ ប៉ុន្តែបទល្មើសនៅតែកើតមានឡើងជាញឹកញាប់ ចាំបាច់ដល់ការបញ្ចេញ​ពាក្យពេចន៍បានទាន់ពេលរបស់ជនរងគ្រោះដើម្បីផ្តន្ទាទោសស័ក្តិសមដល់ជនបំពាន។ យើងខ្ញុំសូមអំពាវនាវដល់ជនរងគ្រោះ និងគ្រួសារជនរងគ្រោះត្រូវរំលោភមិនខុបខិតជាមួយ​ជនល្មើសរំលោភកុមារជាមួយរូបភាពណាក៏ដោយ​ ភាពស្ងាត់ស្ងៀមអាចនាំឱ្យបណ្តាជនថោកទាប​បន្តអនុវត្តអំពើមានទោស។

ដើម្បីកាត់បន្ថយទោសរំលោភបំពានទៅលើកុមារនិយាយរួម និងការរំលោភកាម​គុណនិយាយដោយឡែក នគរបាលខេត្តត្រាវិញបន្តចង្អុលការដល់នគរបាលបណ្តាអង្គភាព​វិជ្ជាជីវៈ នគរបាលបណ្តាស្រុក ទីផ្សាររួមខេត្ត ទីក្រុងសហការជាមួយបណ្តាគណៈ ផ្នែក អង្គការមហាជនមូលដ្ឋាន ជំរុញមាំការងារផ្សព្វផ្សាយ អប់រំច្បាប់ ដើម្បីលើកកម្ពស់ស្មារតីប្រ​តិបត្តិច្បាប់របស់ប្រជាជន ជាពិសេសគឺផ្សព្វផ្សាយបណ្តាខ្លឹមសារពាក់ព័ន្ធដល់ការការពារ​សិទ្ធិកុមារបណ្តាអំពើបំពានច្បាប់ទាក់ទងដល់កុមារ។  សហការស្អិល្មួតជាមួយសភាត្រួតពិ​និត្យប្រជាជន និងតុលាការប្រជាជនប្រញាប់ត្រួតពិនិត្យ ចោទទោស វិនិច្ឆ័យទោសម៉ឹងម៉ាត់​បណ្តារឿងក្តីទាក់ទងដល់ការរំលោភកុមារ។

លោកត្រិញមិញតឺ ប្រធានតុលាការប្រជាជនខេត្តត្រាវិញបានឱ្យដឹងថា៖ “គ្រោងពិ​ន័យរបស់បទល្មើសរំលោភកាមគុណលើអ្នកមានអាយុក្រោមពី ១៦ ឆ្នាំ ទាបបំផុតគឺជាប់ពន្ធនាគារ ៧ ឆ្នាំ កម្រិតពិន័យរឿងក្តីខ្ពស់បំផុតគឺ ២០ ឆ្នាំ មួយជីវិត និងប្រហារជីវិត។ រយៈពេលកន្លង តុលាការប្រជាជនខេត្តត្រាវិញបានកាត់ក្តីលើរឿងក្តីរំលោភអ្នកដែលមានអាយុក្រោមពី ១៦ ឆ្នាំ ជាមួយកម្រិតពិន័យជាប់ពន្ធនាគារខ្ពស់បំផុតគឺ ១៥ ឆ្នាំ ២០ ឆ្នាំ”។

ក្រៅពីការខិតខំរបស់បណ្តាផ្នែក អង្គការមហាជនគ្រប់លំដាប់ថ្នាក់ ភាពប្តូរផ្តាច់របស់​ស្ថាប័នច្បាប់នោះ រៀងរាល់គ្រួសារគប្បីយកចិត្តទុកដាក់ដល់កូនចៅក្នុងគ្រួសារ សំណេះសំណាល ចែករំលែក អប់រំផ្លូវភេទសម្រាប់កុមារជាញឹកញាប់ បំផុតគឺប្រុងប្រយ័ត្ននៅចំពោះឫកពារ អាកប្បកិរិយាចំឡែកៗរបស់បណ្តាអ្នកដែលប៉ះពាល់​ផ្ទាល់ជាមួយកុមារដើម្បីកុមារអាចការពារខ្លួនដោយខ្លួនឯង មិនបណ្តោយឱ្យមុខសញ្ញាឆ្លៀត​ឱកាសអនុវត្តអំពើបំពាន។ រាល់ពត៌មានចាំបាច់ត្រូវប្រឹក្សាយោបល់ទាក់ទងដល់កុមារ ប្រជាជនអាចទាក់ទងជាមួយការិយាល័យគាំពារសង្គមកុមារ និងសមភាពភេទ​នៃមន្ទីរពលកម្ម-យុទ្ធជនពិការ និងសង្គមកិច្ចខេត្តត្រាវិញ ឬក៏ហៅទូរសព្ទទៅកាន់ស្ថានីយប្រមុខជាតិស្តីពីកុមារតាមរយៈលេខ ១១១​ ដើម្បីទទួល បានការឧបត្ថម្ភ៕                                                    

ប្រែសម្រួល៖ ថាច់សម្បត្តិ