អ្នកមានប្រជាប្រិយភាពគំរូក្នុងការពង្រីកសេដ្ឋកិច្ចគ្រួសារ

ភូមិដើមជ្រៃឃុំង៉ូវឡាកស្រុក យ្វៀងហាយ មានប្រជាជន ៣៧៦ គ្រួសារ (ក្នុងនោះគ្រួសារមាមីងខ្មែរ ៥៤ គ្រួ)។ លោកមា ថាច់ចឹក ជាអតីត​គ្រូបង្រៀន សាលាបឋម​សិក្សា​ង៉ូវ​ឡាក។   តាំងពីពេលចូលនិវត្តន៍ (ឆ្នាំ ២០១១) គាត់ក៏បានប្រជាជនទុកចិត្ត និងជ្រើសតែងតាំងជាអ្នកមានប្រជាប្រិយភាពក្នុងភូមិ។ ជាអ្នកមានចរិតព្យាយាមក្នុងការ​ពលកម្មផលិតទើប ឆ្នាំ ២០១៨ គាត់បានសាខាបក្ស និងប្រជាជនជ្រើសតាំង​ឲ្យទទួល​នាទីជាប្រធានសាខាសមាគមកសិករភូមិដើមជ្រៃរហូតមកដល់បច្ចុប្បន្ន។

លោកមាថាច់ចឹក និងប្រពន្ធគាត់តែងជួយគ្នាធ្វើការងារគ្រួសារជានិច្ច។

ជាង​ ២០​ ឆ្នាំ​កន្លងគ្រួសារលោកមាផ្សារភ្ជាប់ នឹង​របរ​ធ្វើជ្រក់ជាច្រើនប្រភេទ​ ។ ក្នុងមួយថ្ងៃគ្រួសារ​គាត់​ទិញ​ត្រសក់ និង​មើមស្ពៃ​ពី ១០០ -១៥០ គីឡូក្រាម​ដើម្បីច្នៃ​ធ្វើ​ជ្រក់។ ក្នុងមួយថ្ងៃលោកមាតែងក្រោកពីម៉ោង ០៤-០៥ ដើម្បីរៀបចំផលិតផលជ្រក់លក់ដុំឲ្យឈ្មួយមកទិញដល់ផ្ទះបានពី ៥០-៦០ គីឡូក្រាម ទូទាត់ខ្ទង់ចំណាយរួចក្នុងមួយថ្ងៃនៅចំណេញបានពី ១៥០ -២០០ពាន់ដុង។ គិតជាមធ្យម ក្នុងមួយឆ្នាំគ្រួសារ​សន្សំ​ប្រាក់បានពី ៧០-៨០​លាន​ដុង​។ សព្វថ្ងៃលោកមាសាងសង់​ផ្ទះ ០១ ខ្នងសមរម្យ ព្រមទាំងទិញ​បានមធ្យោបាយប្រើប្រាស់ក្នុង​គ្រួសារបានគ្រប់គ្រាន់។ លោកមា ថាច់ចឹក មានប្រសាសន៍ថា៖ ឃើញខ្ញុំជួយធ្វើជ្រក់គ្រួសារខ្ញុំ មានអ្នកខ្លះថាខ្ញុំធ្លាប់ធ្វើជាគ្រូបង្រៀនដែរ ប៉ុន្តែបែរជាមកធ្វើការងាររបស់បងប្អូននារីទៅវិញ។ ចំពោះខ្ញុំវិញឲ្យតែការងារណាត្រឹមត្រូវ មិនបំពានច្បាប់នាំ​មក​លទ្ធផល​សេដ្ឋកិច្ច​ដល់​គ្រួសារ​គឺខ្ញុំ​ខិតខំធ្វើ​ជានិច្ច ​មិន​ខ្មាស​អៀន​អ្នកណាឡើយ។ ក្រៅពីធ្វើជ្រក់លក់ដុំឲ្យអតិថិជន គ្រួសារខ្ញុំមានចិញ្ចឹមគោ ០៣ ក្បាល ដាំចេក ០២ កុង ដល់រដូវមានផ្កាស្នោ  ខ្ញុំយកដើមចេកមកធ្វើជ្រក់លាយជាមួយផ្កាស្នោ។

លោកមាថាច់ចឹក និងប្រពន្ធថែទាំគោ។

លោក ត្រឹងវ៉ាំងហ្វេ ប្រធានគណៈកម្មការប្រជាជនភូមិដើមជ្រៃ ឃុំង៉ូវឡាកបានឲ្យដឹង ថា៖ លោកថាច់ចឹក តែងជ្រោងខ្ពស់ស្មារតីទទួលខុសត្រូវក្នុងការផ្សព្វផ្សាយអនុវត្តភារកិច្ចពង្រីកសេដ្ឋកិច្ច-សង្គមនៅមូលដ្ឋាន។ ពេលដែលគណៈកម្មាធិការបក្ស និងរដ្ឋអំណាចមូលដ្ឋានផ្សព្វផ្សាយសារលិខិត សេចក្តីសម្រេចចិត្តថ្មីណានីមួយដើម្បីចង្អុលការពង្រីកសេដ្ឋកិច្ច-សង្គម លោកថាច់ចឹកតែងរួមដំណើរជាមួយសាខាបក្ស រដ្ឋអំណាចភូមិដើម្បីផ្សព្វផ្សាយ ជូនដល់ប្រជាជនបានទាន់ពេល។ ជាពិសេស គាត់​តែងសកម្មក្នុងការចលនាសមាជិកកសិករ  និងមាមីងក្នុងភូមិ​ឲ្យព្យាយាមពង្រីកសេដ្ឋកិច្ច   គ្រួសារ​។ ដោយមានគុណសម្បត្តិល្អ កិត្យានុភាពចរិតព្យាយាមធ្វើការរងារ បានប្រជាជនក្នុងភូមិយកចិត្តទុកដាក់ និងធ្វើតាមបានល្អជានិច្ច ។

លោកមាបានសមាគមកសិករស្រុកយ្វៀងហាយជូនលិខិតសរសើរ  “ សម្រេចស្នាដៃឆ្នើម ក្នុងចលនាប្រឡងប្រណាំងស្នេហាជាតិ “ដំណាក់កាល ២០១៦‑២០២០ និងបានគណៈចង្អុលការការងារគ្រួសារស្រុកយ្វៀងហាយជូនលិខិតសរសើរសម្រេចកិត្តិនាមគ្រួសារវប្បធម៌ឆ្នើមកាលពីឆ្នាំ ២0២0៕

អត្ថបទ‑រូបថត៖ សុជា