ទីវកឹង៖ ចាត់តាំងពិធីជួបជុំខួបអនុស្សាវរីយ៍ឆ្នាំទី ៤២ ទិវាជនពិការ វៀតណាម (១៨/៤/១៩៨០-១៨/៤/២០២២)

តាមថ្នាក់ដឹកនាំសមាគមគាំពារជនពិការនិងអ្នកជ្រាបជាតិពុលឌីអូស៊ីនស្រុកទីវកឹងឲ្យដឹង៖ បច្ចុប្បន្ននេះ ទូទាំងស្រុកមានមនុស្ស ៤.៤៥៣ នាក់កំពុងទទួលផលពីរបបគោលនយោបាយ គាំពារសង្គម ក្នុងនោះ មានជនពិការ និងអ្នកជ្រាបជាតិពុលឌីអូស៊ីនជាង ២.២០០ នាក់ ។ គិតជាមធ្យមក្នុងមួយឆ្នាំមុខសញ្ញាទាំងនេះ បានបក្ស រដ្ឋចំណាយថវិកាឧបត្ថម្ភ ៣០ ពាន់លានដុង។​ ជនពិការទាំងនេះ បានក្រុមគ្រួសារថែទាំនៅនឹងផ្ទះ ទន្ទឹមនឹងនោះ បានគណៈកម្មាធិការបក្ស និងរដ្ឋអំណាច អង្គការមហាជនមូលដ្ឋានយកចិត្តទុកដាក់ ឧបត្ថម្ភជាប្រចាំផងដែរ។ គិតតាំងពីខែមេសា ឆ្នាំ ២០២១ ដល់ខែមេសា ឆ្នាំ ២០២២ សមាគមគាំពារចលនាបណ្តាអង្គការចាត់តាំង បុគ្គល និងសប្បុរសជន ទាំងក្នុងនិងក្រៅប្រទេសឧបត្ថម្ភថវិកា និងសម្ភារគិតជាតម្លៃជាង ០២ ពាន់លានដុង ឧបត្ថម្ភដល់ជនពិការដែលជួបការលំបាកនិងអ្នកជ្រាបជាតិពុលឌីអូស៊ីនក្នុងស្រុក។ ថ្វីត្បិតដូច្នោះ អាស្រ័យលក្ខណៈសេដ្ឋកិច្ចរបស់ស្រុកគឺកសិកម្ម ជនបទ ម៉្លោះហើយ ជីវភាពរបស់ជនពិការ និងអ្នកជ្រាបពុលឌីអូស៊ីនមួយចំនួន និងអ្នកជំងឺក្រីក្រក៏នៅមិនទាន់បានកែលម្អ អាស្រ័យហេតុនោះហើយ អ្នកទាំងនេះត្រូវការឧបត្ថម្ភពីសហគមន៍។

ស្របក្នុងឱកាសនេះដែរ សមាគមគាំពារជនពិការ និងអ្នកជ្រាបជាតិពុលឌីអូស៊ីនស្រុកទីវកឹង ជូនអំណោយ ២០០ ចំណែកដល់ជនពិការ និងអ្នកជ្រាបជាតិពុលឌីអូស៊ីន អ្នកមានវ័យចាស់អនាថា ដែលមានជីវភាពក្រលំបាកនៅឃុំតឹបង៉ាយ (១១០ ចំណែក) និងង៉ាយហ៊ុង (៩០ ចំណែក)។ អំណោយមួយចំណែកៗរួមមានគ្រឿងឧបភោគនិង ប្រាក់គិតជាតម្លៃ ៥០០.០០០​ ដុង សរុបតម្លៃនៃអំណោយទាំងអស់ជាង ១០០ លានដុង៕               

ថាញ់ក្វាង- ថាច់ហៀង

សប្បុរសជនជូនអំណោយដល់ជនពិការ។ រូបថត៖ ថាញ់ក្វាង