ព្រះតេជគុណ គឹមសំអឿន ធ្វើកិច្ចការជាក់ស្តែងដើម្បីប្រយោជន៍ “សាសនា និងសង្គម”

ក្នុងរយៈកាលសាងផ្នួសជាង ២០ វស្សា (បួសនៅឆ្នាំ ២០០២) ព្រះតេជគុណ គឹមសំអឿន តែងព្យាយាមរៀនសូត្រទាំងផ្លូវលោក និងផ្លូវធម៌ ដោយមានបំណងចូលរួមធ្វើកិ​ច្ចការពុទ្ធសាសនា និងកិ​ច្ចការសង្គម។ ព្រះអង្គរៀ​នចប់កម្រិតពុ​ទ្ធិកមធ្យមសិក្សាទុតិយភូមិនៅខេត្តត្រាវិញ រួចនិមន្តទៅ​រៀនបន្តវិទ្យាស្ថានពុទ្ធសាសនាខ្មែរទីក្រុងកឹងធើ និងទទួលបរិញ្ញាប័ត្រពុទ្ធសាសនវិទ្យាកាលពីឆ្នាំ ២០១១ ។ ដោយមានចំណេះដឹងសមគួ​រ  គួបផ្សំនឹងទឹកព្រះទ័យ “មេត្តា” ផងនោះ  ព្រះតេជគុណគឹមសំអឿន បាននឹងកំពុងចូលរួមធ្វើនូវកិច្ចកា​រដ៏ប្រសើរតាមគោលលំនាំ “សា​សនា ជនជាតិ និងសង្គមនិយម”។ ក្នុងនាមជាប្រធានការិយាល័យសមាគមព្រះសង្ឃសាមគ្គីស្នេហាជាតិស្រុកទីវកឹង ព្រះអង្គតែងអនុវត្តល្អភារកិច្ចដែលបានប្រគល់ជូន រួមបំពេញយោបល់ប្រគេនគណៈអចិន្ត្រៃយ៍សមាគមព្រះសង្ឃសាមគ្គីស្នេហាជាតិស្រុកដើម្បីគ្រប់គ្រង និងបែងបត់ការងារសមាគមឲ្យប្រព្រឹត្តទៅបានល្អ។

ព្រះតេជគុណគឹមសំអឿន។

ព្រះតេជគុណ គឹមសំអឿន មានថេរដីកាថា៖ យើងជាពុទ្ធបរិស័ទ ពិតជាយល់បានហើយថា មាគ៌ាព្រះពុទ្ធ​សា​សនាជាមាគ៌ាដ៏ត្រឹមត្រូវ ដឹកនាំសត្វលោកឲ្យប្រព្រឹត្តអំពើសុចរិត ខិតខំចម្រើនព្រហ្មវិហារធម៌ ៤ ប្រការគឺ “មេត្តា ករុណា មុទិតា ឧបេក្ខា” ជាដើម គឺជាធម៌ដ៏ប្រសើរនាំសត្វលោកឲ្យបានសេចក្តីសុខ សេចក្តីចម្រើនក្នុងដំណើរជីវិត ។ ម្ល៉ោះហើយ អាត្មាតែងយកចិត្តទុកដាក់ជួយដឹកនាំពុទ្ធបរិស័ទឲ្យយល់ និងគោរពតាមពុទ្ធោវាទ ដើម្បីពុទ្ធបរិស័ទមានវិធីសាស្រ្តកសាងជីវភាពឲ្យបានរីកចម្រើន និងសុភមង្គល។ គោលបំណងធំ​បំផុត​របស់អាត្មា​គឺ​ចង់បានពុទ្ធបរិស័ទក៏ដូចជាប្រជាជនទាំងមូលមានសេចក្តីសុខ សេចក្តីចម្រើន មានចិត្ត​មេត្តា ជួយសម្រាលទុក្ខធុរៈគ្នា និងសាមគ្គីគ្នាដើម្បីកសាងសង្គមឲ្យបានរីកចម្រើន សុខសាន្ត និងរុងរឿង។

ព្រះតេជគុណ ថាច់អ៊ុត ប្រធាន​សមាគម​ព្រះសង្ឃសាមគ្គី​​ស្នេហា​ជាតិ​ស្រុក​ទីវកឹងមានថេរដីកា​ថា៖ ទង្វើគ្រប់យ៉ាងដែល​ព្រះតេជគុណ គឹមសំអឿន បានធ្វើសុ​ទ្ធតែដើម្បីប្រយោជន៍ “សាសនា និងសង្គម” ។ ព្រះអង្គតែងយកព្រះទ័យទុកដាក់ឧបត្ថម្ភប្រជាជនជួបលំបាក មិនថាពុ​ទ្ធបរិស័ទ ឬជនជាតិណាឡើយ ព្រះអង្គឧបត្ថម្ភអស់ពីព្រះទ័យ ព្រមទាំងទេ​សនាដឹកនាំពុ​ទ្ធបរិស័ទឲ្យធ្វើអំពើល្អ ព្យាយាមប្រកបការងារ និងរស់នៅត្រឹមត្រូវតាមច្បាប់។ ព្រះអង្គនៅទាំងបំពេញល្អភា​រកិច្ចជាប្រធានការិយាល័យសមាគមព្រះសង្ឃសាមគ្គីស្នេហា​ស្រុក រួមចំណែកជាមួយគណៈអចិន្ត្រៃយ៍សមាគមស្រុកចាត់តាំងបណ្តាសកម្មភាពសមាគមបានល្អជានិច្ច ។ ព្រះអង្គតែងបានរដ្ឋអំណាចមូលដ្ឋាន ប្រជាពុ​ទ្ធបរិស័ទសើ្ងចសរសើរ និងគោ​រពរាប់អានជានិច្ច៕           

អត្ថបទ‑រូបថត៖ សុជា