បណ្តាគំរូនារីខ្មែរធ្វើតាមដំបូន្មានអ៊ំហូ

    * ​​ធ្វើតាមអ៊ំហូតាំងពីការងារតូច 

បងគាងធីឡែហ្វា ប្រធានសមាគមនារីឃុំឡុងឌឹក។

     ជាគំរូឆ្នើមក្នុងការរៀនសូត្រ និងធ្វើតាមដំបូន្មានអ៊ំដោយបានសមាគមសហព័ន្ធន៍នារីខេត្ត ជូនលិខិតសរសើរក្នុងពិធីអំណរទិវាបុណ្យជាតិ ០២ កញ្ញា និងពិធីរបាយការណ៍ស្នាដៃឧទ្ទិសជូនអ៊ំ ឆ្នាំ ២០២២ បងស្រីគាងធីឡែហ្វា ប្រធានសមាគមសហព័ន្ធន៍នារីឃុំឡុងឌឹក ទីក្រុងត្រាវិញសំណេះសំណាលថា៖ ខ្ញុំតែងធ្វើតាមដំបូន្មានអ៊ំតាំងពីការងារតូចឡើងទៅ ដូចជារបៀបប្រិតសំចៃដោយច្រើនរូបភាព គឺជាទង្វើ​ជាក់ស្តែង ដែលខ្ញុំគោរពធ្វើតាមដំបូន្មានរបស់អ៊ំហូ។ ដើម្បីជំរុញទឹកចិត្តសមាជិកា បងប្អូននារីឲ្យធ្វើតាមគំរូរបស់អ៊ំតាំងពីការងារតូចឡើងទៅ នៅពេលប្រជុំជីវភាពសមាគមម្តងៗ បងស្រី គាងធីឡែហ្វា រក្សាខ្ជាប់ខ្លឹមសារនៃការរៀនសូត្រ និងធ្វើតាមគំរូអ៊ំ គួបផ្សំនឹងការនិទានរឿងអំពីអ៊ំជូនសមាជិកាស្តាប់ និងយកតម្រាប់តាម ក្នុងនោះមានយកតម្រាប់តាមរបៀបប្រិតសំចៃជាដើម ។ បច្ចុប្បន្ន ក្នុងទូទាំងឃុំមានសមាជិកា បងប្អូននារីជិត ១.៩០០ នាក់ ចូលរួមបណ្តាទម្រង់ប្រិតសំចៃចិញ្ចឹមជ្រូកដីជំរុញការសិក្សា ទម្រង់ហ៊ុនប្រាក់ទុនសម្រាប់ជួយគ្នាពង្រីកសេដ្ឋកិច្ចជាដើម។ ចំពោះបងឡែហ្វាវិញ គាត់តែងធ្វើជាគំរូក្នុងការប្រិតសំចៃជាច្រើនរបៀបដូចជា៖ ប្រិតសំចៃអង្ករ អគ្គិសនី ទឹក ប្រាក់ចំណាយប្រចាំថ្ងៃ។ល។ តាមរយៈការប្រិតសំចៃទាំងនោះ  គាត់ក៏សន្សំបានប្រាក់ជាមធ្យមក្នុងមួយខែ ០១ លានដុង។ ប្រាក់នោះ គាត់ទុកសម្រាប់ជូន​អាហារូបករណ៍​ដល់​សិស្ស​ដែល​មាន​ស្ថានភាព​លំបាក។ ជាក់ស្តែងក្នុងឱកាសបវេសនកាលឆ្នាំសិក្សាថ្មី ២០២២-២០២៣ បងឡែហ្វាជូនអាហារូបករណ៍ ០៦ ចំណែកដល់សិស្សដែលមានស្ថានភាពលំបាក ក្នុងមួយចំណែកទឹកប្រាក់ ៥០០ ពាន់ដុង។ ក្រៅពីនោះ បងឡែហ្វា នៅទាំងប្រិតសំចៃប្រាក់ខែពី ២០០ ពាន់ដុង ដល់ ០១ លានដុង ក្នុងមួយខែ សម្រាប់ចូលរួមហ៊ុនប្រាក់ទុនជាមួយក្រុមហ៊ុនប្រាក់ទុនចំនួន ០៤ ក្រុម ដើម្បីជួយគ្នាពង្រីកសេដ្ឋកិច្ច។ ទង្វើជាក់ស្តែង និងជាគំរូរបស់បងឡែហ្វា តែងបានកម្មាភិបាល សមាជិកា និងបងប្អូននារីយកតម្រាប់តាម ហើយចូលរួមជ្រោមជ្រែងបណ្តាចលនារួមចំណែកជំរុញសកម្មភាពរបស់សមាគមសម្រេចស្នាដៃឆ្នើមជារៀងរាល់ឆ្នាំ។ ឆ្នាំ ២០២១ កន្លងហើយសមាគមសហព័ន្ធន៍នារីឃុំ ឡុងឌឹក បានសមាគមសហព័ន្ធន៍នារីវៀតណាមជូនបណ្ណសរសើរ “អង្គភាពសម្រេចភារកិច្ចឆ្នើម”។ ចំពោះបងឡែហ្វាវិញបានគណៈប្រតិបត្តិការបក្ខភាគខេត្តត្រាវិញជូនបណ្ណសរសើរសម្រេចសម្បទា ជាអ្នក “សម្រេចភារកិច្ចឆ្នើម” រយៈកាល ០៥ ឆ្នាំបន្តបន្ទាប់ (២០១៦-២០២០)។

     បងស្រី គឹម ធី សុធន អនុប្រធានសាខាសមាគមនារីភូមិព្រៃវល្លិ៍ (បេ) ឃុំង៉ុកបៀង ស្រុកថ្កូវ

បងគឹមធីសុធន អនុប្រធានសាខាសមាគមនារីភូមិព្រៃវល្លិ៍ បេ។

     គោរព និងធ្វើតាមដំបូន្មានអ៊ំ៖ “ការងារងាយស្រួល តែបើ​គ្មានប្រជាជនចូលរួម ការងារនោះមិនសម្រេចជោគជ័យឡើយ ការងារលំបាកយ៉ាងណាក៏ដោយ ឲ្យតែមានប្រជាជនចូលរួម ការងារនោះពិតជាសម្រេចជោគជ័យ”។ បងស្រី សុធន មានប្រសាសន៍ថា៖ ធ្វើតាមដំបូន្មានអ៊ំ ខ្ញុំមានបំណងរួមកម្លាំងទ្រព្យមួយចំណែក ដើម្បីរួមជាមួយរដ្ឋអំណាចមូលដ្ឋាន កសាងសម្រេច លក្ខឋានជនបទថ្មី។ ពីព្រោះគោលដៅនៃការកសាងជនបទថ្មីរបស់បក្ស និងរដ្ឋគឺដើម្បីលើកស្ទួយជីវភាព សម្ភារ និងស្មារតីជូនប្រជាជន។ ហេតុនោះ នៅពេលដែលរដ្ឋអំណាចមូលដ្ឋានចលនាខ្ញុំស្ម័គ្រចិត្តបរិច្ចាគដីជិត ៤០០ ម៉ែត្រក្រឡា តម្លៃជិត ៦០ លានដុង ដើម្បីបើកទូលាយផ្លូវស្រុកលេខ ១២ និងផ្លូវជនបទក្នុងឃុំ។

     ក្នុងរយៈកាល ០១ ឆ្នាំផ្សព្វផ្សាយអនុវត្តសេចក្តីសន្និដ្ឋានលេខ ០១-KL/TW ស្តីពី បន្តការអនុវត្តសារាចរលេខ ០៥-CT/TW របស់ការិយាល័យនយោបាយ សមាគមនារីទាំងអស់នៅមូលដ្ឋាន បានត្រួតពិនិត្យ និងពង្រឹងគុណភាពទម្រង់ដែលមានស្រាប់ ដើម្បីពង្រីកឲ្យបានទូលំទូលាយ។ តាមរយៈ សមាគមសហព័ន្ធន៍នារីគ្រប់លំដាប់ថ្នាក់ក៏កំណត់ឈ្មោះទម្រង់បាន ៤៨ ទម្រង់ រួមមាន ៨៧៨ ក្លឹប ក្រុម ដោយមានសមាជិកា ១៧.៧០១ នាក់ចូលរួម​ដូចជា៖ ទម្រង់ហ៊ុនប្រាក់ទុនជួយគ្នាពង្រីកសេដ្ឋកិច្ចគ្រួសារ ទម្រង់ ប្រិតសំចៃចិញ្ចឹមជ្រូកដី ទម្រង់ក្រឡអង្ករមេត្តាធម៌ ទម្រង់ “ហ៊ុនប្រាក់សម្រាប់ទិញបណ្ណគាំពារសុខាភិបាល”  និង "បណ្ណគាំពារសង្គមដោយស្ម័គ្រចិត្ត"។ល។

     អ្នកស្រីគាងធីមិញង្វៀក ប្រធានសមាគមសហព័ន្ធន៍នារីខេត្តមានប្រសាសន៍ថា៖ ដើម្បីការងាររៀនសូត្រ និងធ្វើតាមសតិអារម្មណ៍ សីលធម៌ ឥរិយាបថហូជីមិញកាន់តែសាយភាយទូលំទូលាយក្នុងប្រព័ន្ធសមាគម គណៈអចិន្ត្រៃយ៍សមាគមនារីខេត្តបានកសាងផែនការលេខ ៣១៤-KH/BTV ចុះថ្ងៃទី ០៧ ខែតុលា ឆ្នាំ ២០២២ ស្តីពីបន្តការអនុវត្តសារាចរលេខ ០៥-CT/TW ។ សមាគមសហព័ន្ធន៍នារីខេត្តបានចង្អុលការគណៈ អចិន្ត្រៃយ៍សមាគមសហព័ន្ធន៍នារីបណ្តាស្រុក ក្រុង ទីផ្សាររួមខេត្ត ផ្សព្វផ្សាយដល់បណ្តាសមាគមមូលដ្ឋានអនុវត្តតាមប្រធានបទជាក់ស្តែង និងចលនាកម្មាភិបាល សមាជិកា បងប្អូននារីគោរព ធ្វើតាមដំបូន្មានអ៊ំហូដោយរូបភាពជាច្រើនដូចជា៖ ផ្សព្វផ្សាយគួបផ្សំក្នុងពេលប្រជុំជីវភាពរបស់សមាគម សាខាសមាគម ក្លឹប ក្រុម ។ ជាលទ្ធផល ក្នុង ០១ ឆ្នាំ កន្លង ផ្សព្វផ្សាយបាន ៧.៩១២ លើក ដោយមានសមាជិកា បងប្អូននារី ២២១.៥៣៦ លើកនាក់ចូលរួម។ ឆ្លងតាម​រយៈ​ការផសព្វផ្សាយបាន​ជំនួយឲ្យកម្មាភិបាល សមាជិកា បងប្អូននារីបង្កើនការយល់ដឹងអំពីខ្លឹមសារ ក៏ដូចជាតម្លៃនៃការរៀនសូត្រតាមសតិអារម្មណ៍ សីលធម៌ ឥរិយាបថហូជីមិញ។ ផ្តើមពីនោះបណ្តាសមូហភាព បុគ្គលបានពង្រីកតួនាទី ស្មារតីទទួលបន្ទុករបស់ខ្លួន រួមចំណែកក្នុងការកសាងអង្គការចាត់តាំងសមាគមបានរីកចម្រើន និងរឹងមាំ៕

អត្ថបទ‑រូបថត៖ សុជា