ការងារប្រជាចលនានៅតំបន់ជនរួមជាតិខ្មែរ

ពិធីជូនសេចក្តីសម្រេចចិត្ត បង្កើនបៀវត្សរ៍ ដំឡើងឋានន្តរសក្តិដល់កងកម្លាំងប្រដាប់អាវុធ យោធិនជំនាញលើកទី ២ ឆ្នាំ ២០២៤។ រូបថត៖ ហ៊ឺវហ៊ីប

ជ្រួតជ្រាបដំបូន្មានរបស់អ៊ំហូ៖ “ការងារប្រជាចលនាសំខាន់ណាស់។ ប្រជាចលនាខ្សោយ ការងារអ្វីក៏ខ្សោយ ចលនាប៉ិនប្រសប់កិច្ចការអ្វីក៏សម្រេចជោគជ័យ” បញ្ជាការដ្ឋានយោធាខេត្តបានធ្វើសេនាធិការជូនគណៈកម្មាធិការបក្ស ក្រុមប្រឹក្សាប្រជាជន គណៈកម្មាធិការប្រជាជនខេត្តនិងសហការអនុវត្តព្រមៗគ្នា មានប្រសិទ្ធភាពការងារប្រជាចលនាក្នុងតំបន់ជនរួមជាតិខ្មែរ។ លេចធ្លោបំផុតគឺដាក់ចេញដំណាក់កាល ជំហានអនុវត្តជាក់ស្តែងយោងទៅលើបណ្តាខ្លឹមសារកសាងជនបទថ្មី ដូចជា៖ កសាង មូលដ្ឋានហេដ្ឋារចនាសម្ព័ន្ធសេដ្ឋកិច្ច-សង្គម ផ្លាស់ប្តូររចនាសម័្ពន្ធផលិត ពលកម្ម អនុវត្តវិទ្យាសាស្រ្ត-បច្ចេកទេសទំនើប ថែទាំសុខភាពជូនប្រជាជន អនាម័យបរិស្ថាន បណ្តាគោលនយោបាយ ឧបត្ថម្ភកសាងរបៀបរស់នៅវប្បធម៌ ពង្រឹងបណ្តាអង្គការចាត់តាំង មូលដ្ឋាននយោបាយរឹងមាំ ភូមិសាស្រ្តសុវត្ថិភាព អនុវត្តល្អភារកិច្ចការពារជាតិ សន្តិសុខ។ល។ ទន្ទឹមនឹននោះ គណៈ កម្មាធិការបក្សនៃបញ្ជាការដ្ឋានយោធាខេត្ត ចង្អុលការអង្គការចាត់តាំងបក្សគ្រប់លំដាប់ថ្នាក់ក្នុងកងកម្លាំងប្រដាប់អាវុធពង្រីកស្មារតីជួយឧបត្ថម្ភគ្នាទៅវិញទៅមក រួមជាមួយបណ្តាមូលដ្ឋានធានាអនុវត្តល្អសុខុមាលភាពសង្គមលើភូមិសាស្រ្ត ជំរុញស្មារតីសាមគ្គីរវាងកងទ័ព-ប្រជាជន ទិសដៅចលនាប្រឡងប្រណាំង“ប៉ិនប្រសប់ការងារប្រជាចលនា” ដោយភ្ជាប់ជាមួយ “កង កម្លាំងប្រដាប់អាវុធខេត្តចូលរួមកម្លាំងដើម្បីជនក្រីក្រ - មិនទុកឲ្យនរណាម្នាក់ត្រូវបោះបង់ចោលនៅពីក្រោយឡើយ”។ ឆ្លងតាមរយៈនោះ បង្កបង្កើត និងបើកទូលាយទម្រង់មានប្រសិទ្ធភាពជាច្រើនដូចជា៖ “ប្រិតសំចៃធ្វើតាមដំបូន្មានរបស់អ៊ំ” “ហ៊ុនប្រាក់ទុនបង្កមូលនិធិឧបត្ថម្ភសមាជិកពង្រីកសេដ្ឋកិច្ចគ្រួសារ” “ប្រិតសំចៃដើម្បីអនាគតភ្លឺស្វាង” “ពិនិត្យជូនថ្នាំព្យាបាលជំងឺដោយឥតគិតថ្លៃដល់មុខសញ្ញាគោលនយោបាយ និងគ្រួសារក្រីក្រ” “ហិបសប្បុរសធម៌ដើម្បីអ្នកជំងឺក្រីក្រ” “ប្រិតសំចៃបង្កើតមូលនិធិសម្រាប់ផ្តើមអាជីព” “ទឹកចិត្តរបស់កងទ័ពនិងប្រជាជន” “ការងារកាត់បន្ថយភាពក្រីក្រ និងដោះស្រាយការងារធ្វើ ជូនកងប្រជាការពារ កំណែនបម្រុង”។ល។ រួមចំណែកលើកកម្ពស់ជីវភាព សម្ភារ ស្មារតីជូនប្រជាជន ជាពិសេសគឺជនរួមជាតិខ្មែរនៅតំបន់ជ្រៅ តំបន់ឆ្ងាយដាច់ស្រយាល តំបន់មូលដ្ឋានបដិវត្តន៍។

ជាពិសេស គណៈកម្មាធិការបក្សនៃបញ្ជាការដ្ឋានយោធាខេត្តធ្វើសេនាធិការជូនថ្នាក់ដឹកនាំខេត្តចង្អុលការចាត់តាំងសម្រេចជោគជ័យ  “បុណ្យតេតកងទ័ព-ប្រជាជន”ថ្នាក់ស្រុកក្នុងតំបន់ជនរួមជាតិខ្មែរ។ ក្នុងឆ្នាំ ២០២៣ ស្រុកកូវកែចាត់តាំងសម្រេចជោគជ័យ “បុណ្យតេតកងទ័ព-ប្រជាជនភ្ជាប់ជាមួយអំណរបុណ្យសែនដូនតារបស់ជនរួមជាតិខ្មែរ” នៅឃុំហ្វាអឹង។ នេះមិនត្រឹមជាមូលដ្ឋានដំបូងរបស់ខេត្តត្រាវិញ នៅទាំងជាមូលដ្ឋានដំបូងនៅតំបន់វាលទំនាបទន្លេគឺវឡុងដែលបានចាត់តាំងដកពិសោធទម្រង់នេះ។ ចលនាថវិកាបានជិត ០៥ ពាន់លានដុង និងអង្ករជាង ០៩ តោន សាងសង់លំនៅឋាន កសាងផ្លូវ បំពាក់អំពូលភ្លើង កសាងស្ពាន ដាំផ្កា និងពិនិត្យជូនថ្នាំព្យាលជំងឺដោយឥតគិតថ្លៃ ជូនអាហារូបករណ៍ដល់សិស្សក្រីក្រសង្វាតរៀនសូត្រ។ល។ ក្នុងឆ្នាំ ២០២៤ ជាលើកដំបូងដែលស្រុកកូវង៉ាង និងស្រុកថ្កូវចាត់តាំង “បុណ្យតេតកងទ័ព-ប្រជាជនភ្ជាប់ជាមួយអំណរបុណ្យចូលឆ្នាំថ្មី”។ ផ្តើមពីប្រភពចលនាសម្ភារ និងទឹកប្រាក់បានជាង ១៧ ពាន់លានដុង វិនិយោគកសាងស្ពាន ផ្លូវថ្នល់ សាងសង់ផ្ទះថ្មី និងជួសជុលឈាបនដ្ឋាន ជូនផ្ទះ ជូនទោចក្រយាន អាហារូបករណ៍ សិក្ខូបករណ៍ បណ្ណគាំពារសុខា ភិបាល។ល។ សំណង់កិច្ចការនីមួយៗបានបញ្ជាក់ឲ្យឃើញនូវការរួមកម្លាំងរបស់កងកម្លាំងប្រដាប់អាវុធខេត្តរួមជាមួយបណ្តាមូលដ្ឋានកសាងខេត្តត្រាវិញពីមួយថ្ងៃទៅមួយថ្ងៃឲ្យកាន់តែរុងរឿង កសាង “ជំហរយុទ្ធសាស្រ្តទឹកចិត្តប្រជាជន” ពីមួយថ្ងៃទៅមួយថ្ងៃកាន់តែរឹងមាំ។

ទោះជាដូច្នោះក៏ដោយ ការងារផ្លាស់ប្តូររចនាសម្ព័ន្ធផលិតក្នុងតំបន់ជនរួមជាតិខ្មែរនៅយឺតយ៉ាវ ទីផ្សារសម្រាប់ផលិតផលមិនលំនឹង ទ្រង់ទ្រាយផលិតនៅរាត់រាយផុសផុលខ្លួនឯង។ ដោះស្រាយការងារធ្វើនៅនឹងមូលដ្ឋាននៅតិច ម្ល៉ោះហើយពលករត្រូវទៅធ្វើការរកទទួលទាន់នៅក្រៅខេត្តច្រើន។មូលដ្ឋានហេដ្ឋារចនាសម្ព័ន្ធពង្រីកសេដ្ឋកិច្ច-សង្គមក្នុងតំបន់ជនរួមជាតិខ្មែរមួយ ចំនួនមិនទាន់ឆ្លើយតបតាមតម្រូវការ។ ស្ថានភាពអាកាសធាតុប្រែប្រួល រោគជំងឺ តម្លៃមុខទំនិញចាំបាច់មួយចំនួនមិនបានលំនឹងបណ្តាលឲ្យជះឥទ្ធិពលដល់ជីវភាពរបស់ប្រជាជន។ អត្រាគ្រួសាររួចផុតពីភាពក្រីក្រស្ថិរភាពមិនទាន់ខ្ពស់។ បណ្តាអរិភាព អានុភាពជាអមិត្ត កេងចំណេញយកបញ្ហាជនជាតិ សាសនា ប្រជាធិបតេយ្យ សិទ្ធិមនុស្ស កៀរគរ ញុះញង់ មួលបង្កាច់បំបែកបំបាក់ធ្លុងមហាសាមគ្គីទូទាំងជនជាតិ។ល។

ដើម្បីអនុវត្តល្អជាងទៀតការងារប្រជាចលនានៅតំបន់ជនរួមជាតិ គណៈកម្មាធិការបក្សនៃបញ្ជាការដ្ឋានយោធាខេត្តបន្តជ្រួតជ្រាបសេចក្តីសម្រេចចិត្តលេខ ២៥/NQ-TW ចុះថ្ងៃទី ០៦ ខែមិថុនា ឆ្នាំ ២០១៣ របស់គណៈប្រតិបត្តិការមជ្ឈិមបក្ស (នីតិកាលទី ១១)ស្តីពី “ជំរុញមាំ និងផ្លាស់ថ្មីការដឹកនាំរបស់បក្សចំពោះការងារប្រជាចលនាក្នុងយុគសម័យថ្មី”។ ទន្ទឹមនឹងនោះ សហ ការស្អិតល្មួតជាមួយគណៈកម្មាធិការបក្ស រដ្ឋអំណាចមូលដ្ឋានជំរុញមាំការអនុវត្តន៍ទម្រង់ “ប៉ិនប្រសប់ការងារប្រជាចលនា”។ ស្ថិតលើមូលដ្ឋាននោះ គ្រប់ស្ថាប័ន អង្គភាពរក្សានិង ពង្រីកយ៉ាងតិចបំផុតបានទម្រង់សំខាន់មួយចូលរួមកសាងមូលដ្ឋាននយោបាយរឹងមាំ ជួយឧបត្ថម្ភប្រជាជនកាត់បន្ថយភាពក្រីក្រស្ថិរភាព និងចាត់តាំង “បុណ្យតេតកងទ័ព-ប្រជាជន” ពី ០១- ០២ ឃុំនាឱកាសបុណ្យចូលឆ្នាំថ្មីរបស់ជនរួមជាតិខ្មែរ។ ជំរុញមាំ ការងារសម័្ពន្ធមិត្តភាព និងអនុវត្តល្អកម្មវិធីសហការជាមួយបណ្តាអង្គការចាត់តាំងនយោបាយ សង្គមដោយទង្វើជាក់ស្តែង។ បន្តសហការចាត់តាំងបំពាក់បំប៉ន លើកកម្ពស់សមត្ថភាព ចំណេះដឹង តម្រិះវិជ្ជា អក្សរសាស្រ្ត ភាសារបស់ជនរួមជាតិជូនកម្មាភិបាល យុទ្ធជនបំពេញការងារប្រជាចលនា។ ជាពិសេសគឺជំរុញមាំការតស៊ូប្រយុទ្ធធ្វើឲ្យបរាជ័យកលល្បិច “ធ្វើឲ្យប្រែប្រួលសន្តិភាព” ធ្វើឲ្យជ្រួលជ្រើម បំបែកបំបាក់ សាមគ្គីជនជាតិរបស់បណ្តាអរិភាព អានុភាពជាអមិត្ត រួមចំណែករក្សាលំនឹងគោលនយោបាយ សណ្តាប់ធ្នាប់សុវត្ថិភាពសង្គមលើភូមិសាស្រ្ត។ ក្រៅពីនោះ គណៈកម្មាធិការបក្សនៃបញ្ជាការដ្ឋានយោធាខេត្តរួមជាមួយបណ្តាមូលដ្ឋាន គណៈ ផ្នែក សកម្មធ្វើសេនាធិការជូនគណៈកម្មាធិការបក្ស គណៈកម្មាធិការប្រជាជនខេត្តអនុវត្តកម្មវិធីគោលដៅជាតិពង្រីកសេដ្ឋកិច្ច-សង្គមតំបន់ជនរួមជាតិ ភាគតិច និងតំបន់ភ្នំ ដំណាក់កាល ២០២១-២០៣០ ឲ្យមានប្រសិទ្ធភាព យូរអង្វែង៕

វរសេនីយ៍ឯក ត្រឿងវ៉ាំងធឹម៖ នាយស្នងការនយោបាយបញ្ជាការដ្ឋានយោធាខេត្តត្រាវិញ