ធានាសុវត្ថិភាពចរាចរណ៍ក្នុងបណ្ដាថ្ងៃអំណរនិទាឃរដូវ

   អនុវត្តកិច្ចចង្អុលការរបស់ក្រសួងនគរបាល នាយកនគរបាលខេត្តចង្អុលការផ្ដូរផ្ដាច់ បន្តបន្ទាប់ “គ្មានតំបន់ហាមប្រាម មិនមានដែនកំណត់”មិនទុកចោលកំហុសបំពាន។ តម្រួតចរាចរណ៍នៃនគរបាលទូទាំងខេត្តសហការជាមួយតម្រួតដទៃទៀត លៃលកកងកម្លាំងបង្កើនការចាត់តាំងយាមល្បាត ត្រួតពិនិត្យ ចាត់ការម៉ឺងម៉ាត់បណ្ដាកំហុសបំពានដែលជាមូលហេតុដោយផ្ទាល់បណ្ដាលឱ្យកើតមានគ្រោះថ្នាក់ដូចជា បំពានអំពីកម្រិតជាតិអាលកុល បើកបរហួសល្បឿនកំណត់។ យោងទៅតាមស្ថាន ភាពជាក់ស្ដែងនៃភូមិសាស្រ្តនីមួយៗ កងកម្លាំងតម្រួតចរាចរណ៍នៅទាំងម្ចាស់ការផ្លាស់ប្ដូរវិធីសាស្រ្តយាមល្បាតដូចជាបង្កើតចំណតត្រួតពិនិត្យផង ចរាចរល្បាតតាមបណ្ដាដងផ្លូវគមនាគមន៍ផង។

កងតម្រួតចរាចរណ៍កំពុងប្រកបការងារលើផ្លូវជាតិលេខ ៥៣ លើភូមិសាស្រ្តស្រុកចូវថាញ់។ រូបថត៖ ហូយ៉ាង

  វរសេនីយ៍ឯកបម្រុង ហ្វិញវ៉ាំងខើយ ប្រធាននគរបាលទីក្រុងត្រាវិញមានប្រសាសន៍ឱ្យដឹងថា៖ ដើម្បីធានាសន្តិសុខ សុវត្ថិភាព ក្នុងសមកម្មភាពអំណរបក្ស អំណរនិទាឃរដូវរាត្រីអំណរឆ្នាំថ្មី កងកម្លាំងនគរបាលទីក្រុងបានកសាងផែនការសហការជាមួយគណៈបញ្ជាការដ្ឋានយោធាទីក្រុងផ្សព្វផ្សាយ កៀរគរបណ្ដាកងកម្លាំងពាក់ព័ន្ធដើម្បីធានាសន្តិសុខសណ្ដាប់ធ្នាប់ បែងជ្រលង សម្រួលចរាចរណ៍ បង្ការ ទប់ស្កាត់ការឆេះ ផ្ទុះបម្រើប្រជាជនអំណរនិទាឃរដូវ ទទួលបុណ្យតេតបានសុវត្ថិភាព។ ក្នុងនោះមាន ចែកចេញជាច្រើនក្រុមដើម្បីបែងជ្រលង ក្រុមសន្តិសុខសណ្ដាប់ធ្នាប់ បង្ការបង្ក្រាបបទល្មើស និងបណ្ដាសកម្មភាពដទៃទៀត។ ក្រោយពេលបាញ់កាំជ្រួចបានបញ្ចប់ទៅ លៃលកក្រុមដើរល្បាតតាមបណ្ដាដងផ្លូវបង្ការ បង្ក្រាប និងចាត់ការបានទាន់ពេលបណ្ដាអំពើបំពាន សណ្ដាប់ធ្នាប់ សុវត្ថិភាពចរាចរណ៍ ធានាឱ្យប្រជាជនត្រឡប់ទៅផ្ទះ និងបើកបរយានយន្តតាមដងផ្លូវបានសុវត្ថិភាពជាដាច់ខាត។

  តាមរបាយការណ៍ ចាប់ពីថ្ងៃទី ២៥ ដល់ថ្ងៃទី ៣១​ ខែមករាឆ្នាំ ២០២៥ (គឺថ្ងៃ ១២ រោចខែបុស្ស ដល់ថ្ងៃ ៣ កើតខែមាឃ) កងកម្លាំងតម្រួតចរាចរណ៍នៃនគរបាលខេត្តបានចាត់តាំងការយាមល្បាតជិត ៥០០ លើក រកឃើញ បង្កើតសំណុំលិខិតវិនិច្ឆ័យជាង ៦៣០ ករណីបំពាន ក្នុងនោះបំពានកម្រិតជាតិអាលកុល ១៨៥ ករណី បំពានល្បឿន ១៨១ ករណី រក្សាទុកមធ្យោបាយ ៦៤២ គ្រឿងរួមទាំងក្រដាសស្នាមមួយចំនួនទៀត។ នៅថ្ងៃទី ២៩ ខែមករាឆ្នាំ ២០២៥ (ថ្ងៃ ១ កើតខែមាឃ) ចូលរួមក្រុមយាមល្បាត ការិយាល័យតម្រួតចរាចរណ៍នគរបាលខេត្តអនុវត្តភារកិច្ចលើផ្លូវជាតិលេខ ៥៣ ស្ថិតក្នុងភូមិសាស្រ្តឃុំហ្វាឡើយ ស្រុក ចូវថាញ់។ តាមការកត់សម្គាល់ ស្ថានភាពបំពានអំពីល្បឿនកើតមានច្រើន គួរឱ្យយកចិត្តទុកដាក់នៅតែមានករណីមិនប្រ តិបត្តិតាមសញ្ញាបញ្ជា បំបត់ម៉ូតូរត់យករួចខ្លួនពេលកងកម្លាំងតម្រួតចរាចរណ៍បញ្ចេញសញ្ញាបញ្ឈប់មធ្យោបាយ៕

ប្រែសម្រួល៖ ថាច់សម្បត្តិ