កំពង់ផែត្រីឌិញអាង៖ ពង្រីកតម្លាភាព លើកកម្ពស់តម្លៃសេដ្ឋកិច្ចសមុទ្រ

                              នេសាទករដឹកនាំទំនិញ និងប្រមូលបណ្តាជលផលនៅកំពង់ផែឌិញអាង ។ រូបថត៖ ង៉ុកស្វង

     តាមលោក​ ង្វៀងវុាំងង៉ង នាយកគណៈគ្រប់​គ្រងកំពង់ផែត្រីឌិញអាង៖ អំពីទ្រង់ទ្រាយកំពង់ផែត្រីឌិញអាងនៅតូច បើប្រៀបជាមួយនឹងកំពង់ ផែត្រីដទៃក្នុងតំបន់ (កំពង់ចត់កប៉ាល់ប្រមាណតែ ៣៥០ ម៉ែត្រ) ប៉ុន្តែចំនួនកប៉ាល់ នាវាចូលកាន់កំ ពង់ផែច្រើនបង្គួរ មិនត្រឹមតែកប៉ាល់របស់នេសាទករនៅបណ្ដាខេត្តតីណាមបូនៅទាំងមានកប៉ាល់មកពីខេត្តនានាទៀត៖ បិញឌិញ ក្វាងង៉ាយ ភូអៀន ខាញ់ហ្វា បារៀ-វុងតាវ។ ប្រព័ន្ធប្រមូលទិញគ្រឿងសមុទ្រនៅនឹងកំពង់ផែល្អ សេវាភ័ស្តុភារបរនេ សាទធានាបម្រើនេសាទករមានតម្លៃសមស្របបំផុតគឺមុខទំនិញទឹកកក ម៉្លោះហើយកប៉ាល់ជាច្រើនមកបោះយុទ្ធការនៅទី នេះ។ បណ្ដាផលិតផលគ្រឿងសមុទ្រនៅនឹងកំពង់ផែបានឈ្មួញប្រមូលទិញនាំយកទៅបណ្ដាខេត្ត៖ កៀងយ៉ាង តៀនយ៉ាង ដុង ណាយ បារៀ-វុងតាវ ផ្សារដើមទងបិញដៀង (ទីក្រុងហូជីមិញ) ។ល។
     នេសាទករឡេថាញ់ផុង (នៅខេត្តបេនត្រែ) ទើបមកបោះយុទ្ធការកំពង់ផែ ក្រោយពេលលក់គ្រឿងសមុទ្របានជិត ០៣ តោន បម្រុងជួសជុលនេសាទករដើម្បីបន្តចេញទៅសមុទ្របានឲ្យដឹង៖ កប៉ាល់របស់ខ្ញុំប្រវែង ១២ ម៉ែត្រ មិនធំពេក ម៉្លោះ ហើយងាយចូលបោះយុទ្ធការនៅកំពង់ផែនេះ។ ទៅប្រកបរបរនេសាទច្រើនឆ្នាំកន្លង ភាគច្រើនខ្ញុំមកបោះយុទ្ធការនៅទីនេះអាស្រ័យងាយចូល ហើយងាយលក់គ្រឿងសមុទ្រទៀតផង។ រយៈពេលប្រមាណ ១០ ថ្ងៃ កប៉ាល់ខ្ញុំចូលបោះយុទ្ធការម្ដង ស្គាល់ឈ្មួញលក់គ្រឿងសមុទ្របានឆាប់ រហ័សម្យ៉ាងទៀតនៅទីនេះមានបណ្ដាសេវាចាំបាច់ស្រាប់សម្រាប់ទៅសមុទ្រ ម៉្លោះហើយពេលចូលលក់គ្រឿងសមុទ្រទុកពេលវេលាឲ្យបងប្អូនសម្រាក ០១ ថ្ងៃ យកប្រេង ទឹកកក ចំណីបន្តដំណើរទៅនេសាទទៀត។
    អាស្រ័យដោយមានការងាយស្រួលសកម្មភាពរបស់កំពង់ផែត្រីឌិញអាងពីមួយថ្ងៃទៅមួយថ្ងៃកាន់តែរីកចម្រើន ជាពិសេស ចាប់ពីពេលផ្លូវសម្រាប់កប៉ាល់មានចំណុះធំចូលមកកាន់ទន្លេបាសាក់ដាក់ឲ្យប្រើប្រាស់ (ឆ្នាំ ២០១៦) មកទល់ពេលនេះ ចំនួនកប៉ាល់ នាវាមកបោះយុទ្ធការនៅកំពង់ផែនេះកាន់តែច្រើនអាស្រ័យមានការងាយស្រួលបំផុត​ គឺពេលវេលាចូលកាន់កំពង់​ផែបានបង្រួញខ្លីនិងកប៉ាល់ចូលកាន់កំពង់ផែធានាសុវត្ថិភាព។ឆ្នាំ ២០១៧ មានពេលខ្លះ​កប៉ាល់ចូលកាន់កំពង់ផែនេះជិត ២០០ គ្រឿងក្នុង ០១ ថ្ងៃ បរិមាណជលផលគ្រឿងសមុទ្របាននាំមកតាមកប៉ាលឡើងដល់ ២៥.០០០ តោនក្នុង ០១ ឆ្នាំ។
     បានដឹងថា បណ្ដាសេវាភ័ស្តុភារបរនេសាទនៅកំពង់ផែធានាគ្រប់បម្រើឲ្យនេសាទករចេញទៅសមុទ្រជាមួយតម្លៃសមស្រប បំផុតគឺទឹកកក ម៉្លោះហើយនេសាទករជាច្រើនមកចត់នៅកំពង់ផែនេះ។ ទន្ទឹមនឹងនោះ ប្រព័ន្ធប្រមូលទិញ បត់បែងអនុវត្តល្អ ធានាគុណភាពមុខទំនិញ។ លោកង្វៀងវុាំងង៉ងឲ្យដឹងបន្ថែម៖ កំពង់ផែត្រីឌិញអាងទាក់ទាញកប៉ាល់ជាច្រើនមកទីនេះ បង្កលក្ខណៈងាយស្រួលឲ្យរបរនេសាទរបស់ខេត្តរីកចម្រើនស្ថិរភាព។ក្រៅពីសកម្មភាពធ្វើនេសាទប្រមូលទិញសកម្មភាពច្នៃនិង សេវាភ័ស្តុភារបរនេសាទក៏រីកចម្រើនខិតខំក្លាយជាផ្នែកសេដ្ឋកិច្ចមុខព្រួញរបស់មូលដ្ឋាន។ ថ្វីត្បិតដូច្នោះក្ដី ០២ ឆ្នាំមកអាយនេះ ផ្លូវសម្រាប់កប៉ាល់មានចំណុះធំចូលកាន់ទន្លេបាសាក់ត្រូវសះ កប៉ាល់ធំៗចូលកាន់កំពង់ផែពិបាកជាងមុន គួបផ្សំជា មួយនឹងទ្រង់ទ្រាយកំពង់ផែតូចបង្គួរ ម៉្លោះហើយចំនួនកប៉ាល់ចូលចត់តិចជាង។ ឆ្នាំ ២០១៩ បរិមាណជលផលគ្រឿងសមុទ្រនៅទីនេះសម្រេចបានតែ ១៧.០០០ តោន ឆ្នាំ ២០២០ ថយចុះនៅតែ ១៥.០០០ តោន។ ទន្ទឹមនឹងនោះ ផ្លូវចូលកាន់កំពង់ផែនិងតំបន់បោះយុទ្ធការជម្លៀសព្យុះត្រូវសះកប៉ាល នាវាចេញចូលកាន់កំពង់ពិបាកជាងមុន កប៉ាល់មានចំណុះធំត្រូវរង់ចាំ ពេល ជំនោរទឹកឡើងខ្ពស់ទើបចូលកាន់កំពង់ផែបាន។ ពេលខ្លះកប៉ាល់ធំៗចូលចត់កំពង់ផែច្រើន បណ្ដាលឲ្យកកស្ទះពីក្រៅកំពង់ផែញុាំងឲ្យជះឥទ្ធិពលដល់គុណភាពមុខទំនិញគ្រឿងសមុទ្ររបស់នេសាទករ។ អាស្រ័យហេតុនោះ មន្ទីរកសិកម្មនិង អភិវឌ្ឍន៍ជនបទបានធ្វើសេនាធិការឲ្យគណៈកម្មាធិការប្រជាជនខេត្តបង្កើនកម្រិតបើកទូលាយកំពង់ផែត្រីឌិញអាង។ កាល ពីខែតុលាឆ្នាំ ២០២០ គណៈកម្មាធិការប្រជាជនខេត្តបានផ្ដល់សច្ចាប័ន គោលការណ៍វិនិយោគគម្រោងការវិនិយោគកសាងបង្កើនកម្រិតបើកទូលាយកំពង់ផែត្រីឌិញអាងគួបផ្សំជាមួយ នឹងតំបន់ជម្លៀសព្យុះសម្រាប់កប៉ាល់នេសាទត្រីច្រកឌិញអាង ស្រុកថ្កូវ សរុបថវិកាវិនិយោគជិត ២៩៣ ពាន់លានដុង ក្នុងនោះ ទុនរបស់មជ្ឈិម ២៦៤ ពាន់លានដុង ក្រៅពីនោះ គឺប្រភព ទុនរបស់មូលដ្ឋាន។ ពេលគម្រោងការបានអនុវត្តសម្រេចនឹងបង្កលក្ខណៈឲ្យកំពង់ផែ ត្រីឌិញអាងបន្តរីកចម្រើនស័ក្ដិសមជាមជ្ឈមណ្ឌលរបរនេសាទត្រីរបស់ខេត្តត្រាវិញនិងតំបន់។ ម្យ៉ាងទៀតជួយឲ្យបណ្ដាកប៉ាល់ នាវាចូលបោះយុទ្ធការសុវត្ថិភាពពេលមានខ្យល់ព្យុះកើតឡើង។

                                              កំពង់ផែត្រីឌិញអាង ។  រូបថត៖​ ថាច់ហ្វាង
     គណៈគ្រប់គ្រងកំពង់ផែត្រីឌិញអាងតែងយកចិត្តទុកដាក់ដល់ការត្រួតពិនិត្យបរិមាណផល ធានាកំណត់អំពីការដឹកនាំមុខទំនិញចេញចូលនៅនឹងកំពង់ផែសំដៅបញ្ជាក់បានតម្លៃ គុណភាពធានាសុវត្ថិភាពអនាម័យគ្រឿងបរិភោគជលផលបម្រើដល់ទីផ្សារ។ អាស្រ័យហេតុនោះ ការត្រួតពិនិត្យកប៉ាល់ចេញចូលកាន់កំពង់ ត្រួតពិនិត្យបរិមាណជលផលឆ្លងកំពង់ផែ ត្រួតពិនិត្យជម្នះនឹងការទាក់ទាញជលផលខុសច្បាប់មិនតាមកំណត់ និងរកប្រភពជលផលពីការទាញយកផល។ល។ បានអនុវត្តល្អជាង។ នៅពេលខាងមុខគណៈគ្រប់គ្រងកំពង់ផែត្រីឌិញអាងនឹងបង្កើនការត្រួតពិនិត្យសកម្មភាពទាញយកផល ធ្វើនេសាទគ្រឿងសមុទ្រអប់រំច្បាប់ដល់នេសាទករដើម្បីជួយឲ្យនេសាទករបង្កើនការយល់ដឹងក្នុងការទាញយកផលធ្វើនេសាទ ត្រូវតាមច្បាប់កំណត់និងធានាអនាម័យ សុវត្ថិភាពអាហារចំពោះបណ្ដាផលិតផលដែលបាននេសាទ។ ផ្ដើមពីនោះ បង្កើនបរិ មាណផល ជលផលនេសាទនិងតម្លៃមុខទំនិញ ជលផលរបស់ខេត្ត បង្កើតជាផលិតផលធានាគ្រប់បម្រើឲ្យការប្រើប្រាស់និងសម្រេចសម្បទានីហរ័ណតាមកំណត់៕       ប្រែសម្រួល៖ ថាច់ហ្វាង