ស្រុកថ្កូវខិតខំអនុវត្តសម្រេចកម្រិតផែនការបង្កើនអ្នកចូលរួមគាំពារសុខាភិបាលឆ្នាំ ២០២២

       បងគឹមង៉ុកស្វឹង នៅភូមិផ្សារ ឃុំតឹងស៊ើងបានឲ្យដឹងថា បច្ចុប្បន្ន គ្រួសារគាត់មានសមាជិក ៦/៩ នាក់មានគាំពារសុខាភិបាល ក្នុងនោះ មានកុមារ ០៣ រូបបានរដ្ឋឧបត្ថម្ភ និងសមាជិក ០៣ នាក់ទៀតបានទិញគាំពារសុខាភិបាល។ អាស្រ័យស្ថានភាពគ្រួសារជួបការលំបាក ចំណាយទិញឲ្យសមាជិក ០៣ រូបទៀតខ្ពស់ ម៉្លោះហើយគ្មានប្រាក់សម្រាប់ទិញគាំពារសុខាភិបាលឲ្យសមាជិកក្នុងគ្រួសារគ្រប់គ្នា គឺអាទិភាពចំពោះតែអ្នកដែលមានវ័យចាស់ អ្នកមានជំងឺ។ បងស្វឹងឲ្យដឹងបន្ថែម៖ គ្រួសារមានតែដីស្រែ ០៥ កុង ប៉ុន្តែផលិតស្រូវមិនសូវមានផល គ្មានចំណេញ ម៉្លោះហើយ ជះឥទ្ធិពលដល់ការទិញគាំពារសុខាភិបាលឲ្យសមាជិកក្នុងគ្រួសារ។

ប្រជាជនរង់ចាំពិនិត្យជំងឺ។ រូបថត៖ តឹងតាយ

      ដើម្បីអនុវត្តសម្រេចកម្រិតផែនការដែលថ្នាក់ស្រុកប្រគល់ឲ្យក្នុងឆ្នាំ ២០២២ នេះ គណៈចង្អុលការចលនាគាំពារសុខាភិបាលឃុំតឹងស៊ើង បានចាត់តាំងផ្សព្វផ្សាយ ចលនាប្រជាជនចូលរួមគាំពារសុខាភិបាលដោយវិធីសាស្រ្តជាច្រើនហើយប្រគល់កម្រិតផែនការចលនា បង្កើនអ្នកចូលរួមគាំពារសុខាភិបាលដល់អង្គការមហាជន បណ្ដាភូមិ សាលារៀននីមួយៗ ខិតខំឲ្យមានសិស្ស ១០០% បានចូលរួមគាំពារសុខាភិបាល សាលារៀនកើន ១៥% ប្រៀបជាមួយឆ្នាំសិក្សាកន្លង។

      អ្នកស្រីតាំងធីថឹម អនុប្រធានគណៈកម្មាធិការប្រជាជនស្រុកថ្កូវឲ្យដឹង៖ គិតដល់ថ្ងៃទី ៣១ ខែកក្កដា ឆ្នាំ ២០២២ ទូទាំងស្រុកមានមនុស្សចំនួន ១០៩.០៨២ នាក់ចូលរួមគាំពារសុខាភិបាល ថយចុះ ៣៩.០០០ នាក់ ប្រៀបជាមួយឆ្នាំ ២០២១។ អត្រាគ្របដណ្ដប់គាំពារសុខាភិបាល ប្រៀបជាមួយចំនួនប្រជាជនសម្រេច ៧៣,៩% និងសម្រេច ៧៤,៨% ប្រៀបជាមួយកម្រិតផែនការដែលគណៈកម្មាធិការបក្សស្រុកប្រគល់ឲ្យក្នុងឆ្នាំ ២០២២។ ក្នុងនោះបណ្ដាឃុំអនុវត្តសម្រេចខ្ពស់ប្រៀបជាមួយកម្រិតផែនការដែលគណៈកម្មាធិការបក្សស្រុកប្រគល់ឲ្យនោះ គឺឃុំង៉ាយស្វៀងសម្រេច ១២៣% ហាមយ៉ាង ១១៨% តឹបស៊ើង ៧៧,៦% ឡុងហ៊ីប ៧៧១%។ បច្ចុប្បន្ន នៅមាន ០២ ឃុំ អត្រាសម្រេចទាប គឺថាញ់ស៊ើងសម្រេចបានតែ ៥៧,៦% និងតឹងហ៊ីប សម្រេចតែ ៥៩,៣%។ វាយតម្លៃអំពីមូលហេតុដែលជះឥទ្ធិពលដល់ការបង្កើនអ្នកចូលរួមគាំពារសុខាភិបាល អ្នកស្រី តាំងធីថឹមបានឲ្យដឹង៖ មានមូលហេតុជាច្រើន ប៉ុន្តែភាគច្រើនអាស្រ័យអនុវត្តសេចក្ដីសម្រេចចិត្តលេខ ៨៦១/QĐ -TTg ចុះថ្ងៃទី ០៤ ខែមិថុនា ឆ្នាំ ២០២១ របស់នាយករដ្ឋមន្រ្តីនៃរដ្ឋាភិបាលស្ដីពីការផ្ដល់សច្ចាប័នបញ្ជីរាយនាមបណ្ដាឃុំតំបន់លេខ ៣ តំបន់លេខ ២ តំបន់លេខ ១ ស្ថិតក្នុងតំបន់ជនរួមជាតិភាគតិច និងតំបន់ភ្នំ ដំណាក់កាល ២០២១- ២០២៥ យោងតាមនោះ នៅលើភូមិសាស្រ្តស្រុកមាន ១២ ឃុំ សម្រេចលក្ខឋានឃុំជនបទថ្មីដោយមានប្រជា ជនជាង ៨៨.០០០ នាក់គ្មានបានថវិការដ្ឋឧបត្ថម្ភទិញគាំពារសុខាភិបាលទៀត។ ទន្ទឹមនឹងនោះ ប្រជាជនមួយចំនួនធំនៅមានការសំអាងទន្ទឹងរង់ចាំការឧបត្ថម្ភរបស់រដ្ឋ ម៉្លោះហើយស្ថានភាពបង្កើនអ្នកចូលរួមគាំពារសុខាភិបាលក្នុង ០៧ ខែដើមឆ្នាំ ២០២២ ជួបការលំបាកច្រើន។

     អំពីបណ្ដាវិធីសាស្រ្តបង្កើនអ្នកចូលរួមគាំពារសុខាភិបាលក្នុងបណ្ដាខែចុងឆ្នាំ ២០២២ អ្នកស្រីតាំងធីថឹម អនុប្រធានគណៈកម្មាធិការប្រជាជនស្រុកបានឲ្យដឹងថា ស្រុកនឹងផ្លាស់ប្ដូរវិធីសាស្រ្តផ្សព្វផ្សាយតាមទិសដៅសមស្របជាមួយនឹងក្រុម មុខសញ្ញានីមួយៗ ដើម្បីប្រជាជនយល់ច្បាស់អំពីអត្ថន័យនៃការចូលរួមគាំពារសុខាភិបាលដែលបក្ស និងរដ្ឋបានដាក់ចេញ។ ផ្សព្វផ្សាយអនុវត្តល្អសេចក្ដីសម្រេចចិត្តលេខ ៥៤៦/QĐ-TTg ចុះថ្ងៃទី ២៩ ខែមេសា ឆ្នាំ ២០២២ របស់នាយករដ្ឋមន្រ្តីនៃរដ្ឋាភិបាលស្ដីពីការប្រគល់កម្រិតផែនការអនុវត្តការគ្របដណ្ដប់គាំពារសុខាភិបាលដំណាក់កាល ២០២២-២០២៥ និងសេចក្ដីសម្រេចចិត្តលេខ ១២/២០២០/NQ-HĐND ចុះថ្ងៃទី ០៩ ខែវិច្ឆិកា ឆ្នាំ ២០២០ របស់ក្រុមប្រឹក្សាប្រជាជនខេត្តត្រាវិញស្ដីពីការកំណត់កម្រិតឧបត្ថម្ភវាល់គាំពារសុខាភិបាលដល់មុខសញ្ញាមួយចំនួនលើភូមិសាស្រ្តខេត្តត្រាវិញ ដំណាក់កាល ២០២១ -២០២២។ បង្កើនការងារត្រួតពិនិត្យការអនុវត្តន៍បណ្ដាសេចក្ដីកំណត់របស់ច្បាប់ចំពោះ បណ្ដាអាជីវកម្មស្ដីពីគាំពារសុខាភិបាលសម្រាប់ពលករ។ ចង្អុលការឲ្យបណ្ដាអង្គការចាត់តាំងផ្សព្វផ្សាយគោលនយោបាយគាំពារសុខាភិបាលក្នុងកងជួរកម្មាភិបាល គ្រូបង្រៀន សិស្សានុសិស្ស ដើម្បីបង្កបានការព្រមព្រៀងខ្ពស់របស់គ្រូបង្រៀន ឪពុកម្ដាយសិស្សក្នុងការចូលរួមគាំពារសុខាភិបាលសម្រាប់សិស្ស។ ទន្ទឹមនឹងនោះ នឹងយកកម្រិតផែនការបង្កើនចំនួនសិស្សចូលរួមគាំពារសុខាភិបាលបញ្ចូលទៅក្នុងកម្រិតផែនការប្រឡងប្រណាំងរាល់ឆ្នាំចំពោះថ្នាក់ដឹកនាំសាលា និងគ្រូបង្រៀន។ អ្នកស្រីតាំងធីថឹមក៏បានសំណូមពរឲ្យប្រធានគណៈកម្មាធិការប្រជាជនបណ្ដាឃុំ ទីប្រជុំជនបន្តការពិនិត្យឡើងវិញរាល់មុខសញ្ញា រួចបង្កើតបញ្ជីរាយនាមអ្នកដែលមិនទាន់ចូលរួមគាំពារសុខាភិបាលដើម្បីមានវិធានការឧបត្ថម្ភទាន់ពេល។ ទន្ទឹមនឹងនោះកសាង និងពង្រីកទូលាយបណ្ដាទម្រង់ប៉ិនប្រសប់ការងារប្រជាចលនា “បង្កើនអ្នកចូលរួមគាំពារសុខាភិបាល គាំពារសង្គមស្ម័គ្រចិត្ត ប្រញាប់ពិនិត្យឡើងវិញគ្រួសារប្រកបរបរកសិកម្មដែលមានកម្រិតជីវភាពមធ្យមដើម្បីចលនាចូលរួមគាំពារសុខាភិបាល និងឧបត្ថម្ភតាមសេចក្ដីសម្រេចចិត្តលេខ ១២ របស់ក្រុមប្រឹក្សាប្រជាជនខេត្ត។ ប្រគល់ឲ្យបណ្ដាផ្នែក អង្គការ មហាជនឃុំ ទីប្រជុំជនចលនា ឧបត្ថម្ភទិញគាំពារសុខាភិបាលជូនដល់មុខសញ្ញាដែលមានស្ថានភាពលំបាកគ្មានលទ្ធភាពទិញគាំពារសុខាភិបាល៕

                     តឹងតាយ-ថាច់ហ្វាង