សមាគមអតីតយុទ្ធជនស្រុកកូវកែ៖ សកម្មភាពជាក់ស្តែងជាច្រើនដើម្បីចូលរួមជ្រោមជ្រែងទិវាបរិស្ថានពិភពលោក

លោក ឡេហ្វាងអាយ ប្រធានសមាគមអតីតយុទ្ធជនស្រុកកូវកែបានឲ្យដឹងថា៖ទិវាបរិស្ថានពិភពលោកឆ្នាំ ២0២២ បានកម្មវិធីបរិស្ថាននៃអង្គការសហប្រជាជាតិ(UNEP) បំផុសចលនាដោយមានប្រធានបទ“ផែនដីមានតែមួយ”ដើម្បីបង្ហាញពីខ្លឹមសារអនុសាសន៍ចូលរួមកសាងរបៀបរស់នៅស្ថិរភាពសម្របសម្រួលតាមធម្មជាតិប្រើប្រាស់ធនធានធម្មជាតិពហុសណ្ឋានជីវសាស្រ្ត និងសម្របសម្រួលតាមអាកាសធាតុប្រែប្រួលតាមរយៈគោលនយោបាយសកម្មភាពឆ្ពោះទៅកាន់របៀបរស់នៅជ្រះស្អាតជាងទៀត។ តាមរយៈនោះ ក្នុងខែមិថុនា ឆ្នាំ ២0២២ សមាគមបានផ្តុំការងារផ្សព្វផ្សាយខ្លឹមសារសំខាន់ៗដូចជា៖ ផ្សព្វផ្សាយបណ្តាវិធានការដើម្បីកែលម្អគុណភាពបរិស្ថានការពារសុខភាពប្រជាជនពង្រីកសេដ្ឋកិច្ចភ្ជាប់ជាមួយនឹងការពារបរិស្ថានសម្របសម្រួលនឹងអាកាសធាតុប្រែប្រួលចលនាសមាជិកនិងប្រជាជនឱ្យចូលរួមប្រមូលបែងប្រភេទ វិនិច្ឆ័យកាកសំណល់សំរាមជ័រនៅនឹងកន្លែងចាត់តាំងចេញទ័ពអនាម័យបរិស្ថានដាំដើមឈើ។ល។

ប្រជាជនឃុំចូវដៀង​ចូលរួមអនាម័យបរិស្ថាន។

ចូលរួមជ្រោមជ្រែងទិវាបរិស្ថានពិភពលោកនិងខែសកម្មភាពដើម្បីបរិស្ថានឆ្នាំ ២0២២ សមាគមអតីតយុទ្ធជនស្រុកបានកសាងផែនការជាក់ស្តែង ដើម្បីចង្អុលការសមាគមអតីតយុទ្ធជនគ្រប់លំដាប់ថ្នាក់ក្នុងស្រុកចាត់តាំងបណ្តាសកម្មភាពជាក់ស្តែងដើម្បីចូលរួមជ្រោមជ្រែងទិវាបរិស្ថានពិភពលោកឆ្នាំ ២0២២។ តាមរយៈនោះ សមាគមអតីតយុទ្ធជនឃុំចូវដៀងស្រុកកូវកែបានផ្សព្វផ្សាយ អនុវត្តសកម្មភាពជាក់ស្តែងជាច្រើនក្នុងការងារការពារបរិស្ថានដូចជា៖ ផ្សព្វផ្សាយចលនាប្រជាជនបង្កើនការយល់ដឹងអំពីការផលិតកសិកម្មភ្ជាប់ជាមួយនឹងការពារបរិស្ថានអាទិភាពប្រើប្រាស់សម្ភារដែលមិនជះឥទ្ធិពលដល់បរិស្ថាន។ មានដំណើរការចាត់តាំងប្រមូល បែងប្រភេទ វិនិច្ឆ័យកាកសំណល់នៅនឹងកន្លែងពង្រីកទម្រង់ប្រសិទ្ធភាពនៅក្នុងសហគមន៍ប្រជាជន។ល។

លោកស៊ើងឡឹម ប្រជាជននៅភូមិអូរទទឹងអា ឃុំចូវដៀងបានឲ្យដឹងថា៖ បច្ចុប្បន្នផ្លូវថ្នល់ជនបទរដ្ឋវិនិយោគសាងបានស្អាតស្អំតភ្ជាប់ពីភូមិមួយទៅភូមិមួយសម្រាប់ប្រជាជនធ្វើដំណើរនិងដឹកជញ្ជូនមុខទំនិញបានងាយស្រួល។ ឃើញដងផ្លូវបានស្អាតរួមជាមួយនឹងសមាជិកអតីតយុទ្ធជនគ្រប់លំដាប់ថ្នាក់ផ្សព្វផ្សាយអំពីការងារការពារបរិស្ថានផងនោះ ញ៉ាំងឲ្យខ្ញុំយល់ច្បាស់អំពីការងារការពារបរិស្ថានប្រសិនបើមានអ្នកដំណើរចោលសំរាមតាមដងផ្លូវឬពេលមានមែកឈើដុះស៊ុមទ្រុមបាំងផ្លូវខ្ញុំក៏ឆ្លៀតពេលរួមជាមួយមាមីងក្នុងភូមិ និង​មិត្តភក្តិ​របស់​ខ្ញុំ​ កាប់ឆ្ការ បោស​សម្អាតផ្លូវ។ ទោះបីខ្ញុំទៅធ្វើការងារយួរកំបោរជារៀងរាល់ថ្ងៃក្តី ប៉ុន្តែខ្ញុំក៏ឆ្លៀតពេលថ្ងៃសម្រាកការងារចូលសម្អាតផ្លូវជាមួយមាមីងក្នុងភូមិដែរ។ ប្រសិនបើសប្តាហ៍ណាខ្ញុំរវល់ការងារសំខាន់មិនចូលរួមបានខ្ញុំក៏ស្ម័គ្រចិត្តគបវាល់ប្រាក់ដើម្បីទិញទឹកផឹកជូនមាមីងដែលចូលរួមអនាម័យបរិស្ថានផងដែរ។

លោកស៊ើងខើយ ប្រធានសមាគមអតីតយុទ្ធជនឃុំចូវដៀងបានឲ្យដឹងថា៖ សមាជិកសមាគមអតីតយុទ្ធជនឃុំជាង ២៥០ នាក់និងប្រជាជនរួមក្នុងឃុំចូវដៀងតែងបង្កើនការយល់ដឹងអំពីការរក្សាអនាម័យបរិស្ថាន។ បច្ចុប្បន្នមិនត្រឹមតែទិវាបរិស្ថានពិភពលោកប៉ុណ្ណោះទេបណ្តាសកម្មភាពការពារបរិស្ថានបានក្លាយជាទម្លាប់ក្នុងការរស់នៅប្រចាំថ្ងៃរបស់ប្រជាជនទាំងមូលរួចហើយ។ ម្ល៉ោះហើយទោះបីថ្ងៃធម្មតាមានការមមាញឹកនឹងការងារក៏ដោយប៉ុន្តែនៅថ្ងៃសៅរ៍ និងថ្ងៃអាទិត្យមាមីងក្នុងឃុំតែងឆ្លៀតពេលចូលរួមអនាម័យបរិស្ថាននៅតាមភូមិបានល្អ។ ជាពិសេសក្លឹបបរិស្ថាននៃសាខាសមាគមអតីតយុទ្ធជនបណ្តាភូមិក៏ធ្វើសកម្មភាពមានប្រសិទ្ធភាពក្នុងការផ្សព្វផ្សាយ ដើម្បីមាមីងបង្កើនស្មារតីទទួលខុសត្រូវក្នុងការងារការពារបរិស្ថាន។

អំពីខ្លឹមសារ អនុសាសន៍ទិវាបរិស្ថានពិភពលោកឆ្នាំ ២០២២ លោកឡេហ្វាងអាយប្រធានសមាគមអតីតយុទ្ធជនស្រុកកូវកែបានឲ្យដឹងបន្ថែមថា៖ ខ្លឹមសារនៃទិវាបរិស្ថានពិភពលោកគឺ ដើម្បីអំពាវនាវ​ប្រទេស​នីមួយៗ​ចូល​រួម​ធ្វើ​សកម្មភាព​ជាក់ស្តែងដើម្បី​ធម្មជាតិនិង​ផែនដី។ ដើម្បីរួមចំណែកអនុវត្តល្អប្រធានបទ “ផែនដីមានតែមួយ” យើងទាំងអស់គ្នាគប្បីធ្វើការងារជាក់ស្តែងណានីមួយតាំងពីការងារប្រចាំថ្ងៃដូចជា៖ បោសសម្អាតបរិស្ថានប្រមូលសំ រាមធានាធ្វើឱ្យផ្លូវថ្នល់បានជ្រះស្រឡះ និងស្រស់ស្អាតជានិច្ច៕  

អត្ថបទ‑រូបថត៖ សុជា