ស្ងប់ទុកមនោសញ្ចេតនារវាងកងទ័ពនិងប្រជាជន

ពិនិត្យជំងឺឲ្យប្រជាជន។ រូបថត៖ ខាក់ភូ

         ស្ថិតនៅទីនេះ បណ្តាគ្រូពេទ្យ វេជ្ជបណ្ឌិតមន្ទីរពហុវិទ្យាពេទ្យកងទ័ព-ប្រជាជនត្រាវិញបានវាស់ស្ទង់សម្ពាធឈាម និងពិនិត្យសម្រាំងជូនអ្នកជំងឺ ២០០ នាក់។ ក្នុងនោះ ភាគច្រើនគឺអ្នកមានវ័យចាស់មានជំងឺខាងបេះដូង ឡើងឈាម ប្រព័ន្ធរំលាយអាហារ ប្រព័ន្ធដកដង្ហើម សន្លាក់ឆ្អឹង និងជំងឺសួត។ ទន្ទឹមនឹងនោះប្រឹក្សាណែនាំអ្នកជំងឺអំពីរបៀបថែទាំសុខភាព បរិភោគអាហារមានរសជាតិដើម្បីចិញ្ចឹមគ្រប់ផ្នែកក្នុងសព៌ាង្គកាយ និងត្រូវសម្រាកឲ្យបានច្រើនសមស្របដើម្បីការពារជំងឺដំកាត់ និងបង្កើនសុខភាព។

          តាមការកត់សម្គាល់របស់យើងខ្ញុំ ពេលប្រជាជនបានដឹងដំណឹងថាមានបណ្តាគ្រូពេទ្យ វេជ្ជបណ្ឌិតមន្ទីរពហុវិទ្យាពេទ្យកងទ័ព-ប្រជាជនត្រាវិញចុះទៅពិនិត្យជូនថ្នាំព្យាបាលជំងឺ ប្រជាជននៅលើភូមិសាស្ត្រឃុំបានអញ្ជើញមករង់ចាំបានជាមុនដើម្បីបានពិនិត្យជូនថ្នាំព្យាបាលជំងឺ។ លោកយាយគឹមធីសឿ ប្រជាជននៅភូមិដៃទទឹងបានឲ្យដឹងថា៖ ខ្ញុំមានជំងឺ ពកក និងជំងឺសន្លាក់ឆ្អឹងក្បាលជង្គង់ឈឺចុកណាស់និងបានវះកាត់ម្តងរួចហើយដែរ ប៉ុន្តែបណ្តាថ្ងៃនេះនៅតែឈឺចុកសារឡើងវិញ ធ្វើដំណើរទៅមកពិបាកណាស់។ ដោយបានដឹងថាមានក្រុមគ្រូពេទ្យ វេជ្ជបណ្ឌិតចុះមកដល់ឃុំយើងដើម្បីពិនិត្យព្យាបាលជំងឺជូនប្រជាជន ខ្ញុំរីករាយណាស់ និងឆាប់មករង់ចាំបានមុនដើម្បីបានពិនិត្យជំងឺ ប្រឹក្សា និងផ្តល់ថ្នាំសម្រាប់ព្យាបាលជំងឺ។

          លោកតាថាច់តាយ នៅភូមិអូសីបានឲ្យដឹងថា៖ ខ្ញុំមានជំងឺទងសួត​ប្រព័ន្ធដកដង្ហើម ខតខែត  និងជំងឺក្រពះបាយទៀតផង។ ខ្ញុំបានទៅពិនិត្យ និងទិញថ្នាំផឹកច្រើនណាស់ដែរប៉ុន្តែមិនជាសះស្បើយឡើយ។ ថ្ងៃនេះមានគ្រូពេទ្យ វេជ្ជបណ្ឌិតចុះផ្ទាល់ពិនិត្យជំងឺជូនប្រជាជន ខ្ញុំក៏ឆ្លៀតពេលមកដើម្បីបានពិនិត្យយកថ្នាំផឹក។

          ការពិនិត្យព្យាបាលជំងឺជូនប្រជាជនលើកនេះនៅឃុំតឹបង៉ាយ វរសេនីយ៍ទោង្វៀងហឺវតៀង វេជ្ជបណ្ឌិតឯកទេស ១ នាយករងមន្ទីរពហុវិទ្យាពេទ្យកងទ័ព-ប្រជាជនត្រាវិញបានឲ្យដឹងថា៖ អនុវត្តតាមការចង្អុលការរបស់គណៈកម្មាធិការបក្សនៃគណៈបញ្ជាការដ្ឋានយោធាខេត្ត ក្រុមគ្រូពេទ្យ វេជ្ជបណ្ឌិតចុះមកដល់មូលដ្ឋានដើម្បីពិនិត្យព្យាបាលជំងឺជូនប្រជាជនរបស់ឃុំតឹបង៉ាយ។ ឆ្លងតាមការពិនិត្យសម្រាំងយើងខ្ញុំរកឃើញនៅនឹងអ្នកជំងឺភាគច្រើនមានជំងឺអំពីសម្ពាធឈាម ឈាមឡើងខ្ពស់ ឈឺចុកអាស្រ័យជំងឺសន្លាក់ឆ្អឹង រលាកប្រព័ន្ធសួត និងបណ្តាជំងឺអំពីទឹកនោមផ្អែមស្រូបយកអត្រាខ្ពស់បំផុត។ ក្រៅពីនោះ ក្នុងការពិនិត្យជំងឺលើកនេះ យើងខ្ញុំបានចុះមកទីនេះក៏បានអនុវត្តការពិនិត្យរោគវិនិច្ឆ័យគ្លីនីកដូចជាធ្វើអេកូស្ទង់បេះដូងដើម្បីរកឃើញនូវបណ្តារោគជំងឺអំពីបេះដូង ទងសួត។

        បានដឹង ក្រៅពីការពិនិត្យជំងឺនិងប្រឹក្សាសុខភាពមន្ទីរពហុវិទ្យាពេទ្យកងទ័ព-ប្រជាជនត្រាវិញនៅទាំងបានផ្តល់ជូនថ្នាំព្យាបាលជំងឺជូនអ្នកជំងឺដោយឥតគិតថ្លៃផង ក្នុងអ្នកជំងឺម្នាក់ៗទទួលបានថ្នាំព្យាបាលជំងឺពី ០៧-១០ ថ្ងៃ។ ទន្ទឹមនឹងនោះជូនអំណោយដល់អ្នកជំងឺម្នាក់ៗមួយចំណែកគិតជាតម្លៃអំពីថ្នាំ និងអំណោយជូនដល់បណ្តាអ្នកជំងឺក្នុងលើកនេះសរុបរួមប្រមាណ ៣០ លានដុង។

         សកម្មភាពពិនិត្យព្យាបាលជំងឺរបស់ក្រុមគ្រួពេទ្យ វេជ្ជបណ្ឌិតរបស់មន្ទីរពហុវិទ្យាពេទ្យកងទ័ព-ប្រជាជនត្រាវិញលើកនេះបង្កបានលក្ខណៈសម្រាប់ប្រជាជននៅតំបន់ជ្រៅតំបន់ឆ្ងាយរបស់ឃុំតឹបង៉ាយឆាប់បានរកឃើញ និងព្យាបាលជំងឺបានទាន់ពេល កាត់បន្ថយការឡើងទៅថ្នាក់លើពិនិត្យព្យាបាលជំងឺរបស់ប្រជាជន។ សកម្មភាពនេះត្រដាងឡើងនូវមនោសញ្ចេតនារវាងកងទ័ព-ប្រជាជនយ៉ាងផ្សារជាប់សាច់ឈាមស្និទ្ធស្នាលស្អិតរល្មួតគឺជាប្រវេណីដ៏ល្អប្រសើរ ថ្លៃថ្នូររបស់កងទ័ពប្រជាជនវៀតណាមជាមួយនឹងប្រជាជន៕

ប្រែសម្រួល៖ រតនា