សាខាសមាគមនារីភូមិបាស្រែ(អា)៖ ពង្រីកប្រសិទ្ធភាពទម្រង់ "ស្អាតពីផ្ទះចេញដល់ផ្លូវ"

     ឆ្នាំ ២០១៨ សមាគមនារីភូមិបាស្រែ (អា) បានកសាងទម្រង់ "ស្អាតពីផ្ទះ ចេញដល់ផ្លូវ"។ ដោយពិនិត្យឃើញមានប្រសិទ្ធភាព ឆ្នាំ ២០១៩ សមាគមសហព័ន្ធន៍នារីឃុំ លឿងហ្វាក៏ជ្រើសទម្រង់នេះពង្រីកទូលំទូលាយ នៅបណ្តាភូមិ ក្នុងឃុំ។ តាំងពីបង្កើតរហូតមកទល់បច្ចុប្បន្ន ទម្រង់ "ស្អាតពីផ្ទះចេញដល់ផ្លូវ " របស់សាខាសមាគមនារីភូមិបាស្រែ (អា) បានចុះឈ្មោះទទួលរ៉ាប់រងបោសសម្អាតផ្លូវទាំងអស់ក្នុងភូមិ សរុបប្រវែងជាង ៣.០០០ ម៉ែត្រ ធានាឲ្យបានខៀវ -ជ្រះ -ស្អាត ។

     សាខាសមាគមនារីភូមិបាស្រែ (អា) ​មាន​សមាជិកា ​៩២ ​នាក់​ក្នុង​នោះ មាន សមាជិកាខ្មែរ ​៨០%។ ទម្រង់ "ស្អាតពីផ្ទះចេញដល់ផ្លូវ " នេះធ្វើសកម្មភាពជារៀងរាល់ថ្ងៃអាទិត្យ និងបណ្តាថ្ងៃដែលសាខាសមាគមប្រជុំជីវភាពប្រចាំខែរួច សមាជិកាចូលរួមបោសសម្អាតបរិស្ថានតាមផ្លូវក្នុងភូមិ និងតំបន់ផ្សារបាស្រែ។

ប្រជាជនភូមិបាស្រែ(អា) ដាក់សំរាមត្រង់កន្លែងកំណត់។

     បងស្រី ស៊ើងធីថាញ់ សមាជិកាសាខាសមាគមនារីភូមិ បាស្រែ (អា) បានឲ្យដឹងថា ៖ ទម្រង់ "ស្អាតពីផ្ទះចេញដល់ផ្លូវ "មិនត្រឹមតែសមាជិកាចូលរួមយ៉ាងសកម្មប៉ុណ្ណោះទេ តាមការសង្កេតរបស់ខ្ញុំ ពេលដែលសាខាសមាគមចលនាចេញទ័ព បោសសម្អាត ក៏មានបងប្អូន ពូមីង និងប្រជាជនក្នុងភូមិចេញមកចូលរួមបោសសម្អាត ដាំផ្កាតាមផ្លូវក្នុងភូមិ ទៀតផង។

     លោកមា សឺនហៀង ប្រជាជននៅ​ភូមិ​បាស្រែ (អា) ជា​អ្នកផ្សារភ្ជាប់​នឹង​ចលនា "ស្អាតពីផ្ទះចេញដល់ផ្លូវ "របស់សាខា​សមាគមនារី​ភូមិ។ លោកមាហៀង សំណេះសំណាល៖ ​ភូមិបាស្រែ (អា) ​មាន​ផ្សារ បាស្រែ និងជា​តំបន់​នៅ​ជាប់​នឹង​តំបន់​ទេសចរណ៍​រមណីយដ្ឋានគូស្រះស្រី ម្ល៉ោះហើយ ប្រជាជនត្រូវបង្កើនការយល់ដឹង និងចូលរួមការពារបរិស្ថានឲ្យបានស្រស់ស្អាតជានិច្ច។ ខ្ញុំយល់ឃើញថា ការពារ​បរិស្ថានជាការងាររួមរបស់ប្រជាជនទាំងមូល មិនត្រឹមតែជាការងាររបស់បងប្អូននារីប៉ុណ្ណោះ​ទេ។ ដូច្នោះ​ហើយ​ពេល​សាខាសមាគមនារី​ភូមិ​ចលនាឲ្យចូលរួម​បោស​សម្អាតតាមផ្លូវ ក៏ដូចជាដាំផ្កា ខ្ញុំ​ស្ម័គ្រចិត្ត​ចូល​រួមជានិច្ច។

     បងស្រី វិញធីហុងបេវ ប្រធានសមាគមនារីឃុំ លឿងហ្វាមានប្រសាសន៍ថា៖ ទម្រង់"ស្អាតពីផ្ទះចេញដល់ផ្លូវ "របស់សាខាសមាគមនារីភូមិ បាស្រែ (អា) ជាទម្រង់ចង្អុលការរបស់សមាគមនារីឃុំ និងបានពង្រីកទូលាយនៅបណ្តាសាខាសមាគមនារីភូមិដទៃអនុវត្តតាមបានល្អ។ កាលទើបបានជ្រើសជាទម្រង់ចង្អុលការ យើងខ្ញុំបានប្រជុំពិគ្រោះយោបល់ និងប្រគល់ភារៈជូនសមាជិកាស្នូល​ដើម្បីផ្សព្វផ្សាយ ចលនាមាជិកា និងប្រជាជនឲ្យចូលរួម។ ទន្ទឹមនឹងនោះ យើងខ្ញុំបានចលនាបងប្អូននារីឱ្យអប់រំកូនចៅក្នុងគ្រួសារ បង្កើនការយល់ដឹង អនាម័យបរិស្ថាន ផ្ទះសម្បែងឱ្យបានស្អាត និងចូលរួមការពារបរិស្ថានបរិវេណផ្ទះ ស្អាត ធានាឱ្យបានខៀវ-ជ្រះ-ស្អាតជានិច្ច។

     ដោយមានវិធីសាស្រ្តធ្វើយ៉ាងសកម្ម ច្នៃប្រតិដ្ឋទម្រង់ "ស្អាតពីផ្ទះចេញដល់ផ្លូវ "របស់សាខាសមាគមនារីភូមិ បាស្រែ (អា) នាំមកនូវផលប្រយោជន៍ជាក់ស្តែង។ ជាលទ្ធផល មានគ្រួសារសមាជិកា ៩២/៩២ បានទទួលស្គាល់ជាគ្រួសារគ្មាន ០៥ យ៉ាងស្អាត ០៣ យ៉ាង៕

អត្ថបទ‑រូបថត៖ សុជា