ប្រជាជនឃុំថាញ់ហ្វាស៊ើងចូលរួមការពារសន្តិសុខមាតុប្រទេស

នគរបាលឃុំថាញ់ហ្វាស៊ើងផ្សព្វផ្សាយច្បាប់ដល់ប្រជាជន។

          គិតមកទល់ពេលនេះ ឃុំថាញ់ហ្វាស៊ើង ចលនាបណ្តាព្រះចៅអធិការ គណៈអារាមាភិបាលវត្តខ្មែរលើភូមិសាស្រ្តឲ្យបង្កើតក្លឹប “អប់រំយុវវ័យបំពានច្បាប់ក្នុងមូលដ្ឋានសាសនាបង្កើតបាន ០៣​ ក្លឹបដោយមានសមាជិក ២១ អង្គ-រូបចូលរួម អាស្រ័យដោយព្រះចៅធិការវត្តធ្វើជាអធិការក្លឹប។ ក្នុងឆ្នាំ ២០២០ បណ្តាសមាជិកក្លឹបចាត់តាំងការផ្សព្វផ្សាយអំពីគោលការណ៍ គោលមាគ៌ា គោលនយោបាយ ក្រឹត្យច្បាប់របស់បក្សនិងរដ្ឋបានជាង ១៥០ លើក ជួយឱ្យប្រជាជនលើកកម្ពស់ការយល់ដឹងជាងទៀតក្នុងការប្រតិបត្តិច្បាប់របស់រដ្ឋ បណ្តាសេចក្តីកំណត់របស់ផ្នែកមានសមត្ថកិច្ច។ល។

        លោកថាច់សាវែន នៅភូមិមេរងថ្មី ឃុំថាញ់ហ្វាស៊ើងចែករំលែក៖ បច្ចុប្បន្នពេលចូលទៅវត្តនៅបណ្តាថ្ងៃបុណ្យទាន និងបណ្តាថ្ងៃឧបោសថសីល ក្រៅពីបានស្តាប់ព្រះសង្ឃចៅអធិការវត្តផ្សព្វផ្សាយអំពីរបៀប្រជុំជីវភាពសាសនា ខ្ញុំនៅទាំងបានស្តាប់ការផ្សព្វផ្សាយខ្លឹមសារមួយចំនួនទាក់ទងដល់គោលការណ៍ គោលនយោបាយ ក្រឹត្យច្បាប់របស់បក្សនិងរដ្ឋ បណ្តាល្បិចកលសកម្មភាពប្រឆាំង បំផ្លើសរបស់បណ្តាអានុភាពជាអមិត្តសំដៅបំបែកបំបាក់សាមគ្គីភាពជនជាតិ ជួយឱ្យរូបខ្ញុំនិងអ្នកដទៃទៀតលើកកម្ពស់ស្មារតីប្រុងប្រយ័ត្នក្នុងការបង្ការបង្រ្កាបបទល្មើស និងបណ្តាអំពើបំពានច្បាប់ដទៃទៀត។ ទន្ទឹមនឹងនោះ​ កងកម្លាំងនគរបាលឃុំតែងរក្សាល្អសកម្មភាពខ្លោងទ្វារបង្ការ បង្រ្កាបបទល្មើសបាន ០៤ ទ្វារនៅតាមបណ្តាភូមិមេរងថ្មី និងមេរងចាស់ ។

           ឆ្លងតាមការអនុវត្តន៍ល្អការងារផ្សព្វផ្សាយ ក្នុងឆ្នាំ ២០២០ កងកម្លាំងនគរបាលឃុំបានប្រជាជនជូនដំណឹងមានតម្លៃជាង ៤០ ដំណឹង  ជួយឱ្យកងកម្លាំងនគរបាលស៊ើបអង្កេតដោះស្រាយសម្រេចជាង ៨០% បង្កបានទំនុកចិត្តក្នុងប្រជាជន។ លោកវរសេនីយ៍ត្រីថាច់ថាញ់ហាយ ប្រធាននគរបាលឃុំថាញ់ហ្វាស៊ើងបានឱ្យដឹងថា៖ ការរក្សាខ្ជាប់សន្តិសុខសណ្តាប់ធ្នាប់ គឺរួមចំណែកលំនឹងជីវភាពរបស់ប្រជាជន ម៉្លោះហើយកងកម្លាំងនគរបាលតែងលើកកម្ពស់ការងារផ្សព្វផ្សាយ ចលនាប្រជាជនដើម្បីលើកកម្ពស់ស្មារតីប្រុងប្រយ័ត្នក្នុងប្រជាជន។ ក្នុងការអនុវត្តន៍ភារកិច្ច កងកម្លាំង នគរបាលឃុំតែងគោរព និងស្តាប់យោបល់របស់ប្រជាជន ប្រកាសជាចំហលេខទូរសព្ទរបស់ផ្នែកនគរបាលដើម្បីប្រជាជនជូនដំណឹងដល់ផ្នែកនគរបាលដើម្បីរកវិធានការដោះស្រាយទាន់ពេលចំពោះមុខសញ្ញាគួរឱ្យសង្ស័យធ្វើសកម្មភាពខុសច្បាប់លើភូមិសាស្រ្តឃុំ ។

          ដើម្បីចលនាទូទាំងប្រជាជនចូលរួមការពារសន្តិសុខមាតុប្រទេស ថ្កោលទោសបណ្តាបទល្មើសកាន់តែពង្រីកបានប្រសិទ្ធភាព កងកម្លាំងនគរបាលឃុំថាញ់ហ្វាស៊ើងតែងបង្កទំនាក់ទំនងស្អិតល្មួតជាមួយបណ្តាមូលដ្ឋានសាសនា អ្នកមានប្រជាប្រិយភាពក្នុងជនរួមជាតិខ្មែរ។ អាស្រ័យហេតុនោះចលនាកាន់តែទាក់ទាញប្រជាជនជាច្រើនចូលរួម ក្លាយជាចលនារបស់ទូទាំងប្រជាជន។ ឃុំថាញ់ហ្វាស៊ើងបានទទួលស្គាល់និងទទួលស្គាល់ឡើងវិញសម្រេចសម្បទាសុវត្ថិភាពអំពីសន្តិសុខសណ្តាប់ធ្នាប់ និងការពារជាតិសន្តិសុខជាច្រើនឆ្នាំបន្តបន្ទាប់៕  

អត្ថបទ-រូបថត៖ ថាច់សម្បត្តិ