សមាគមជំរុញការសិក្សាស្រុកចូវថាញ់ជាមួយនឹងចលនាទទួលទំនុកបម្រុងសិស្ស

     ដើម្បីអនុវត្តល្អការងារឧបត្ថម្ភសិស្សចូលរៀនឆ្នាំសិក្សាថ្មីនេះ សមាគមជំរុញការសិក្សាឃុំ-ទី​ប្រជុំជនបានសហការជាមួយបណ្តាសាលារៀនក្នុងស្រុក ចាត់តាំងចលនាសមាគមឪពុកម្តាយសិស្ស គ្រូបង្រៀន និងសិស្សានុសិស្សឱ្យចូលរួមចលនាប្រិតសំចៃចិញ្ចឹមជ្រូកដីជំរុញការសិក្សា។ គិតមកទល់ដើមខែសីហាឆ្នាំ ២0២២ទូទាំងស្រុកមានសមូហភាព និងបុគ្គលចុះឈ្មោះចិញ្ចឹមជ្រូកដីជំរុញការសិក្សា១៩.000 ក្បាល  ។

អ្នកគ្រូវិញទ្វៃធ្វី ចាងហ្វាងសាលាអនុវិទ្យាល័យហ្វាធ្វឹង ទទួលថ្នាំ ម៉ាសជាដើម ពីសមាគមជំរុញការសិក្សាស្រុកចូវថាញ់។

      លោក ម៉ាយ​ថាញ់ហ៊ុងប្រធានសមាគមជំរុញការសិក្សាស្រុកចូវថាញ់បានឲ្យដឹងថា៖ បច្ចុប្បន្ននេះ សមាគមជំរុញការសិក្សាស្រុកសហការជាមួយបណ្តាសាលារៀនដើម្បីស្វែងយល់ពីស្ថានភាពសិស្សរួចធ្វើបញ្ជីរាយនាមដើម្បីជូនអាហារូបករណ៍ និងជូនអំណោយដល់សិស្សក្រីក្រជម្នះការលំបាក រៀនសូត្របានល្អនិងទទួលទំនុបម្រុងសិស្សដែលមានស្ថានភាពលំបាក។ ថវិកាសម្រាប់អនុវត្តការងារទាំងនេះ អាស្រ័យដោយគ្រូបង្រៀននៅបណ្តាសាលារៀន ឪពុកម្តាយសិស្ស និងអង្គការចាត់តាំងនានាចូលរួមឧបត្ថម្ភ។ បច្ចុប្បន្ន សមាគមជំរុញការសិក្សាស្រុក ចលនាអង្គការចាត់តាំង និងអាជីវកម្ម ១០ កន្លែងទទួលទំនុកបម្រុងសិស្ស ២៦ នាក់ ម្នាក់ៗទទួលបានប្រាក់ ៥០០ ពាន់ដុង ក្នុងមួយខែ។ ក្រៅពីនេះ សមាគមជំរុញការសិក្សាបណ្តាឃុំ-ទីប្រជុំជន នៅទាំងមមាញឹកក្នុងការចលនាបណ្តាសប្បុរសជន បណ្តាក្រុមហ៊ុន និងអាជីវកម្មនានា ចូលរួមជូនអាហារូបករណ៍ និងឧបត្ថម្ភដល់សិស្សក្នុងឱកាសបវេសនកាលឆ្នាំសិក្សាថ្មី ២០២២-២០២៣។

      ដើម្បីត្រៀមឧបត្ថម្ភសិស្សនាឆ្នាំសិក្សាថ្មី ២០២២-២០២៣ សមាគមជំរុញការសិក្សាឃុំ ហ្វាធ្វឹង ចលនាសមូហភាព និងបុគ្គលចិញ្ចឹមជ្រូកដីជំរុញការសិក្សាបាន ៩៥០ក្បាល។ អ្នកគ្រូវិញទ្វៃធ្វី ចាងហ្វាងសាលាអនុវិទ្យាល័យហ្វាធ្វឹងបានឲ្យដឹងថា៖ ដោយមានកិច្ចសហការល្អរបស់សមាគមជំរុញការសិក្សាឃុំ ជារៀងរាល់ឆ្នាំសិក្សានុសិស្សដែលមានស្ថានភាពលំបាករបស់សាលា ១៥% តែងបានទទួលអាហារូបករណ៍ និងសិក្ខូបករណ៍ពីសមាគមជំរុញការសិក្សាគ្រប់លំដាប់ថ្នាក់៕

ដំណឹង‑រូបថត៖សុជា