មជ្ឈមណ្ឌលអប់រំអាជីព អប់រំជាប្រចាំស្រុកកូវង៉ាង៖ រួមចំណែកបង្កប្រភពពលករក្នុងតំបន់ជនរួមជាតិខ្មែរ

លោកឡេវ៉ាំងយុង នាយកមជ្ឈមណ្ឌលអប់រំអាជីព‑អប់រំជាប្រចាំស្រុកកូវង៉ាង។

កឡេវ៉ាំងយុង នាយកមជ្ឈមណ្ឌលអប់រំអាជីព‑អប់រំជាប្រចាំស្រុកកូវង៉ាងបាន​ឱ្យដឹងថា៖ អនុវត្តភារកិច្ចរបស់មជ្ឈមណ្ឌល យើងខ្ញុំតែងសហការបើក​បណ្ដាថ្នាក់មធ្យមសិក្សា បសុពេទ្យ អគ្គិសនីឧស្សាហកម្ម និងប្រើប្រាស់ ចិញ្ចឹមដាំជលផល។ បណ្ដាថ្នាក់បណ្ដុះបណ្ដាល បំពាក់បំប៉នរយៈពេលខ្លី៖ បើកបររថយន្តដឹកជញ្ជូនគ្រប់ប្រភេទ ដណ្ដាំស្ល (ផ្ដល់បំប៉ន) សម្រាប់បណ្ដាសាលាដែលមានលក្ខណៈបង្រៀនក្នុងអន្តេវាសិកដ្ឋាន និងអឌ្ឍន្តេវាសិកដ្ឋាន។ល។  បច្ចុប្បន្ន សាលាកំពុងចាត់តាំង ៣ ថ្នាក់បណ្ដុះបណ្ដាលគឺ៖ ថ្នាក់បំប៉ន ១ ថ្នាក់ដោយមានសិស្ស ៤៤ រូប ថ្នាក់បច្ចេកវិទ្យារថយន្ត ១ ថ្នាក់ ដោយមានសិស្សចំនួន ៣០ រូប និងថ្នាក់អគ្គិសនីត្រជាក់ ១ ថ្នាក់ដោយមានសិស្ស ៣១ រូបចូលរៀន។ ក្នុងឆ្នាំសិក្សា ២០២១‑២០២២ មជ្ឈមណ្ឌលចាត់តាំងថ្នាក់រៀន​អប់រំជាប្រចាំងពី ថ្នាក់ទី ១០ ដល់ទី ១២ បាន ៩ ថ្នាក់ ដោយមានសិស្សជាង ២២០ រូបចូលរៀន ជាឆ្នាំដែលទទួលសិស្សចូលរៀនអប់រំជាប្រចាំ​ច្រើនបំផុតតាំងពីបង្កើតមជ្ឈមណ្ឌលរហូតមកទល់ពេលនេះ។ សិស្សានុសិស្សចូលរៀននៅ​មជ្ឈមណ្ឌល បានទទួលរបបគោលនយោបាយតាមការកំណត់ជាធរមាន។ ដើម្បីដោះស្រាយតម្រូវការរៀនភាសាជប៉ុន មជ្ឈមណ្ឌលនៅទាំងបើកថ្នាក់បណ្ដុះបណ្ដាលភាសាជប៉ុន ដើម្បីរៀនសូត្រ និងនីហរ័ណពលកម្ម រួមចំណែកលើកកម្ពស់ជីវភាពរបស់ប្រជាជន ក៏ដូចជារួមចំណែកទៅក្នុងការពង្រីកសេដ្ឋកិច្ច-សង្គមរបស់ស្រុក។

ដើម្បីការបណ្ដុះបណ្ដាលអាជីព និងអប់រំជាប្រចាំមានរបៀបរៀបរយ សម្រេចបានប្រសិទ្ធភាពខ្ពស់ជាង មជ្ឈមណ្ឌលបានសម្រេចការបែងបត់ បណ្ដុះបណ្ដាលសិស្សក្រោយអនុវិទ្យាល័យ និងវិទ្យាល័យលើភូមិសាស្រ្តស្រុកកូវង៉ាងដល់​ឆ្នាំ ២០២៥។ រយៈពេលកន្លងមជ្ឈមណ្ឌលសហការជាមួយបណ្ដាមូលដ្ឋានចាត់តាំងថ្នាក់បណ្ដុះបណ្ដាលវិជ្ជាជីវៈជួសជុលម៉ាស៊ីនរយៈពេលខ្លីបានជាង ១០ ថ្នាក់ជូនដល់កងកម្លាំងយុវជននៅមូលដ្ឋាន។ ផ្ដើមពីនោះ មានប្អូនជាច្រើនក្រោយពេលបញ្ចប់វគ្គបណ្ដុះបណ្ដាលចូលរួមពលកម្មនៅតាមមូលដ្ឋានសេវាកម្មមួយចំនួនទទួលបានប្រាក់ចំណូលជារៀងរាល់ខែជាង ១០ លានដុង។

ម៉ោងរៀនកម្មវិធីអប់រំជាប្រចាំរបស់សិស្សនៅមជ្ឈមណ្ឌល។

ប្អូនថាច់ត្រា នៅភូមិទៀវចាស់ ជាយុវជនម្នាក់ក្នុងចំណោមយុវជនធ្លាប់មានរយៈពេល​ចូលរួមវគ្គបណ្ដុះបណ្ដាលនៅមជ្ឈមណ្ឌលអំពីបច្ចេកទេសជួសជុលម៉ាស៊ីន បច្ចុប្បន្ន ប្អូនទទួលបានជោគជ័យជាបឋមដោយទទួលបានប្រាក់ចំណូលលំនឹងបង្គួរ។ ប្អូនថាច់ត្រា បានឱ្យដឹងថា៖ ឆ្នាំ ២០១៨ ក្រោយពេលបញ្ចប់វគ្គ បណ្ដុះបណ្ដាលមជ្ឈមណ្ឌលបានផ្ដល់ជូនលិខិតបញ្ជាក់ដល់ប្អូន ជួយឱ្យប្អូនងាយស្រួលក្នុងទំនាក់ទំនងសុំការងារធ្វើនៅតាមមូលដ្ឋានសេវាកម្ម។ សព្វថ្ងៃប្អូនបានមូលដ្ឋានមួយកន្លែងទទួលចូលធ្វើការដោយកម្រិតប្រាក់ចំណូលប្រមាណ ១២ លានដុងក្នុងមួយខែ។ ប្អូនមានគម្រោងនៅពេលខាងមុខនឹងសន្សំថវិការបស់​គ្រួសារដើម្បីបើកហាងធ្វើសេវាកម្មជួសជុលដោយខ្លួនឯង ពីព្រោះពិនិត្យឃើញថា បច្ចុប្បន្ន តម្រូវការជួសជុលម៉ាស៊ីនគ្រប់ប្រភេទយ៉ាងច្រើន។ អាស្រ័យហេតុនោះ មិត្តយុវជនបើសិនចង់សម្រេចជោគជ័យក្នុងអាជីព មិនធ្វើឱ្យប៉ះពាល់ដល់អម្រែកធ្ងន់របស់គ្រួសារអំពីប្រាក់សាលានោះ គប្បីមករៀននៅមជ្ឈមណ្ឌលនេះជាការល្អប្រសើរ។

ក៏ក្នុងផែនការ ចក្ខុវិស័យដល់ឆ្នាំ ២០២៥ មជ្ឈមណ្ឌលបន្តការស្នើជាមួយគណៈកម្មាធិការប្រជាជនស្រុក បើកទូលាយបន្ថែមការបណ្ដុះបណ្ដាលរបរកាត់ដេរ បើសិនបញ្ចប់វគ្គបណ្ដុះបណ្ដាល រួចមជ្ឈមណ្ឌលចងសម្ព័ន្ធជាមួយបណ្ដាក្រុមហ៊ុនចាត់តាំងបំពេញបន្ថែមបណ្ដាឧបករណ៍ដេរនៅនឹងមជ្ឈមណ្ឌល រួមចំណែកដោះស្រាយការងារធ្វើសម្រាប់ពលករនៅជនបទ។ ក្រៅពីនោះ ក្នុងលើកទទួលយុវជនចេញចាកជួរឆ្នាំ ២០២២ ជាមួយយុវជន ១៣០ នាក់ មជ្ឈមណ្ឌលបានគណៈកម្មាធិការប្រជាជនស្រុកតម្រូវភារៈឧបត្ថម្ភបង្រៀនរបរជូនយុវជនតាមរបបដែលបានកំណត់។ ហេតុនោះ មជ្ឈមណ្ឌលកំពុងកសាងផែនការសហការជាមួយបណ្ដាមូលដ្ឋានប្រឹក្សាយោបល់ស្ដីពី​តម្រូវ​ការរៀនមុខរបររបស់បណ្ដាយុវជនក្នុងគ្រោងអាទិភាពបណ្ដាមុខរបរ  រួមចំណែកដោះស្រាយល្អតម្រូវការការងារធ្វើរបស់បណ្ដាយុវជន៕

អត្ថបទ‑រូបថត៖ ថាច់សម្បត្តិ