ទិវាគ្រួសារវៀតណាម៖ “គ្រួសារក្សេមក្សាន្ត សង្គមសុភមង្គល”

កាលពីនៅមានជន្មាយុ លោកប្រធានហូជីមិញតែងយកចិត្តទុកដាក់ដល់តួនាទីរ​បស់​គ្រួសារ លោកប្រធានអះអាងថា៖ “យកចិត្តទុកដាក់ដល់គ្រួសារត្រឹមត្រូវ ពីព្រោះគ្រួសារជាច្រើនបូកបញ្ចូលមកទើបក្លាយជាសង្គម គ្រួសារល្អនោះសង្គមទើបល្អ សង្គមល្អនោះគ្រួសារកាន់តែល្អជាង កោសិការបស់សង្គមគឺគ្រួសារ”។ តាមប្រសាសន៍របស់លោក៖ “គ្រួសារថ្មីមួយគ្រួសារល្អមួយជាគ្រួសារមួយដែលក្នុងនោះ​បណ្ដាសមាជិកក្នុងគ្រួសារត្រូវចេះស្រឡាញ់ គោរពគ្នា ចែករំលែកបណ្ដាការលំបាកក្នុងកិច្ចការររួមគ្នា បុរសស្ត្រីសមភាព។ ត្រូវលើកតម្កើង និង​គោរពនារី”។ យល់ច្បាស់ពីពាក្យពេចន៍របស់អ៊ំ បច្ចុប្បន្ន គ្រួសារជាច្រើនអនុវត្តល្អភារកិច្ចជាប្ដីប្រពន្ធមានស្មារតីយល់ដឹងខ្ពស់ ក្នុងការអប់រំកូនចៅជំ​នាន់ក្រោយឱ្យមានសណ្ដាប់ធ្នាប់រស់នៅល្អប្រសើរជាង។

ប្ដីប្រពន្ធបងគឺមចៀង‑បងស្រីគឹមធីសាថែ។

រយៈកាលជាង ៣០ ឆ្នាំកន្លងបានរៀបអាពាហ៍ គ្រួសារបងគឹមចៀង-បងស្រីគឹមធីសាថែ(នៅ​ភូមិស្រីឯក ឃុំតឹបង៉ាយ ស្រុកទីវកឹង) តែងប្ដេជ្ញាចិត្តរក្សាសុភមង្គលពេញលេញសម្រាប់គ្រួសារ។ បច្ចុប្បន្ន គ្រួសារបងមិនត្រឹមតែមានលំនៅឋានសមរម្យ ប្រកបដោយផាសុកភាពឡើយ  កូនទាំង ២ រូបរបស់បងមានការរៀនសូត្របានល្អទៀតផង។ បងគឹមចៀង ចែករំលែក៖ ដើម្បីរក្សាសុភមង្គលបានពេញលេញសម្រាប់គ្រួសារ ប្ដីប្រពន្ធមិនគប្បីប្រកាន់​ថានោះជាការងាររបស់ប្ដី នោះជាការងារប្រពន្ធ ភារៈនរណាអ្នកនោះធ្វើឡើយ បែរមកពិនិត្យមើលពីពេលវេលាដើម្បីសម្រេចកិច្ចការ បើការងារស្ថិតក្នុងនាទីស្រ្តីរ៉ាប់រង ប៉ុន្តែប្ដីក៏មានបន្ទុកជួយប្រពន្ធឱ្យឆាប់​បានរួចស្រេចដើម្បីចាប់ផ្ដើមកិច្ចការដទៃទៀត។

បច្ចុប្បន្ន គ្រួសារបងគឹមចៀង មានការងារជាច្រើនត្រូវបំពេញដោយប្ដីប្រពន្ធបងជា​អ្នករ៉ាប់រង។ ក្រៅពីការចិញ្ចឹមសត្វធាតុ គ្រួសារបងនៅទាំងផលិតស្រូវជិត ២ ហិកតា ប៉ុន្តែប្ដីប្រពន្ធបងនៅតែអត់ធ្មត់ធ្វើដើម្បីទុកពេលវេលាឱ្យកូនទាំង​ពីរនឹងនរចិត្តក្នុងការរៀនសូត្រ។ បងគឹមចៀងចែករំលែកបន្ថែម៖​ ជំនាន់ខ្លួនកើតមករៀនសូត្របានតិចតួច ជីវភាពជួបការលំបាក ប្ដីប្រពន្ធត្រូវខិតខំដើម្បីជីវភាពអនាគតរបស់កូនៗឲ្យបានល្អប្រសើរជាង។ បច្ចុប្បន្ន កូនស្រីច្បង​កំពុងបំពេញការងារនៅមន្ទីរពេទ្យមិញតឹម (ទីក្រុងត្រាវិញ) កូនប្រុសពៅកំពុងធ្វើការឱ្យ​មូលដ្ឋានជួសជុលគ្រឿងយន្តមួយនៅឃុំហ៊ីវទ្រុង។

ដើម្បីស្ងើចសរសើរបណ្ដាគ្រួសារវប្បធម៌ឆ្នើម ជារៀងរាល់ឆ្នាំ ឃុំតឹបង៉ាយតែងចាត់​តាំងពិធីជួបជុំគ្រួសារវប្បធម៌ឆ្នើមដែលអនុវត្ត​ល្អរបៀបរស់នៅអារ្យធម៌ គ្រួសារវប្បធម៌។ អ្នកស្រីង្វៀងធីកេវយីម ប្រធានគណៈកម្មាធិការ​ប្រជាជនឃុំតឹបង៉ាយបានឱ្យដឹង៖ ចាត់តាំងពិធីជួបជុំគ្រួសារឆ្នើមអំណរទិវាគ្រួសារវៀត​ណាមគឺសំដៅពង្រីកទូលាយបណ្ដាគ្រួសារឆ្នើមក្នុងការកសាងគ្រួសារកក់ក្ដៅ សមភាព ជឿនលឿន សុភមង្គល ជួយឱ្យចលនាកសាងជីវភាពវប្បធម៌មានលក្ខណៈស៊ីជម្រៅជាង​ទៅក្នុងជីវភាពប្រជាជន។ទន្ទឹមនឹងនោះពញ្ញាក់បន្ថែមទៀតបណ្ដាតម្លៃប្រពៃណីដូចជា៖ ទឹកចិត្តស្នេហាជាតិ ស្នេហាមាតុភូមិ ស្រឡាញ់ស្និទ្ធស្នាលជាមួយគ្នា មានកតញ្ញូតាធម៌ សង្វាតរៀនសូត្រ។ល។ បានបណ្ដាសមាជិកក្នុងគ្រួសារវៀតណាមរក្សា ផ្ដួចផ្ដើម និងពង្រីក។

ជាមួយការយកចិត្តទុកដាក់របស់រដ្ឋអំណាច អង្គការមហាជនគ្រប់លំដាប់ថ្នាក់ ម៉្លោះហើយ ទិវាគ្រួសារវៀតណាមកាន់តែជួយឱ្យមនុស្សជាច្រើនយល់បានថា នេះជាទិវា​គោរពតម្កើង ប្រពៃណីរបស់គ្រួសារ ទិវាដែលអ្នកគ្រប់គ្នាក្នុងគ្រួសារយកចិត្តទុកដាក់ដល់គ្នា ឆ្ពោះមកកាន់គ្រួសារ សង្គមយកចិត្តទុកដាក់ដល់កុមារ បណ្ដាគូប្ដីប្រពន្ធយោគយល់ពីតម្លៃគ្រួសារកក់ក្ដៅ រួចរួមគ្នាកសាងគ្រួសារធូរធា សមភាព ជឿនលឿន និងសុភមង្គល និងរីកចម្រើន រួមចំណែកកសាងអត្តសញ្ញាណវប្បធម៌ជនជាតិ។ ទិវាគ្រួសារវៀតណាមជាព្រឹត្តិការណ៍វប្បធម៌ធំមួយដើម្បីលើកតម្កើងបណ្ដាតម្លៃវប្បធម៌ប្រពៃណីរបស់គ្រួសារវៀតណាម ជាឱកាសដើម្បីបណ្ដាគ្រួសាររក្សាទុក ចែករំលែកបទពិសោធន៍កសាងគ្រួសារវប្បធម៌ ឆ្ពោះទៅភាពអភិវឌ្ឍន៍គ្រួសាររឹងមាំ ដើម្បីលើកកម្ពស់ជាងទៀតបន្ទុករបស់បុរស និងស្រ្តីក្នុងការងារថែទាំជីវ​ភាពគ្រួសារដែល បានចែករំលែក និងគោរព៕

អត្ថបទ‑រូបថត៖ ថាច់សម្បត្តិ