អគ្គិសនីចូវថាញ់៖ មានគ្រួសារ ១០០% ចុះឈ្មោះកម្មវិធី “គ្រួសារប្រិតសំចៃអគ្គិសនី” ឆ្នាំ ២០២០

                                        គ្រួសារចូលរួមអនុវត្តល្អការងារប្រិតសំចៃអគ្គិសនី។   រូបថត៖ ហ្វីហ្វាង

     កន្លងហើយអគ្គិសនីចូវថាញ់ចាត់តាំងសន្និបាតបូកសរុបកម្មវិធី “គ្រួសារប្រិតសំចៃអគ្គិសនី” និង “ទូទាត់ប្រាក់អគ្គីសនីដោយមិនប្រើប្រាក់មុខ”  ឆ្នាំ ២០២០។
     លោក ភុងថេកី នាយកអគ្គិសនីចូវថាញ់បានឲ្យដឹងថា ឆ្លងតាមរយៈការផ្សព្វផ្សាយកម្មវិធី​“គ្រួសារ ប្រិតសំចៃអគ្គិសនី” ឆ្នាំ ២០២០ មាន ៣.៣៥០/ ៣.៣៥០ គ្រួសារចុះឈ្មោះចូលរួមកម្មវិធីសម្រេច អត្រា ១០០%។ ដើម្បីអនុវត្តល្អការចលនាគ្រួសារប្រជាជនលើភូមិសាស្រ្ដ ១៣ ភូមិ អនុសង្កាត់ជ្រោមជ្រែងចូលរួមកម្មវិធីនោះ អគ្គិសនីបានសហការល្អជាមួយបណ្ដាអង្គការមហាជនធ្វើល្អការងារផ្សព្វផ្សាយលើស្ថានីយវិទ្យុរបស់ស្រុក ចាត់តាំងបណ្ដាសកម្មភាពផ្សព្វផ្សាយអំពីសុវត្ថិភាពប្រិតសំចៃអគ្គិសនីនៅតាមបណ្ដាឃុំ និងសាលារៀន។ ជាលទ្ធផលមាន ១.៦៧២ គ្រួសារប្រើអគ្គិសនីថយចុះប្រៀបនឹងពេលជាមួយនៃឆ្នាំកន្លង ស្មើ ៤៩,៩១% ចំនួនអគ្គិសនីប្រិតសំបានប្រមាណ ៧១១.៦៣៥ គីឡូវ៉ាត។ ចំពោះបណ្ដាមូលដ្ឋានចូលរួមជ្រោមជ្រែងគឺឃុំតឹបង៉ាយ ឃុំលឿងហ្វា មានស្នាដៃច្រើនក្នុងការផ្សព្វផ្សាយចលនាគ្រួសារជ្រោមជ្រែងចូលរួមនិងអនុវត្តល្អការងារប្រិតសំចៃអគ្គិសនី។ លោកឡេក្វឹកខាញ់ ប្រធានគណៈកម្មការប្រជាជនភូមិតឹបង៉ាយ ឃុំលឿងហ្វាបានឲ្យដឹង៖ យើងខ្ញុំបានផ្សព្វផ្សាយចលនាប្រជាជន ៣២៤ គ្រួសារលើភូមិសាស្រ្ដចូលរួមអនុវត្តល្អការងារប្រិតសំចៃអគ្គិសនី។ នៅពេលខាងមុខ សង្ឃឹមថា ផ្នែកអគ្គិសនីបន្តសហការជាមួយមូលដ្ឋានក្នុងការងារផ្សព្វផ្សាយចលនាគ្រួសារប្រជាជនប្រើប្រាស់អគ្គិសនីសុវត្ថិភាពប្រិតសំចៃនិងមានប្រសិទ្ធភាព ជាពិសេសឧបត្ថម្ភលុបបំបាត់ករណីគ្រួសារប្រើអគ្គិសនីបន្តកន្ទុយមិនសុវត្ថិភាព ជួយឲ្យមូលដ្ឋានអនុវត្តសម្រេចលក្ខឋានលេខស្ដីពីអគ្គិសនី រួមចំណែកអនុវត្តសម្រេចគោលដៅកសាងជនបទថ្មី។
ទន្ទឹមនឹងសកម្មភាពខាងលើ អគ្គិសនីចូវថាញ់នៅទាំងជំរុញមាំការទូទាត់ប្រាក់អគ្គិសនីដោយមិនប្រើប្រាក់មុខទៀតផង។ គិតដល់បំណាច់ខែវិច្ឆិកាឆ្នាំ ២០២០ លើភូមិសាស្រ្ដស្រុកចូវថាញ់បានផ្សព្វផ្សាយដល់អតិថិជន ១៣.៤០៨/១៧.១៥៦ នាក់ឲ្យទូទាត់ប្រាក់អគ្គិសនីដោយមិនប្រើប្រាក់មុខសម្រេច ៨៣,៥៥% ក្នុងចំណោមអតិជនដែលអគ្គិសនីគ្រប់គ្រងលក់អគ្គិសនី។
ថ្លែងយោបល់ក្នុងអង្គសន្និបាត លោកដូមិញតៀង អនុប្រធានគណៈកម្មាធិការប្រជាជនស្រុក ចូវថាញ់កត់ត្រាវនូវការខិតខំរបស់អគ្គិសនីចូវថាញ់ ក្នុងពេលកន្លង បានធានាផ្គត់ផ្គង់អគ្គិសនីលំនឹងសុវត្ថិភាពបន្តបន្ទាប់ រួមចំណែកពង្រីកសេដ្ឋកិច្ច សង្គម បម្រើការប្រជុំជីវភាពរបស់ប្រជាជនលើភូមិសាស្រ្ដស្រុក។ ការងារប្រិតសំចៃអគ្គិសនី បាន ផ្សព្វផ្សាយអនុវត្តល្អ។ ការទូទាត់ប្រាក់អគ្គិសនីដោយមិនប្រើប្រាក់មុខគិតមកទល់ពេលនេះបានផ្សព្វផ្សាយនៅ ១១ ឃុំ អនុសង្កាត់សម្រេចអត្រា ៨៣,៥៥%។ តាមការគ្រោងទុកឆ្នាំ ២០២១ នឹងផ្សព្វផ្សាយបន្ដែមនៅឃុំកោះទាំង ០២ លើ ភូមិសាស្រ្ដស្រុក៕

             អគ្គិសនីកាងឡុង៖ ចាត់តាំងប្រជុំជីវភាពក្រៅសាលាអំពីបធានបទ “រួមដៃប្រិតសំ
ចៃអគ្គិសនី” ជូនសិស្សានុសិស្ស

     កន្លងហើយ នៅសាលាវិទ្យាល័យង្វៀងដាង (អនុសង្កាត់លេខ ៦ ទីប្រជុំជនកាងឡុង ស្រុកកាងឡុង) អគ្គិសនីកាងឡុង បានសហការជាមួយ ការិយាល័យអប់រំនិងបណ្ដុះបណ្ដាលស្រុកចាត់ តាំងសកម្មភាពប្រជុំជីវភាពក្រៅសាលារៀនអំពី បធាន បទ “រួមដៃប្រិតសំចៃអគ្គិសនី” ដោយមានសិស្សនុសិស្សជាង ៤០០ រូបចូលរួម។
      លោក ង្វៀងម៉ាញ់ហ៊ុង នាយកអគ្គិសនីកាងឡុងបានឲ្យដឹងថា នេះជាសកម្មភាពមិនត្រឹមតែរួមចំណែកបង្កើនការយល់ដឹងផ្លាស់ប្ដូរទង្វើឲ្យ សិស្សានុសិស្សអំពីការប្រើប្រាស់អគ្គិសនីហើយ នៅទាំងជះឥទ្ធិពលប្រយោលដល់សាលារៀនគ្រួសារនិង សហគមន៍អាសយជនទៀតផង។ ការយល់ដឹងអំពីរបៀបប្រើប្រាស់អគ្គិសនីប្រិតសំចៃមានប្រសិទ្ធភាពនឹងរួមចំណែកជួយឲ្យជំនាន់ក្រោយមានរបៀបរស់នៅអារ្យធម៌មានស្មារតី​ទទួលបន្ទុកក្នុងការប្រិតសំចៃអគ្គិសនី។
        ប្អូនត្រឹងង៉ុកលីវតំណាងឲ្យសិស្សសាលាចែក​រំលែក៖ សកម្មភាពនេះបានជួយឲ្យប្អូនៗមានចំ​ណេះដឹងអំពីការប្រើឧបករណ៍អគ្គិសនីប្រិតសំចៃអគ្គិសនីនិងសុវត្ថិភាពនៅក្នុងសាលាក៏ដូចជា​ ក្នុងគ្រួសារ។
គ្រូ បូយវុាំងពៃ ចាងហ្វាងសាលាវិទ្យាល័យង្វៀង​ដាង​បានឲ្យដឹង៖ ក្រោយពេលបានក្រេបជញ្ជក់ចំណេះដឹងក្នុងការប្រើអគ្គិសនីប្រិតសំចៃសុវត្ថិភាពនិងមានប្រសិទ្ធភាពជាមូលដ្ឋានសម្រាប់ប្អូនៗ ក្លាយជាអ្នកផ្សព្វផ្សាយ ចែករំលែករួមជាមួយសមាជិកក្នុងគ្រួសារក៏ដូចជាសហគមន៍ “រួមដៃប្រិតសំចៃអគ្គិសនីដើម្បីផលប្រយោជន៍រួម”។
     នាឱកាសនេះ អគ្គិសនីកាឡុងក៏បានជូនអំណោយ ២០ ចំណែកដល់សិស្សដែលមានស្ថានភាពលំបាកខិតខំរៀនសូត្របានល្អ៕

       អគ្គិសនីកូវកែ៖ ជួសជុលអគ្គិសនីដោយមិនគិតថ្លៃជូនគ្រួសារក្រីក្រ គ្រួសារគោល
នយោបាយ

                                   ផ្លាស់អំពូលភ្លើងនិងបណ្ដាឧបករណ៍អគ្គិសនី​សម្រាប់ប្រជុំជីវភាព។ រូបថត៖ ហ្វីហ្វាង

             ស្ថិតក្នុងកន្សោមសកម្មភាពរំលឹកគុណអតិថិជនប្រើអគ្គិសនីឆ្នាំ ២០២០ និងកម្មវិធី “បំភ្លឺក្ដី ជឿជាក់” ក្រុមហ៊ុនអគ្គិសនីត្រាវិញបានផ្សព្វផ្សាយជួសជុលអគ្គិសនីជូនគ្រួសារក្រីក្រ ១៨០ គ្រួលើភូមិសាស្រ្ដខេត្តត្រាវិញ (អគ្គិសនីស្ថិតក្រោមឱវាទ នីមួយៗទទួលជួសជុលឲ្យ ២០ គ្រួសារ) ជាមួយថវិកាសរុប ៤៥០ លានដុង (២,៥ លានដុង ក្នុងមួយគ្រួសារ)។ អគ្គិសនីកូវកែជាអង្គភាពដំបូងបង្អស់ផ្សព្វផ្សាយកម្មវិធីនេះ។
             យោងលើមូលដ្ឋាននោះ កាលពីថ្ងៃទី ១៧ ធ្នូ អគ្គិសនីកូវកែដំណើរការជួសជុលអគ្គិសនីដោយមិនគិតតម្លៃជូនគ្រួសារក្រីក្រ និងគ្រួសារគោលនយោបាយ ២០ គ្រួនៅបណ្ដាឃុំ៖ ផុងភូ អាងភូតឹង ថុងហ្វានិងចូវដៀង (ឃុំនីមួយៗ ០៥ គ្រួសារ)។ នៅតាមបណ្ដាគ្រួសារទាំងនោះ ផ្នែកអគ្គិសនីកូវកែបានដំណើរការជួសជុលផ្លាស់ថ្មីប្រព័ន្ធខ្សែអគ្គិសនីក្រោយនាឡិកាអគ្គិសនីផ្លាស់បន្ទះនាឡិកាថ្មី ផ្លាស់អំពូលភ្លើងនិងបណ្ដាឧបករណ៍អគ្គិសនីកសម្រាប់ប្រជុំជីវភាពរបស់បណ្ដាគ្រួសារចំណាយ ២,៥ លានដុងក្នុងមួយគ្រួសារ សរុបថវិកាចំណាយ ៥០ លានដុង។ ការងារនេះ បានអនុវត្តសម្រេចកាលពីថ្ងៃទី ១៨ ធ្នូឆ្នាំ ២០២០។
គ្រួសារលោកយាយង៉ូធីហាយ អាយុ ៩៩ ឆ្នាំ នៅភូមិរ៉ាច់ង៉ែ ឃុំថុងហ្វាបានអគ្គិសនីកូវកែឧបត្ថម្ភជួសជុលផ្គុំដាក់ឧបករណ៍អគ្គិសនីឲ្យដោយមិន គិតថ្លៃ។ តាមរយៈកម្មវិធី “បំភ្លឺក្ដីជំនឿ” អគ្គិសនីកូវកែបានដំណើរការពិនិត្យអង្កេតរួចត្រៀមឧបករណ៍ សម្ភារយកទៅផ្ទះយាយហាយអន្ទងខ្សែថ្មី រួចផ្លាស់អំពូលភ្លើងក្នុងផ្ទះលោកយាយ។ សំណេះសំណាលជាមួយយើងខ្ញុំយាយហាយបានឲ្យដឹងថា៖ ខ្ញុំជាគ្រួសារក្រីក្រ ទើបបានឧបត្ថម្ភផ្ទះមេត្តាធម៌ ប៉ុន្តែគ្មានប្រាក់ផ្គុំដាក់អគ្គិសនីថ្ងៃនេះបានបុគ្គលិកអគ្គិសនី មកឧបត្ថម្ភផ្គុំដាក់ថ្មីឲ្យដូច្នេះទើបគ្រួសារខ្ញុំមានអគ្គិសនីសម្រាប់បំភ្លឺ ខ្ញុំអរគុណដល់ផ្នែកអគ្គសនី។
           រួមជាមួយយាយហាយ អ្នកម្ដាយវៀតណាម វីរភាពវ៉ធីហឿងអាយុ ៨៥ ឆ្នាំ នៅភូមិរ៉ាច់ង៉ែកំពុងរស់នៅក្នុងលំនៅឋានឧបការគុណបានឧបត្ថម្ភសង់កាលពីឆ្នាំ ២០០៧ បច្ចុប្បន្នទ្រុឌទ្រោម ប្រព័ន្ធអគ្គិសនីខូចខាតច្រើនមិនអាចប្រើប្រាស់បាន តទៅទៀត។ ជាមួយថវិកា ២,៥ លានដុង អគ្គិសនីកូវកែបានផ្លាស់ប្រព័ន្ធខ្សែអគ្គិសនីឲ្យរួចផ្លាស់បន្ទះនាឡិកាអគ្គិសនីនិងផ្គុំដាក់អំពូលភ្លើងថ្មីចំនួន ០៣  សម្រាប់ប្រើប្រាស់។ អ្នកម្ដាយបានឲ្យដឹង៖ ប្រព័ន្ធអគ្គិសនីខូចខាត់អស់ ម៉្លោះហើយពេលភ្លៀង បារម្ភខ្លាំងណាស់ក្រែងអគ្គិសនីឆាប់ឆេះ។ ពេលបានបុគ្គលិកអគ្គិសនីមកឧបត្ថម្ភជួសជុលគ្រួសារស្ងប់ចិត្តហើយមានអារម្មណ៍ឃើញថាសុវត្ថិភាពពេលប្រើប្រាស់អគ្គិសនី។ អរគុណផ្នែកអគ្គិសនីយ៉ាងច្រើន។
       ការពេញចិត្តនិងជឿជាក់របស់អតិចិជនគឺជាពាក្យពេជន៍ឆ្លើយតបជំនួសឲ្យពាក្យរំលឹកគុណដែលផ្នែកអគ្គិសនីចង់ផ្ញើដល់អតិជនទាំងទាំងអស់។ សំណេះសំណាលជាមួយលើងខ្ញុំ លោកតុងបាតុង នាយកអគ្គិសនីកូវកែឲ្យដឹង៖ យើងខ្ញុំតែងកំណត់នេះជាភារកិច្ចមានអត្ថន័យជ្រាលជ្រៅ សម្ដែងនូវការដឹងគុណនិងគោរពអតិថិជនលើភូមិសាស្រ្ដគ្រប់គ្រង ម៉្លោះហើយថ្នាក់ដឹកនាំអគ្គិសនីបានជ្រួតជ្រាបដល់កម្មាភិបាល បុគ្គលិក ទាំងអស់ខិតខំសម្រេចល្អភារកិច្ចតាមផែនការដាក់ចេញ។ “ខែរំលឹកគុណអតិថិជន” សម្ដែងឲ្យឃើញនូវតួនាទីទទួលបន្ទុករបស់ផ្នែកអគ្គិសនីចំពោះសង្គមតាមរយៈបណ្ដាយោបល់បំពេញយ៉ាង សកម្មទៅក្នុងការអភិវឌ្ឍន៍រួមសម្រាប់សហគមន៍។ នេះជាសកម្មភាពឆ្ពោះទៅកាន់គោលដៅអភិវឌ្ឍស្ថិរភាព យកអតិថិជនជាសំខាន់និងកសាងរូបភាពជីវកម្មមួយទំនើប ជំនាញ តែងនាំមកនូវសេវាល្អៗសម្រាប់បម្រើអតិថិជន៕               

                                                                                                                                       ហ្វីហ្វាង-ថាច់ហ្វាង