សម្ពោធស្ពានវត្តចម្បាបូរី នៅភូមិថាញ់ទ្រី បេ

     កាលពីថ្ងៃទី ០៤ ខែមេសា ព្រះចៅអធិការ គណៈអារាមាភិបាលវត្តចម្បាបូរី (ត្រោកលិច) សហការជាមួយគណៈកម្មាធិការបក្ស គណៈកម្មាធិការប្រជាជន គណៈកម្មាធិការ រណសិរ្សមាតុភូមិវៀតណាមឃុំដាឡុក និងទីប្រជុំជនចូវថាញ់ ស្រុកចូវថាញ់ មួយអន្លើដោយរដ្ឋអំណាច ភូមិថាញ់ទ្រី បេ ចាត់តាំងពិធីសម្ពោធស្ពានវត្តចម្បាបូរី នៅភូមិថាញ់ទ្រី បេ ។

បណ្តាតំណាងនិមន្ត និងអញ្ជើញចូលរួមពិធីកាត់ខ្សែបូស្ពានវត្តចម្បាបូរី។

     ស្ពានវត្តចម្បាបូរីបានកសាងនៅភូមិថាញ់ទ្រី បេ មានបណ្ដោយប្រវែង ៣៣ ម៉ែត្រ ទទឹងប្រវែង ១,៨ ម៉ែត្រ សរុបថវិកាកសាងជាង ៣៣០ លានដុង អាស្រ័យ​ព្រះតេជគុណ សឺននួនម៉ី ព្រះចៅ អធិការវត្តចម្បាបូរី (ទីប្រជុំជនចូវថាញ់) បវារណាព្រះសង្ឃ និងប្រជាពុទ្ធបរិស័ទ ចូលរួមវិភាគទានកសាង។ ស្ពានបានកសាងសម្រេចរួចដាក់ឲ្យប្រើប្រាស់បង្កលក្ខណៈជូនប្រជាជនជាង ៣០០ គ្រួសារនៅភូមិថាញ់ទ្រី បេ និងថាញ់ទ្រី អា ក៏ដូចជាប្រជាជននៅបណ្តាឃុំជិតខាង ធ្វើដំណើរទៅមក និងដឹកជញ្ជូនកសិផល ងាយស្រួល៕

ដំណឹង-រូបថត៖ សុជា