ប្រកាសសេចក្ដីសម្រេចចិត្តរបស់ប្រធានគណៈកម្មាធិការប្រជាជនខេត្តត្រាវិញ ទទួលស្គាល់ឃុំថាញ់ស៊ើង អាងក្វាងហ៊ឺវ តឹងហ៊ីប និងឃុំដូងស្វឹងសម្រេចលក្ខឋានឃុំជនបទថ្មីឆ្នាំ ២០២១

លោកង្វៀងត្រុងធ្វី ប្រធានគណៈកម្មាធិការ ប្រជាជនឃុំ អនុប្រធានគណៈចង្អុលការកសាងឃុំជនបទថ្មីថាញ់ស៊ើងបានឲ្យដឹងថា៖ ការកសាងឃុំជនបទថ្មីក្នុងស្ថានភាពសេដ្ឋកិច្ច ហេដ្ឋារចនាសម្ព័ន្ធរបស់ឃុំថាញ់ស៊ើង និងជីវភាពរបស់ប្រជាជននៅមានការលំបាក់ជាច្រើន បានការយកចិត្តទុកដាក់ ចង្អុលការ ឧបត្ថម្ភទាន់ពេលរបស់មជ្ឈិម របស់ខេត្ត និងរបស់គណៈចង្អុលការស្រុក ការសាមគ្គីឯកភាព ព្រមព្រៀងរបស់បក្ខភាគ និងប្រជាជនឃុំថាញ់ស៊ើង ក្រោយរយៈពេលជាង ១២ ឆ្នាំកសាងជនបទថ្មី ថាញ់ស៊ើងបច្ចុប្បន្ននេះជាឃុំមានហេដ្ឋារចនាសម្ព័ន្ធបានកសាង ធានាឲ្យការពង្រីកសេដ្ឋកិច្ច បំផុត គឺវិស័យពាណិជ្ជកម្ម សេវាកម្ម ឧស្សាហកម្មមានការវិវឌ្ឍន៍យ៉ាងសកម្ម រួមចំណែកក្នុងចំនួនតម្លៃផលិតរបស់ឃុំ។ ទូទាំងឃុំប្រមូលថវិកាបានជាង ៨៦,៧ ពាន់លានដុងសម្រាប់ការងារកសាងជនបទថ្មី។ ក្នុងនោះ ប្រជាជនរួមវិភាគជាង ៦,៤ ពាន់លានដុង សប្បុរសជនឧបត្ថម្ភជាង ០១ ពាន់លានដុងសម្រាប់កសាងហេដ្ឋារចនាសម្ព័ន្ធគមនាគមន៍ ធារាសាស្រ្ដ សាលារៀន ដំណាក់សុខាភិបាល កសាងបណ្ដាទម្រង់ផលិតមានប្រសិទ្ធភាពនាំមកតម្លៃសេដ្ឋកិច្ចខ្ពស់។ ផ្ដើមពីនោះ ជួយឲ្យឃុំកាត់បន្ថយរហ័សគ្រួសារក្រីក្រនៅតែ ៣,៧៣% មានពលករ ៩៤,២% នាក់ស្ថិតក្នុងវ័យពលកម្មមានការងារធ្វើ រួមចំណែកលើកកម្ពស់ប្រភពចំណូលរបស់មនុស្សម្នាក់សម្រេចមធ្យម ៥១,០២ លានដុងក្នុងមួយឆ្នាំ ២០២១។ ការងារថែទាំសុខភាពរបស់ប្រជាជនបានលើកកម្ពស់មិនឈប់ឈរ។ បញ្ជូនកុមារទៅរៀនត្រូវតាមអាយុកំណត់កើនឡើងរាល់ឆ្នាំ សន្តិសុខសណ្ដាប់ធ្នាប់ សុវត្ថិភាពសង្គមបានរក្សាលំនឹង។

នាឱកាសនេះ ប្រធានគណៈកម្មាធិការប្រជាជនខេត្តមានសេចក្ដីសម្រេចចិត្តជូនបណ្ណសរសើរដល់បុគ្គល ០៥ នាក់របស់ឃុំថាញ់ស៊ើងដែលមានការរួមចំណែកយ៉ាងសកម្មក្នុងការងារកសាងជនបទថ្មី ប្រធានគណៈកម្មាធិការប្រជាជនស្រុកជូនលិខិតសរសើរដល់សមូហភាព ០៣ កន្លែងនិងបុគ្គល ០៥ នាក់មានស្នាដៃឆ្នើមក្នុងចលនាកសាងជនបទថ្មីឃុំថាញ់ស៊ើង៕

ពិធីជូនបណ្ណទទួលស្គាល់ដល់ឃុំថាញ់ស៊ើង។ រូបថត៖ ហុងភុក

 *កាលពីថ្ងៃទី ២៧ មេសា គណៈកម្មាធិការបក្សស្រុកថ្កូវចាត់តាំងពិធីប្រកាសសេចក្តីសម្រេចចិត្តរបស់ប្រធានគណៈកម្មាធិការប្រជាជនខេត្តទទួលស្គាល់ឃុំអាងក្វាងហ៊ឺវសម្រេចលក្ខឋានឃុំជនបទថ្មីឆ្នាំ ២០២១។

ឆ្លងអស់រយៈកាល ០៤​ ​ឆ្នាំអនុវត្តកម្មវិធី គោលដៅជាតិកសាងជនបទថ្មី ឃុំអាងក្វាងហ៊ឺវ សម្រេចបានលទ្ធផលយ៉ាងសកម្មលើបណ្តាវិស័យសេដ្ឋកិច្ច-សង្គម បណ្តាសំណង់អគ្គិសនី  ផ្លូវ ដំណាក់ផ្គត់ផ្គង់ទឹកបានវិនិយោគកសាង ឆ្លើយតបសំណូមពរប្រជាជន។ ចំនួនគ្រួសារក្រីក្របានកាត់បន្ថយចុះនៅ ០៧ គ្រួ គ្រួសារជិតក្រនៅ ១១៨ គ្រួ។ ប្រភពចំណូលគិតជាមធ្យមក្នុងមនុស្សម្នាក់ក្នុងមួយឆ្នាំសម្រេចបាន ៥១,៣ លានដុង។ អត្រាគ្រួសារបានប្រើប្រាស់អគ្គិសនីប្រចាំ សុវត្ថិភាពសម្រេច ៩៨%។ ឃុំមានមូលដ្ឋានអប់រំ ០៤ កន្លែងតែងបានវិនិយោគសម្ភារមូលដ្ឋានឆ្លើយតបតម្រូវការបង្ហាត់បង្រៀនរបស់សិស្ស។ ក្នុងទូទាំងឃុំមានជាង ៩៦% គ្រួសារសម្រេចសម្បទាគ្រួសារវប្បធម៌ -ជនបទថ្មី មាន ១០០% ភូមិសម្រេចលក្ខឋាន វប្បធម៌-ជនបទថ្មី៕

 *ឃុំតឹងហ៊ីបមានជនរួមជាតិខ្មែររស់នៅជាង ៧៩,៥% ជាឃុំស្ថិតក្នុងសេចក្តីសម្រេច ចិត្តលេខ ១៣៥ របស់នាយករដ្ឋមន្ត្រីនៃរដ្ឋាភិបាល កាលដែលចាប់ផ្តើមកសាងជនបទថ្មី ឃុំជួបការទុក្ខលំបាកជាច្រើន អាស្រ័យដោយចំណុចលក្ខណៈសេដ្ឋកិច្ចទាប អត្រាគ្រួសារក្រីក្រច្រើន ហេដ្ឋានរចនាសម្ព័ន្ធមូលដ្ឋានអន់ខ្សោយ។ល។ ដោយបានការយកចិត្តទុកដាក់របស់មជ្ឈិម ខេត្ត ស្រុក ឃុំតឹងហ៊ីបសម្រេចបាន លទ្ធផលជាច្រើន។ ក្នុងដំណាក់កាល ២០១៦ -២០២១ ក្នុងទូទាំងឃុំកេណ្ឌប្រមូលថវិកាកសាងហេដ្ឋារចនាសម្ព័ន្ធបាន ៦៤,១ ពាន់លានដុង។ ក្នុងនោះប្រជាជនចូលរួមបាន ៥,៦ ពាន់លានដុង។ ឃុំមានគ្រួសារប្រជាជន ២.៤៤៣ គ្រួសម្រេចសម្បទាគ្រួសារវប្បធម៌-ជនបទថ្មី ៨/៨ ភូមិសម្រេចសម្បទាភូមិវប្បធម៌-ជនបទថ្មី។ អំពីការផលិតគិតជាមធ្យមក្នុងមួយហិកតាសម្រេចបាន ១១៣ លានដុង ឃុំមាន ៩៨,៧៦% គ្រួសារបានប្រើប្រាស់អគ្គិសនីជាប្រចាំ មាន ៩២,៣៣% ពលករស្ថិតក្នុងកំណត់អាយុមានការងារធ្វើជាប្រចាំ ប្រភពចំណូលគិតជាមធ្យមក្នុងមនុស្សម្នាក់ក្នុងមួយឆ្នាំសម្រេចបាន ៥១,២ លានដុង អត្រាគ្រួសារក្រីក្របន្ថយចុះនៅ ២,៦២%។ល។

នាឱកាសនេះដែរឃុំតឹងហ៊ីបមានបុគ្គល ០៥ រូបបានប្រធានគណៈកម្មាធិការប្រជាជនខេត្តជូនបណ្ណសរសើរ មានសមូហភាព ០៣ កន្លែង និងបុគ្គល ០៥ រូបបានប្រធានគណៈកម្មាធិការប្រជាជនស្រុកជូនលិខិតសរសើរ និងប្រធានគណៈកម្មាធិការប្រជាជនឃុំជូនលិខិតសរសើរដល់សមូហភាព ០៦ កន្លែង និងបុគ្គល ០៥ រូបដោយមានស្នាដៃចូលរួមវិភាគទានកសាងជនបទថ្មី៕

លោកយឿងវ៉ាំងទ្រីវលេខាបក្សស្រុកជូនបណ្ណសរសើរដល់បុគ្គលឆ្នើម។ រូបថត៖ ហុងភុក

  *ឆ្លងអស់រយៈកាល ០៥ ​ឆ្នាំ បំផុសចលនាកសាងជនបទថ្មី ឃុំកេណ្ឌប្រមូលថវិកាបានជាង ១៥៦ ពាន់លានដុងដើម្បីកសាងបណ្តាសំណង់គម្រោងការ ក្នុងនោះប្រជាជនចូលរួមជាង ៣០ បាន់លានដុង។ ប្រភពចំណូលគិតជាមធ្យមក្នុងមនុស្សម្នាក់ក្នុងមួយឆ្នាំសម្រេចបាន ២៦ លានដុង។ គិតដល់ខែវិច្ឆិកាឆ្នាំ​ ២០២១ ឃុំដូងស្វឹងអនុវត្តសម្រេច ១៩/១៩ លក្ខឋានជនបទថ្មី និងបានប្រធានគណៈកម្មាធិការប្រជាជនខេត្តទទួលស្គាល់ឃុំសម្រេចលក្ខឋានឃុំជនបទថ្មីឆ្នាំ ២០២១។

នាឱកាសនេះដែរ ប្រធានគណៈកម្មាធិការប្រជាជនខេត្តបានជូនបណ្ណសរសើរដល់សមូហភាព ១១ កន្លែង និងបុគ្គល ២០ រូបដែលមានស្នាដៃឆ្នើមក្នុងការកសាងឃុំជនបទថ្មី៕

          ក្រុមអ្នកយកព័ត៌មាន

ពិធីជូនសេចក្តីសម្រេចចិត្តរបស់ប្រធានគណៈកម្មាធិការប្រជាជនខេត្តដល់ឃុំដូងស្វឹង។