ស្ងើចសរសើរសមូហភាព បុគ្គលឆ្នើម ២០ កន្លែង និងរូបចូលរួមកម្មវិធី “ម្តាយទំនុកបម្រុង-សាយភាយក្ដីស្រឡាញ់”

               អញ្ជើញចូលរួម មានលោក ចូវមិញលិញ អនុប្រធានគណៈប្រជាចលនានៃគណៈកម្មាធិការបក្សខេត្តត្រាវិញ អ្នកស្រីគាងធីមិញង្វៀក សមាជិកាគណៈប្រតិបត្តិការបក្សខេត្ត ប្រធានសមាគមសហព័ន្ធន៍នារីខេត្ត អនុសាស្រ្តាចារ្យ បណ្ឌិត ង្វៀងភុកស៊ើង គ្រួបង្រៀនជាន់ខ្ពស់ផ្នែកសេដ្ឋកិច្ច សាលាសកលវិទ្យាល័យកឹងធើ ថ្នាក់ដឹកនាំបណ្តាអាជីវកម្ម សមាគមសហព័ន្ធន៍នារីបណ្តាស្រុក ទីផ្សាររួមខេត្ត ទីក្រុង។ល។

អ្នកស្រីត្រិញធីភឿង អនុប្រធានសមាគមសហព័ន្ធន៍នារីខេត្តត្រាវិញជូនបណ្ណ គាំពារសុខាភិបាល និងអំណោយដល់សិស្ស។ រូបថត៖ ហុងញុង

            ចូលរួមជ្រោមជ្រែងកម្មវិធី “ម្តាយទំនុកបម្រុង” ឧបត្ថម្ភថែទាំ ចិញ្ចឹមកុមារកំព្រាដោយសាររងឥទ្ធិពលដោយសារអាសន្នរោគជំងឺកូវីដ-១៩ និងស្ថានភាពលំបាកផ្សេងៗដែលមជ្ឈិមសមាគមសហព័ន្ធន៍នារីវៀតណាមបំផុសឡើងនោះ អចិន្ត្រៃយ៍សមាគមសហព័ន្ធន៍នារីខេត្តបានផ្សព្វផ្សាយ ដោយសកម្មភាពជាក់ស្តែងជាច្រើនដើម្បីឧបត្ថម្ភសម្ភារ និងស្មារតីដល់កុមារកំព្រា។ អស់រយៈកាល ០៨ ខែដែលបានអនុវត្តកម្មវិធីនេះ សមាគមសហព័ន្ធន៍នារីគ្រប់លំដាប់ថ្នាក់ក្នុងខេត្តបានទទួល ថែទាំ ឧបត្ថម្ភកុមារកំព្រា ៦០ រូបសរុបតម្លៃជិត ០១ ពាន់លានដុង។ ទន្ទឹមនឹងនោះ សមាគមគ្រប់លំដាប់ថ្នាក់នៅទាំងចលនាអំណោយបានជាង ១៧.៦៥០ ចំណែក គិតជាតម្លៃជិត ៥,៣ ពាន់លានដុង ដើម្បីគិតគូរដល់ការងារសុខុមាលភាពសង្គម ជាពិសេសគឺឧបត្ថម្ភនារី កុមារក្រីក្រត្រូវរងឥទ្ធិពលអាសន្នរោគកូវីដ-១៩។

            ដើម្បីកត់សម្គាល់ និងស្ងើចសរសើរដល់សមាគមគ្រប់លំដាប់ថ្នាក់ រួមជាមួយបណ្តាអង្គការចាត់តាំង បុគ្គលក្នុងកម្មវិធី “ម្តាយទំនុកបម្រុង-សាយភាយក្ដីស្រឡាញ់”នោះ សមាគមសហព័ន្ធន៍នារីខេត្តត្រាវិញបានជូនលិខិតសរសើរដល់ សមូហភាព ១៣ កន្លែងនិងបុគ្គល ០៧ រូបដែលបានរួមវិភាគទាន ជូនអាហារូបករណ៍ច្រើនចំណែក និងបណ្ណគាំពារសុខាភិបាលដល់សិស្សក្រីក្រ។

            នាឱកាសនេះ សមាគមសហព័ន្ធន៍នារីខេត្តចលនាបណ្តាអង្គភាព អង្គការចាត់តាំងជូនអាហារូបករណ៍ ៦០ ចំណែក (មួយចំណែកៗ ០១ លានដុង) និងបណ្ណគាំពារសុខាភិបាល ២០ បណ្ណ និងអំណោយ ២០ ចំណែក គិតជាតម្លៃជាង ៧៦ លានដុងដល់សិស្សកំព្រាត្រូវរងឥទ្ធិពលដោយអាសន្នរោគកូវីដ-១៩៕

ប្រែសម្រួល៖ តឹងង៉ុក