វត្តព្រលានមានជ័យសកម្មក្នុងការបង្រៀនអក្សរសាស្រ្តខ្មែរជូនសិស្សរដូវវិស្សមកាល

     នៅឃុំផុងថាញ់ មានវត្តព្រះពុទ្ធសាសនាគណៈមហានិកាយខ្មែរចំនួន០២ វត្ត ។ សិស្សខ្មែរក្នុងឃុំទៅ​រៀនអក្សរខ្មែររដូវវិស្សមកាលនៅ ០២ វត្ត ។ វិស្សមកាលឆ្នាំ២០២២ វត្តចុងព្រលានមានសិស្សានុសិស្សជិត១០០នាក់ ទៅរៀនអក្សរសា​ស្រ្តខ្មែរពីថ្នាក់ទី១ដល់ថ្នាក់ទី៤ កើនឡើង២០% បើប្រៀបនឹងរដូវវិស្សមកាលឆ្នាំ២០២១។ប្អូន ថាច់ ថាញ់ ជាសិស្ស​ប្រជាសិក្សាថ្នាក់​ទី​៣​​វត្ត​ចុង​ព្រលាន​បាន​ឲ្យដឹង​ថា​៖ “​ឆ្នាំ​សិក្សា​ថ្មី​ប្អូន​រៀន​ថ្នាក់​ទី​៨​។​ ក្នុង​​រដូវ​វិស្សមកាល​នេះ ប្អូន​ឆ្លៀតពេល​ទៅ​វត្ត​រៀន​អក្សរសា​ស្រ្ត​ខ្មែរ។ ប្អូនចូលចិត្តទៅវត្តរៀនអក្សរខ្មែរ ពីព្រោះដោយសា​រទៅវត្តរៀន ទើបប្អូនចេះអាន ចេះសរសេរអក្សរសា​ស្រ្តជាតិ ប្អូនត្រេកអររួចមានមោទនភាពចំពោះវប្បធម៌ប្រពៃណីរបស់ជាតិខ្លាំងណាស់”។

ព្រះអាចារ្យបង្រៀន(គង់)ថតរូបជាមួយសមណសិស្ស និងយុវសិស្សបណ្តាថ្នាក់រៀនរដូវវិស្សមកាលនៅវត្តចុងព្រលាន។

     ប្អូនថាច់មិញធឺ ជាសិស្សប្រជាសិក្សាថ្នាក់ទី៤ វត្ត ​ឆ្នាំ​សិក្សា​ថ្មីមិ​ញធឺរៀន​ថ្នាក់​ទី ១២ មិ​ញធឺសំណេះសំណាល​ថា៖ ប្អូន​ដឹង​ថា ឆ្នាំ​ចុងបញ្ចប់ថ្នាក់​វិទ្យាល័យ កិច្ចការ​សិក្សា​កាន់​តែ​ពិបាក​ត្រូវតែរៀបចំឲ្យបានម៉ត់ចត់។ ថ្វីត្បិតដូច្នោះក៏ដោយប្អូនក៏ខំឆ្លៀតពេលទៅវត្តរៀនអក្សរខ្មែរ។ ពីព្រោះ​ទៅ​វត្តរៀន ​មិន​ត្រឹម​តែបា​នរៀនអក្សរសា​ស្រ្តខ្មែរ​ប៉ុណ្ណោះ​ទេ នៅ​ទាំង​បាន​រៀនអំ​ពី​វប្បធម៌ ប្រពៃណីដ៏ល្អរបស់ជាតិយើងទៀតផង។ បច្ចុប្បន្ន ប្អូនចេះ​អាន ចេះសរសេរ​អក្សរ​ខ្មែរ​បាន​​ស្ទាត់គ្រាន់បើហើយប្អូន​អាចអានសៀវភៅខ្មែរផ្សេងៗដើម្បីស្វែងយល់​បន្ថែម​អំពី​ទំនៀម​ទម្លាប់ ​វប្បធម៌​របស់​ជាតិយើងដើម្បី​បន្តកា​រ​អភិរក្ស​អត្តសញ្ញាណ​វប្បធម៌​ជាតិ រួម​ចំណែក​ពង្រីកខឿនវប្បធម៌​វៀតណាម​ជឿនលឿន ពោ​រពេញដោយអត្តសញ្ញាណវប្បធម៌ជនជាតិ។

     ព្រះតេជគុណ ថាច់សៅរ៍ ព្រះអាចារ្យវត្តចុងព្រលានមានថេរដីកាថា៖ អាត្មាតែងព្យាយាមបង្រៀនអក្សរសាស្រ្តខ្មែរដល់ក្មួយៗមួយថ្ងៃ ០២ ពេល ដើម្បីឲ្យក្មួយៗរៀនបានល្អពីថ្នាក់ទាបដល់ថ្នាក់ខ្ពស់ ជំរុញក្មួយៗឱ្យចេះអាន ចេះសរសេរ និងយល់ជ្រៅជ្រះភាសាជាតិ។

ព្រះតេជគុណគឹមឡេង ព្រះចៅអធិការវត្តចុងព្រលានកំពុងបង្រៀនសិស្សរដូវវិស្សមកាល។

     ក្នុងនាមជាព្រះចៅអធិការវត្ត ថ្វីត្បិតមមាញឹកនឹងកិច្ចពុទ្ធសាសនា កិច្ចវត្តអារាមច្រើនក៏ដោយ ព្រះតេជគុណ គឹមឡេង ព្រះចៅអធិការវត្តចុងព្រលាន នៅតែយកព្រះទ័យទុកដាក់ ជួយបង្រៀនអក្សរសាស្រ្តខ្មែរដល់សមណសិស្ស និងយុវសិស្សក្នុងរដូវវិស្សមកាល។ព្រះតេជគុណ គឹមឡេង មានថេរដីកាថា៖ បណ្តាថ្នាក់រៀនអក្សរសាស្រ្តខ្មែរក្នុងវត្តនារដូវវិស្សមកាល ថ្វីត្បិតរៀនក្នុងរយៈកាលតែជាង២ខែប៉ុណ្ណោះប៉ុន្តែព្រះអាចារ្យតែងខិតខំបង្រៀនសិស្សបានល្អជានិច្ច ដើម្បីឲ្យសិស្សចេះអាន ចេះសរសេរអក្សរខ្មែរបានស្ទាត់ ។ ដូចដែលយើងបានយល់ស្រាប់ហើយថា ជាច្រើនជំនាន់មកហើយ វត្ត គឺជាមជ្ឈមណ្ឌលអប់រំផ្នែកអក្សរសាស្រ្តភាសាសាស្រ្ត វប្បធម៌ជាតិ។ ក្នុងនាម​ជាព្រះចៅអធិការ​វត្ត អាត្មាត្រូវតែ​បន្តការអភិរក្ស​ប្រពៃណី​​ ​អត្តសញ្ញាណ​វប្បធម៌​របស់​ជាតិ​ឲ្យកាន់តែថ្កុំថ្កើង រុងរឿងជានិរន្តរ៍​។ ក្នុង​នោះ​មាន​ការ​បង្រៀន​ភាសាអក្សរសាស្រ្តជាតិក្នុងវត្តនា​រដូវ​វិស្សមកាលជាដើម។ទន្ទឹមនឹងនោះ ថ្នាក់រៀនរដូវវិស្សមកាលក្នុងវត្ត នៅទាំងបង្រៀន ប្អូនៗឲ្យបានយល់អំពីប្រយោជន៍នៃការគោរព ធ្វើតាមមាគ៌ាព្រះពុទ្ធសាសនា និងសីលធម៌ក្នុងការរស់នៅ ដើម្បីជួយឱ្យប្អូនៗមានចំណេះដឹងល្អ កសាងជីវភាពបានល្អ ជៀសផុតពីបាបគ្រោះសង្គម ក្លាយជាពលរដ្ឋល្អ ធ្វើការងារមានប្រយោជន៍ជូនសង្គម៕

អត្ថបទ‑រូបថត៖ សុជា