សមាគមនារីឃុំ តឹងហ្វា៖ ជាមួយនឹងចលនា "ទទួលឧបត្ថម្ភសមាជិកាដែលមានស្ថានភាពលំបាក"

     សមាគមសហព័ន្ធន៍នារីឃុំតឹងហ្វា មាន​សមាជិកា ១.៣២៦ នាក់ ក្នុង​នោះ​សមាជិកាខ្មែរ ៣៥% ។ ជារៀងរាល់ឆ្នាំ សមាគមបានដាក់​កម្រិតផែនការច្បាស់លា​ស់ដើម្បីឧបត្ថម្ភសមាជិកាដែលមាន​ស្ថានភាពលំបាក។ ដើម្បីអនុវត្តចលនានោះឱ្យបានល្អ សមាគម ចង្អុលការសាខាសមាគមក្នុងឃុំ ​ស្វែងយល់អំពីជីវភាពគ្រួសារ សមាជិកាដែលមានស្ថានលំបាក ដែលសា​ខាសមាគមទទួលឧបត្ថម្ភ (សាខាសមាគមនីមួយៗទទួលឧបត្ថម្ភយ៉ាងតិចសមាជិកាក្រីក្រ ០២ នាក់) រួចរាយការណ៍ជូនសមាគមថ្នាក់លើឧបត្ថម្ភទុនសម្រាប់ពង្រីកសេដ្ឋកិច្ច ណែនាំអនុវត្តបច្ចេកទេសក្នុងការចិញ្ចឹមសត្វ ដាំដុះសមស្របតាមស្ថានភាពជាក់ស្តែងនៃគ្រួសារសមាជិកាម្នាក់ៗ។ ឆ្នាំ ២០២២ សមាគម សហការជាមួយកម្មាភិបាលមូលនិធិឧបត្ថម្ភនារី ខេត្ត  រំសាយទុនជាង ១,៥ ពាន់លានដុង ដោះស្រាយជូនសមាជិកា ១១២ នាក់បុល ក្នុងនោះមានសមាជិកាដែលមានស្ថានភាពលំបាក ៣៣ នាក់។

សមាជិកាគឹមធីធីតា(ខាងស្តាំ) កំពុងលក់ដូ​រ។

     សាខា​សមាគមភូមិ កឹងទីវមាន​សមាជិកា​ ១០១ នាក់ ក្នុង​នោះ​ សមាជិកា​ខ្មែរ ៩៥ នាក់។ ឆ្នាំ ២០២២សា​ខា មានសមាជិកា០៤ នាក់មានជីវភាពធូរធា។ ដើម្បីរួមចំណែកបង្កលក្ខណៈឲ្យសមាជិកាមានដើមទុន សម្រាប់ទិញមធ្យោបាយសម្រាប់ធ្វើដំណើរទៅមក ឆ្នាំ ២០១៥ សា​ខាសមាគមបានចលនាសមាជិកាបង្កើតទម្រង់ “ហ៊ុនទុនទិញម៉ូតូ” ដោយមានសមាជិកា ១៤ នាក់ចូលរួម ។ របៀប​ហ៊ុនទុនគឺ ក្នុងមួយរដូវស្រូវហ៊ុនប្រាក់ ​០២ ​លាន​ដុង រួចចាត់តាំងចាប់ឆ្នោត ទទួលប្រាក់ ។ ដែលហៅថា ហ៊ុនទុនទិ​ញម៉ូតូ មែនប៉ុន្តែប្រសិនបើសមាជិកាមានម៉ូតូរួច ក៏វិនិយោគទុននោះសម្រាប់ទិញគោ ឬពង្រីកកា​រផលិតសមស្របតាមស្ថានភាពជាក់ស្តែងរបស់គ្រួសារ ។

     បងត្រឹងធីផុង ប្រធានសមាគមសហព័ន្ធន៍នារីឃុំតឹងហ្វាបានឱ្យដឹង៖ ដើម្បីបន្ដការអនុវត្ដន៍បណ្ដាចលនារបស់សមាគម ក្នុងនោះមានចលនា “ទទួលឧបត្ថម្ភនារីមា​ន​ស្ថានភាពលំបាក” ឆ្នាំ ២០២៣ គណៈអចិន្ដ្រៃយ៍សមាគមនារីឃុំតឹងហ្វា បន្ដការកសាង ផែនការឧបត្ថម្ភសមាជិកាដែលមាន​ស្ថានភាពលំបាកដើម្បីបងប្អូននារីទាំងនោះឆ្លងផុតពីការលំបាកធ្វើមាន​ធ្វើ​បាន។ សមាគមបន្តការផ្សព្វផ្សាយអនុវត្ដសេចក្ដីសម្រេចចិត្ដមហាសន្និបាតតំណាងសមាគមនារីគ្រប់លំដាប់ថ្នាក់ និងសេចក្ដីសម្រេចចិត្ដរបស់បក្ខភាគឃុំ និងចង្អុលការសាខាសមាគមនីមួយៗទទួលឧបត្ថម្ភនារីដែលមាន​ស្ថានភាពលំបាកក្នុងមួយឆ្នាំតិចបំផុត ០៣ នាក់ ជម្នះការលំបាកធ្វើមាន​ធ្វើបាន ដើម្បីរួមចំណែកជាមួយរដ្ឋអំណាចមូលដ្ឋានអនុវត្ដល្អការងារពង្រីកសេដ្ឋកិច្ចនៅមូលដ្ឋាន៕

អត្ថបទ-រូបថត៖សុជា