លិខិតឆ្លងដែនសកលគំរូចាស់នៅតែបានប្រើបា្រស់បន្តពេលមិនទាន់អស់ពេលកំណត់

                ករណីពលរដ្ឋកំពុងប្រើប្រាស់លិខិតឆ្លងដែនសកលគំរូចាស់ដែលបានផ្ដល់ជូនមុនថ្ងៃទី ១ ខែកក្កដាឆ្នាំ ២០២២ នៅតែបន្តប្រើប្រាស់រហូតដល់អស់ពេលកំណត់ដែលកត់​ក្នុងលិខិតឆ្លងដែន។ ក្រសួងនគរបាលបានបញ្ជូនបណ្ដាគំរូលិខិតឆ្លងដែនកិច្ចការបរទេស កិច្ចការរដ្ឋបាល សកលមិនភ្ជាប់ឈីបអេឡិចត្រូនិចតាមគំរូថ្មីដល់ក្រសួងការបរទេសដើម្បីប្រ​កាសដល់ស្ថាប័នតំណាងប្រទេសវៀតណាមនៅក្រៅប្រទេស និងបណ្ដាស្ថាប័ន អង្គការអន្តរ​ជាតិដែលពាក់ព័ន្ធបានដឹង។

            នៅការិយាល័យគ្រប់គ្រងអន្តោប្រវេសន៍នៃនគរបាលខេត្តត្រាវិញក្នុងបណ្ដាថ្ងៃដំបូងផ្សព្វផ្សាយផ្ដល់ជូនលិខិតឆ្លងដែនសកលគំរូថ្មី ចំនួនពលរដ្ឋមកធ្វើលិខិតឆ្លងដែនច្រើនបង្គួរ ក្នុងខណៈនោះ អង្គភាពធ្វើសំណុំលិខិតផ្ដល់ជូនលិខិតឆ្លងដែនបានត្រឹមតែទទួល និងអនុវត្តបានសំណុំលិខិតតែប្រមាណ ២០០ ច្បាប់ក្នុងមួយថ្ងៃ។ ដើម្បីជៀសវាងពេល​វេលារង់ចាំរបស់ពលរដ្ឋ ការិយាល័យគ្រប់គ្រងអន្តោប្រវេសន៍នៃនគរបាលខេត្តត្រាវិញសំ​ណូមពរដល់ប្រជាជនគប្បីម្ចាស់ការផ្ដល់ព័ត៌មានស្នើផ្ដល់ជូនលិខិតឆ្លងដែនឆ្លងតាមរយៈសេវាកម្មសាធារណៈក្រសួងនគរបាល៖ https://dichvucong.bocongan.gov.vn ដើម្បីជួយប្រិតសំចៃពេលវេលា ប្រាក់ចំណាយរបស់ពលរដ្ឋដែលមិនចាំបាច់ទៅផ្ទាល់ដល់ការិយាល័យគ្រប់គ្រងអន្តោប្រវេសន៍នៃនគរបាលខេត្តត្រាវិញដាក់សំណុំលិខិត ថតរូប៕                                                           

ប្រែសម្រួល៖ ថាច់សម្បត្តិ

ប្រជាជនមកធ្វើលិខិតឆ្លងដែននៅនគរបាលខេត្ត។