បង្កើនការផលិតនៅកងអនុសេនាធំព័ត៌មាន

រយៈពេលកន្លង កងអនុសេនាធំព័ត៌មានតែងអនុវត្តសម្រេចល្អភារកិច្ចដែលបានប្រគល់ជូន ធានាព័ត៌មានទំនាក់ទំនងរលូនឲ្យកងកម្លាំងប្រដាប់អាវុធខេត្ត ធានារ៉ាប់រងព័ត៌មានប្រៃសនីយ៍ទ័ព បញ្ជូន និងទទួលសារលិខិត ឯកសារឲ្យគណៈបញ្ជាការដ្ឋានយោធាខេត្ត។ ធានាព័ត៌មានទូរលេខឥតខ្សែ បម្រើព័ត៌មានទំនាក់ទំនងឲ្យគណៈបញ្ជាការដ្ឋានយោធាខេត្តជាមួយគណៈបញ្ជាការដ្ឋានយោធាបណ្ដាស្រុក និងយោធភូមិភាគ។ ក្រៅពីនោះ អង្គភាពនៅទាំងចូលរួមការងារហ្វឹកហាត់ ត្រៀមបម្រុង ប្រយុទ្ធ ឧបត្ថម្ភដល់បណ្ដាអង្គភាពក្នុងការងារសមយុទ្ធ និងកិច្ចការផ្សេងៗទៀត។ ទន្ទឹមនឹងការអនុវត្តសម្រេចល្អភារកិច្ចដែលបានប្រគល់ជូននោះ ការងារបង្កើនការផលិតក៏បានគណៈបញ្ជាការកងអនុសេនាធំយកចិត្តទុកដាក់ ហើយចាត់ទុកជាភារកិច្ចមួយក្នុងបណ្ដាភារកិច្ចបានរក្សាជាប្រចាំ និងបន្តបន្ទាប់។

បណ្តាយោធិនថែទាំបន្លែ។

កងអនុសេនាតូចនីមួយៗបានប្រគល់ឲ្យទទួលបន្ទុកតាមតំបន់ ប្រធានកងអនុសេនាតូចនៃកងអនុសេនាតូចនីមួយៗឧស្សាហ៍ត្រួតពិនិត្យកែប្រែដី ចុះពូជលើតំបន់ដែលទទួលបន្ទុក មិនទុកឲ្យដីនៅទំនេរឡើយ។ ក្រោយម៉ោងហ្វឹកហាត់ និងបំពេញការងារមុខជំនាញ កម្មាភិបាលយុទ្ធជនកងអនុសេនាធំចូលរួមសកម្មភាពបង្កើនការផលិត។ ម្នាក់ៗទទួលការងារមួយ ក្នុងមួយក្រុមទទួលការងារមួយ គាស់ដី ពោររង បណ្ដុះ គ្រាប់ពូជ ដកស្មៅ ថែទាំបន្លែដែលកំពុងលូតលាស់។ បណ្ដាប្រភេទបន្លែបង្ការបានដាំតាមរដូវកាល ឆ្លាស់រដូវធានាឲ្យគ្រប់ចំនួនបន្លែស្រស់សម្រាប់ផ្គត់ផ្គង់អង្គភាពខួបឆ្នាំ។

ទាហានឯកផាងថាញ់ហ៊ីវ យុទ្ធជនក្រុមលេខ ១ នៃកងអនុសេនាតូចលេខ ១ ស្ថិតក្រោមកងអនុសេនាធំព័ត៌មានចែករំលែក៖ “បានចូលរួមសកម្មភាពបង្កើនការផលិតរួមជាមួយអង្គភាព នរណាក៏រីករាយ ព្រោះបានរួមកម្លាំងមួយចំណែកដាំបានបន្លែច្រើនប្រភេទសម្រាប់ផ្គត់ផ្គង់អង្គភាព។ឆ្លងតាមរយៈសកម្មភាពផលិតបង្កបានស្មារតីទទួលបន្ទុក និងបរិយាកាសប្រឡងប្រណាំងសម្រាប់កម្មាភិបាល យុទ្ធជនម្នាក់ៗក្នុងអង្គភាព”។

ដើម្បីបង្កើនប្រសិទ្ធភាពផលិត និងធានាអនាម័យសុវត្ថិភាពអាហារឲ្យបណ្ដាផលិតផលបន្លែស្រស់នោះ ឆ្នាំ ២០១៩ កងអនុសេនាធំបានវិនិយោគកសាងផ្ទះសំណាញ់បិទផ្ជិត ជាមួយថវិកាជិត ៥០ លានដុង។ ផ្ដើមពីនោះ ការដាំប្រភេទបន្លែបង្កានៅកងអនុសេនាធំព័ត៌មានបានងាយស្រួលជាងអាស្រ័យដោយមិនសូវមានដង្កូវក្រាបំផ្លាញ ម៉្លោះហើយបន្លែរីកស្រស់ល្អ។ ទន្ទឹមនឹងការរក្សាចម្ការបន្លែ កងអនុសេនាធំព័ត៌មានក៏បានបើកទូលាយផ្ទៃកសិដ្ឋាន ស្រះចិញ្ចឹមសត្វពាហនៈ បសុសត្វ និងត្រីគ្រប់ប្រភេទ។ ក្នុងឆ្នាំ ២០២០ និងបណ្ដាខែដើមឆ្នាំ ២០២១ កងអនុសេនាធំប្រមូលផលបន្លែគ្រប់ប្រភេទបានជិត ១៥ តោន  និងត្រី សាច់គ្រប់ប្រភេទបានចំនួន ០៣ តោន។ ក្រោយពេលប្រមូលផលបណ្ដាផលិតផលពីការផលិតរបស់កងអនុសេនាធំនោះបានយកទៅចម្អិនបម្រើពេលបាយរបស់អង្គភាព និងលក់មួយចំណែកទទួលបានប្រាក់ចំណូលនោះទុកសម្រាប់វិនិយោគផលិតសារជាថ្មីទៀត និងទុកមួយចំណែកសម្រាប់ធ្វើមូលនិធិសកម្មភាពឲ្យអង្គភាព។

តាមប្រសាសន៍របស់វរសេនីយ៍ត្រីត្រឹងមិញត្រឹក ប្រធានកងអនុសេនាធំព័ត៌មាន ជាមួយគោលដៅពង្រីកការផលិតត្រូវធានាគួបផ្សំជាមួយចលនាប្រឡងប្រណាំងកសាង គ្រប់គ្រង បន្ទាយរៀបរយ ស្រស់ ជ្រះ ស្អាត និងការពារបរិស្ថាន។ ក្នុងពេលកន្លង កងអនុសេនាធំព័ត៌មានបានអនុវត្តគម្រោងផែនការបណ្ដាចម្ការបន្លែស្រស់ តំបន់ចិញ្ចឹមនៅក្នុងបរិវេណអង្គភាព។ ផលិតផលផលិតបានប្រើប្រាស់ត្រូវតាមគោលដៅ មានប្រសិទ្ធភាព និងធានាគ្រប់សម្រាប់បម្រើក្នុងអង្គភាព។ រក្សាល្អការងារបង្កើនការផលិត ម្ចាស់ការប្រភពអាហារនៅនឹងកន្លែង បង្កើនតម្លៃអាហារូបត្ថម្ភក្នុងពេលទទួល ទានឲ្យកងទ័ព និងគួបផ្សំជាមួយបណ្ដាវិធីសាស្រ្តថែទាំសុខភាពជូនកម្មាភិបាល យុទ្ធជន ក្នុងអង្គភាព។

ការជោគជ័យនៃទម្រង់ចិញ្ចឹម ដាំដុះមិនត្រឹមធានាប្រភពអាហារនៅនឹងកន្លែង កែលម្អពេលអាហារជូនកម្មាភិបាល យុទ្ធជន បង្កើនបន្ថែមប្រភពចំណូលឲ្យអង្គភាព ហើយនៅទាំងបង្កបានជាចលនាប្រឡងប្រណាំងពលកម្មផលិតក្នុងសមូហភាពកម្មាភិបាល យុទ្ធជនទៀតផង។ នោះក៏ជាលទ្ធផលនៃការងារចង្អុលការប្រមូលផ្ដុំបង្កបានជាស្មារតីសាមគ្គី ខ្លួនទីពឹងខ្លួនក្នុងសមូហភាពកម្មាភិបាល យុទ្ធជនកងអនុសេនាធំព័ត៌មានក្នុងចលនាប្រឡងប្រណាំងពលកម្មផលិតផងដែរ៕             

ប្រែសម្រួល៖ ថាច់ហ្វាង