សម្ព័ន្ធយុវជនស្រុកកូវកែ៖ ចូលរួមគិតគូរអំពីលំនៅឋានជូនគ្រួសារក្រីក្រ

បងស្រីង្វៀងធីធ្វីវិញ មានយោបល់នាពិធីដំណើរការកសាងលំនៅឋានជូនគ្រួសារបងសម នៅភូមិអូរទទឹង(បេ)។

ជាច្រើនឆ្នាំកន្លង គ្រួសារមីងលឿងធីស៊ឺ (អាយុ ៨0 ឆ្នាំ) នៅភូមិ អាងហ្វាឃុំ អាងភូតឹង ក៏បាន​រដ្ឋឧបត្ថម្ភផ្ទះមេត្តាធម៌ដែ​រ ប៉ុន្តែបច្ចុប្បន្នផ្ទះនេះទ្រុឌទ្រោមហើយ។មីងស៊ឺ​នៅ​ជាមួយ​កូនប្រុស​ម្នាក់ សុខភាព​មិនសូវបានល្អ មិនអាច​ធ្វើការងារធ្ងន់បាន ទើប​ជីវភាពជួបការ​លំបាកច្រើន​។ យល់អំពីស្ថានភាពនោះ សម្ព័ន្ធយុវជនស្រុកកូវកែបានសហការជាមួយរដ្ឋអំណាចមូលដ្ឋានឧបត្ថម្ភប្រាក់ ៥០ លានដុងពីប្រភពថវិកាដែលលោកលេ​ខាបក្សស្រុកកូវកែចលនាក្រុមហ៊ុនភាគហ៊ុនវាយោអគ្គិសនីទ្រុងណាមត្រាវិញទី ១ឧបត្ថម្ភ ក៏បានឧបត្ថម្ភគ្រួសារមីងស៊ឺកសាងលំនៅឋានមួយខ្នងរឹងមាំ។

មីងស៊ឺបានឲ្យដឹងថា៖ ដោយបានការយកចិត្តទុកដាក់ ឧបត្ថម្ភរបស់រដ្ឋអំណាចគ្រប់លំដាប់ថ្នាក់ ការជួយជ្រោមជ្រែងរបស់ក្មួយៗយុវជន ពេលនេះខ្ញុំមានផ្ទះថ្មីទៀតហើយ។ ខ្ញុំមានវ័យចាស់ កូនមិនអាចធ្វើការងាររកប្រាក់បានប្រសិនបើមិនបានរដ្ឋអំណាចមូលដ្ឋាន និងក្មួយៗជួយឧបត្ថម្ភកសាងលំនោឋាននេះទេនៅពេលមានភ្លៀង ខ្យល់ម្តងៗ ខ្ញុំបារម្ភខ្លាំងណាស់។ ពេល​នេះ​ខ្ញុំ​មាន​ផ្ទះ​ថ្មី​រឹង​មាំហើយ ខ្ញុំ​សប្បាយ​ចិត្តនិងមានភាពកក់ក្តៅខ្លាំងណាស់។

ទទួលបានការឧបត្ថម្ភលំនៅឋានដូចគ្រួសារមីងស៊ឺដែរ គ្រួសារបង ថាច់ ធីសម នៅភូមិអូរទទឹង(បេ)ឃុំចូវដៀង ស្រុកកូវកែបានសម្ព័ន្ធយុវជនស្រុក ឧបត្ថម្ភលំនៅឋានសប្បុរសធម៌ មានតម្លៃ ៥០លានដុង ពីប្រភពថវិកាដែលលោកលេខាបក្សស្រុកកូវកែចលនាក្រុមហ៊ុន ឆ្នោតជាតិខេត្តត្រាវិញជូននៅពេលចាត់តាំងមហាសន្និបាតសម្ព័ន្ធយុវជនកុម្មុយនិស្តហូជីមិញស្រុកកូវកែលើកទី ១២ អាណត្តិកាល២0២២-២0២៧។ គ្រួសារបង ថាច់ធីសម ជា​គ្រួសារ​ក្រីក្រ​មួយ​កំពុងជួប​ការលំបាកពី​លំនៅឋាន។

រដ្ឋអំណាចមូលដ្ឋានចូលរួមពិធីដំណើរការកសាងលំនៅឋានជូនគ្រួសារបងសម នៅភូមិអូរទទឹង(បេ)។

បងសម​បែកពី​ប្តីយូរមកហើយ គាត់ម្នាក់ឯង​ចិញ្ចឹមកូន ០​២នាក់ ដោយរបរ​ស៊ីឈ្នួល។ ជីវភាពជួបការលំបាកច្រើន។ តាំងពីយូរ​មក​ គាត់តែងប្រាថ្នា​មាន​ផ្ទះ​រឹងមាំមួយខ្នង ប៉ុន្តែ​ចំពោះគាត់នោះគ្រាន់តែជាការប្រាថ្នាប៉ុណ្ណោះ ពីព្រោះជីវភាពខ្វះមុខ ខ្វះក្រោយធ្វើម្តេចសេសសល់ប្រាក់ដើម្បីសង់​លំនៅឋាន។ អាស្រ័យបានសម្ព័ន្ធយុវជនស្រុកស្នើឧបត្ថម្ភលំនៅឋានសប្បុរសធម៌ ពេលនេះក្តីប្រាថ្នារបស់បងសមបានក្លាយជាការពិត។

បង ថាច់ធីសមបានឲ្យដឹងថា៖ ទទួលបានដំណឹងពីរដ្ឋអំណាចមូលដ្ឋានប្រាប់ថា គ្រួសារខ្ញុំបានសម្ព័ន្ធយុវជនស្រុក ឧបត្ថម្ភលំនៅឋានសប្បុរសធម៌មួយខ្នងខ្ញុំសប្បាយចិត្តខ្លាំងណាស់ ។ ពេលនេះការប្រាថ្នារបស់ខ្ញុំបានក្លាយជាការពិតហើយ។ តាំងពីពេលនេះទៅមុខ គ្រួសារខ្ញុំមានផ្ទះថ្មីរឹងមាំ ខ្ញុំនឹងខិតខំធ្វើការសន្សំសំចៃដើម្បីកសាងជីវភាពគ្រួសារឲ្យបានធូរធា។

បងស្រី ង្វៀងធីធ្វីវិញ អនុលេខាសម្ព័ន្ធយុវជនស្រុកកូវកែបានឲ្យដឹងថា៖ ឧបត្ថម្ភគ្រួសារក្រីក្របានរីកចម្រើនទាំងសម្ភារ និងស្មារតីតែងបានរដ្ឋអំណាចគ្រប់លំដាប់ថ្នាក់យកចិត្តទុកដាក់ជានិច្ច ។ ក្នុងនោះ មានឧបត្ថម្ភអំពីលំនៅឋាន គឺជាការឧបត្ថម្ភដ៏សំខាន់​មិនត្រឹមតែជូនលំនៅឋានរឹងមាំប៉ុណ្ណោះទេ នៅទាំងផ្តល់នូវភាពកក់ក្តៅ ផ្តល់នូវកម្លាំងចិត្តរឹងមាំដល់មាមីង ដើម្បីមាមីងបន្តការកសាងជីវភាពបានរីកចម្រើន។

ទន្ទឹមនឹងចលនា ឧបត្ថម្ភកសាងលំនៅឋានជូនគ្រួសារក្រីក្រតាំងពីដើមឆ្នាំ ២០២២ មកទល់ពេលនេះ សម្ព័ន្ធយុវជនស្រុកនៅទាំងចលនាបណ្តាអង្គការ សប្បុរសជនក្នុង និងក្រៅស្រុកចូលរួមឧបត្ថម្ភជូនអំណោយជិត ៣00ចំណែក ក្នុងមួយចំណែកៗរួមមាន៖ គ្រឿងបរិភោគ និងប្រាក់ សរុបតម្លៃជាង ១៦0 លានដុង។ចាត់តាំងពិនិត្យសុខភាព ជូនថ្នាំ ព្យាបាលជំងឺដោយឥតគិតថ្លៃ ដល់អ្នកមានវ័យចាស់ មានស្ថានភាពលំបាករស់នៅម្នាក់ឯងចំនួន១០នាក់ ។ល។ នោះគឺជាទង្វើមនុស្សធម៌ មានអត្ថន័យយ៉ាងជ្រាលជ្រៅបញ្ជាក់អំពីទឹកចិត្តមេត្តារបស់សម្ព័ន្ធយុវជនស្រុក  “ជួយគ្នាក្នុងគ្រាមានអាសន្នអន្ធក្រ” ។ ឆ្លងតាមរយៈនោះបានរួមចំណែក​ជាមួយគណៈកម្មាធិការបក្ស រដ្ឋអំណាច​មូលដ្ឋាន អនុវត្តល្អការងារសុខុមាលភាព​សង្គម និងជួយជំរុញស្មារតីមាមីងក្រីក្រឱ្យខិតខំពុះពារដើម្បីកសាងជីវភាពរួចផុតពីភាពក្រីក្រស្ថិរភាព៕

        អត្ថបទ‑រូបថត៖សុជា