សមាគមអតីតយុទ្ធជនឃុំម៉ីចាញ់៖ ពង្រីកប្រសិទ្ធភាព "ក្រុមហ៊ុនទុនឧបត្ថម្ភគ្នាពង្រីកសេដ្ឋកិច្ចគ្រួសារ"

          ទន្ទឹមនឹងការបំពេញភា​រកិច្ចនយោបាយ កម្មាភិបាល សមាជិកសមាគម អតីតយុទ្ធជនឃុំម៉ីចា​ញ់ស្រុកចូវថាញ់​ នៅទាំងសកម្មក្នុងការចលនាសមាជិកឧបត្ថម្ភគ្នាពង្រីកកា​រផលិត ដោយមានរូបភាពជាច្រើន ក្នុងនោះបង្កើតបាន "ក្រុមហ៊ុនទុនឧបត្ថម្ភគ្នាពង្រីកសេដ្ឋកិច្ចគ្រួសារ" នាំមកនូវប្រសិទ្ធភាពជាក់ស្តែង។

          សមាគមអតីតយុទ្ធជនឃុំ ម៉ីចាញ់មានសមាជិក ២0៤ នាក់ ក្នុងនោះសមាជិកជនជាតិខ្មែរ៣៦ នាក់។ ផ្តើមពីមនោសញ្ចេតនាមិត្តរួមអាវុធកាលពីឆ្នាំ២០០០ សមាគមអតីតយុទ្ធជនឃុំ បង្កើត "ក្រុមហ៊ុនទុនឧបត្ថម្ភគ្នាពង្រីកសេដ្ឋកិច្ចគ្រួសារ"។ ក្រុមនេះបង្កើតឡើងដោយស្មារតីស្ម័គ្រចិត្តរបស់សមាជិក។ អំពីទ្រង់ទ្រាយហ៊ុនប្រាក់ទុន មាន​សា​ខា​សមាគមខ្លះ ៦ខែចូលរួមប្រាក់ម្តងខ្លះចូលរួមប្រចាំខែក្នុងមួយលើករួមប្រាក់ពី ៥០-១០០ពាន់ដុង សា​ខា​សមាគមខ្លះចូលរួម ៥០០ ពាន់ដុងក្នុងមួយលើកក៏មាន។ គិតមកទល់ពេលនេះ សមាគមអតីតយុទ្ធជនឃុំមានសមាជិក ១៥៧ នាក់ ចូលរួម “ក្រុមឧបត្ថម្ភគ្នាពង្រីកសេដ្ឋកិច្ចគ្រួសារ” សរុបប្រាក់ទុនជិត ២០០ លានដុង។ តាំងពីដើមឆ្នាំ ២0២២មកទល់បច្ចុប្បន្ន បណ្តាសា​ខាសមាគមបង្កលក្ខណៈឲ្យសមាជិក ៥0 នាក់ខ្ចីដើមទុន មធ្យមភាគសមាជិកម្នាក់ទទួលបានប្រាក់ពី ០៥-១0 លានដុង ក្នុងរយៈពេល ០៦ ខែសងប្រាក់ដើមវិញ (គ្មានយកប្រាក់កា​រ)។ ថ្វីត្បិតប្រាក់ទុននោះមិនច្រើន ប៉ុន្តែអាចបង្កលក្ខណៈឲ្យសមាជិកវិនិយោគក្នុងការចិញ្ចឹមសត្វ និងទិញជីសម្រាប់ផលិត។

លោកត្រឹងវ៉ាំងដេរ​(ខាងឆ្វេង) សំណេះសំណាលជាមួយលោកមា ថាច់សារិន្ទ អំពីទម្រង់ចិញ្ចឹមគោ។

            ឆ្នាំ ២0១៩ គ្រួសារលោកមាថាច់ស៊ើង សមាជិកសាខាសមាគមអតីតយុទ្ធជនភូមិដំរីឆ្លងបានសមាគមអតីតយុទ្ធជនឃុំម៉ីចាញ់បង្កលក្ខណៈឲ្យបុលទុន២0 លានដុងនិងខ្ចីដើមទុនពីក្រុមហ៊ុនទុនចំនួន ០៥ លានដុង។ គ្រួសាររបស់គាត់បានវិនិយោគក្នុងការចិញ្ចឹមមាន់លែងក្នុងចម្ការ និងទិ​ញគោញី ០១ ក្បាលមកចិញ្ចឹមផងដែរ។ លោកមា ថាច់ ស៊ើងបានឲ្យដឹងថា៖អា​ស្រ័យបានការបង្កលក្ខណៈរបស់សមាគម ឲ្យខ្ញុំបុលទុនផង ខ្ចីដើមទុនពីក្រុមហ៊ុនទុនផង ទើបគ្រួសារខ្ញុំឆ្លងផុតពីការលំបាក និងបានធូរធាដូចបច្ចុប្បន្ន​​​​​​​​​​។ តាំងពីឆ្នាំ ២0១៩​​មកទល់ពេលនេះ គ្រួសារខ្ញុំចិញ្ចឹមមាន់មធ្យមក្នុងមួយលើកៗ៤00 ក្បាល (ក្នុងមួយឆ្នាំចិញ្ចឹម ០២ លើក)ទូទាត់ខ្ទង់ចំណាយរួច នៅចំណេញពី 0៤- 0៥ លានដុង ក្នុងមួយលើក។ សព្វថ្ងៃនេះ គ្រួសារ​ខ្ញុំ​មាន​គោ​ទាំងអស់ ០៤​ក្បាល លក់​អស់ ០២ ក្បាល​ដើម្បី​សងប្រាក់​ធនាគារ និងលៃលកប្រើប្រាស់ក្នុង​ជីវភាព។ បច្ចុប្បន្ន ​គ្រួសារខ្ញុំគ្មាន​ជំពាក់បំណុល​ធនាគារ​ទៀតឡើយ ជីវភាពក៏បានធូរធាគ្រាន់បើដែរ។

          សមាជិក ថាច់ សារិន្ទ ក៏បានសមាគម យកចិត្តទុកដាក់បង្កលក្ខណៈឲ្យបុលទុន និងខ្ចីប្រាក់ទុនពីក្រុមហ៊ុនទុន។ លោកមាសារិន្ទបានឲ្យដឹងថា៖ឆ្នាំ ២០០៨ គ្រួសារខ្ញុំ បានរដ្ឋអំណាចឧបត្ថម្ភផ្ទះឧបការគុណ ០១ ខ្នង តម្លៃ ២៥ លានដុង រួមជាមួយប្រាក់សន្សំសំចៃផងនោះ គ្រួសារខ្ញុំក៏សង់បានផ្ទះតម្លៃជាង ៧៥លានដុង។ ឆ្នាំ ២០១៦ សមាគម អតីតយុទ្ធជនឃុំ បង្កលក្ខណៈឲ្យបុលទុន​ ៣០ លានដុងពីធនាគារគោលនយោបាយស្រុកដើម្បីចិញ្ចឹមគោ។ ទន្ទឹមនឹងនោះ សមាគមបានស្នើគម្រោងការAMD ត្រាវិញឧបត្ថម្ភគ្រួសារទិញមាន់៣00 ក្បាល និងឲ្យខ្ចីប្រាក់ពីក្រុមហ៊ុនទុន ០៥ លានដុងទៀត។ បានដើម​ទុននោះមកខ្ញុំជួលដីស្រែ ០២ កុងដាំ​ស្មៅ​ចិញ្ចឹម​គោ។ មកទល់ពេលនោះ គ្រួសារខ្ញុំមានគោ ០៧ក្បាល លក់អស់ ០២ក្បាល នៅគោញី ០៥ក្បាល ក្នុងនោះមានគោញី ០១ក្បាល ជិតកើតកូន។

លោកត្រឹងវ៉ាំងដេរ​(ខាងស្តាំ) សំណេះសំណាលជាមួយលោកមា ថាច់សារិន្ទ អំពីទម្រង់ដាំឈើហូបផ្លែ។

          លោកត្រឹងវ៉ាំងដេរ អនុប្រធានសមាគម អតីតយុទ្ធជនឃុំ ម៉ីចាញ់មានប្រសាសន៍ថា៖ បច្ចុប្បន្ន សមាគមមានគ្រួសារសមាជិកជិតក្រ ០៣ គ្រួ។ គណៈប្រតិបត្តិការសមាគមអតីតយុទ្ធជនឃុំបានស្វែងយល់អំពីស្ថានភាពគ្រួសាររបស់សមាជិករួចរកវិធីឧបត្ថម្ភឲ្យសមស្រប ក្នុងនោះមានចលនាសមាជិកឲ្យចូលរួម "ក្រុមហ៊ុនទុនឧបត្ថម្ភគ្នាពង្រីកសេដ្ឋកិច្ចគ្រួសារ" ។ សមាជិកភាគច្រើនដែលចូលរួមក្រុមហ៊ុនទុនបានប្រើប្រាស់ប្រាក់ទុនត្រូវតាមគោលដៅ វិនិយោគក្នុងការពង្រីកសេដ្ឋកិច្ចគ្រួសារមានប្រសិទ្ធភាព រួមចំណែកលើកស្ទួយជីវភាពសម្ភារ និងស្មារតីរបស់សមាជិកនៅមូលដ្ឋានបានរីកចម្រើន។ ដើម្បីបន្តការពង្រីកលទ្ធផលដែលសម្រេចបាន សមាគមបន្តការចលនាសមាជិកទាំងអស់ឲ្យចូលរួម "ក្រុមហ៊ុនទុនឧបត្ថម្ភគ្នាពង្រីកសេដ្ឋកិច្ចគ្រួសារ" ដើម្បីបង្កើនប្រាក់ទុនឧបត្ថម្ភសមាជិកពង្រីកការផលិត កែលម្អជីវភាពឲ្យបានប្រសើរជាងទៀត៕

អត្ថបទ‑រូបថត៖ សុជា