បងយឿងក្វាងភុកជាប់ឆ្នោតធ្វើជាលេខាសម្ព័ន្ធយុវជនឃុំឡុងស៊ើង អាណត្តិកាល ២០២២- ២០២៧ សាឡើងវិញ

អញ្ជើញចូលរួមមហាសន្និបាត មានលោកង្វៀងវ៉ាំងត្រាយ ប្រធានគណៈប្រជាចលនានៃគណៈកម្មាធិការបក្សស្រុក បងវ៉ហ្វាងណាម លេខាសម្ព័ន្ធយុវជនស្រុកកូវង៉ាងរួមជាមួយតំណាងពេញសិទ្ធិ ៦០ រូប ជំនួសមុខឲ្យសមាជិកសម្ព័ន្ធយុវជនក្នុងឃុំ ១២៨ រូប។

គណៈប្រតិបត្តិការអាណត្តិកាលថ្មីចេញបង្ហាញមុខ។ រូបថត៖ ម៉ីញ៉ឹង

មហាសន្និបាតបោះឆ្នោតជ្រើសគណៈប្រតិបត្តិការនីតិកាលថ្មី  ១៥  រូប តំណាងពេញសិទ្ធិចូលរួមមហាសន្និបាតថ្នាក់លើ ០៥ រូប។ មហាសន្និបាតបោះឆ្នោតផ្ទាល់លេខា បងយឿងក្វាងភុកជាប់ឆ្នោត សាជាថ្មីជាលេខាសម្ព័ន្ធយុវជនឃុំឡុងស៊ើង អាណត្តិកាល ២០២២-២០២៧។

ជាមួយសញ្ញាពេចន៍សកម្មភាព “ឈានមុខ សាមគ្គី ច្នៃប្រតិដ្ឋ ទម្លុះទម្លាយទៅមុខ អភិវឌ្ឍន៍” មហាសន្និបាតដាក់ចេញកម្រិតផែនការសំខាន់ៗ ១៣ យ៉ាងសម្រាប់អនុវត្តក្នុងអាណត្តិកាល ២០២២-២០២៧ គឺ៖ កម្មាភិបាល សមាជិកយុវជន ១០០% បានជ្រួតជ្រាបសេចក្ដីសម្រេចចិត្តមហាសន្និបាត សម្ព័ន្ធយុវជនគ្រប់លំដាប់ថ្នាក់។ ចលនាកសាងថ្មីផ្ទះមនុស្សធម៌ ០៣ ខ្នង អនុវត្តសម្រេច ០៥ សំណង់របស់យុវជន។ ពិនិត្យព្យាបាលជំងឺ ជូនថ្នាំដោយឥតគិតថ្លៃ និងជូនអាហារូបករណ៍ដល់សិស្សក្រីក្រ និងសមាជិកយុវជន។ ចលនាសមាជិកយុវជនចូលរួមបរិច្ចាគឈាមស្ម័គ្រចិត្ត។ សាខាសម្ព័ន្ធយុវជន ៨០% សម្រេចឆ្នើមភារកិច្ច សមាជិកសម្ព័ន្ធយុវជន ៧៥% សម្រេចល្អភារកិច្ច។ បង្កើតក្រុមហ៊ុនទុនឲ្យខ្ចីបង្វិលជុំ ០៥ ក្រុម រំសាយទុនធនាគារគោលនយោបាយ សរុបបំណុល ០៣ ពាន់លានដុង។ អប់រំយុវជនមិនសូវជឿនលឿន ០៥ រូប ពង្រីកសមាជិកយុវជន ១៥០ រូប ពង្រីកសមាជិកសមាគមសម្ព័ន្ធយុវជនវៀតណាម ២០០ រូប ឧទ្ទេសនាមពង្រីកបក្ខជនចំពោះសមាជិកយុវជនឆ្នើម ៨០%។ ពិគ្រោះ ណែនាំជ្រើសរើសមុខរបរ និងឧទ្ទេសនាមការងារធ្វើជូនសមាជិកយុវជន ៤៥០ នាក់។

បងវ៉ហ្វាងណាមចង្អុលការឲ្យគណៈប្រតិបត្តិការនីតិកាលថ្មីសកម្មចូលរួមជាមួយមូលដ្ឋានអនុវត្តសម្រេចឃុំជនបទថ្មីក្នុងត្រីមាសទី ១ ឆ្នាំ ២០២២។ ពង្រីក និងបើកទូលាយទម្រង់សេដ្ឋកិច្ចប៉ិនប្រសប់ការងារប្រជាចលនា អនុវត្តល្អចលនាសមាជិកយុវជនខិតខំលត់ដំដើម្បីបានពង្រីកជាបក្ខជន បង្កើនការងារពង្រីកសមាជិក និងអប់រំយុវជនដែលមិនសូវជឿនលឿន៕  

ប្រែសម្រួល៖ ថាច់ហ្វាង