ទទួលស្គាល់ឃុំទ្រឿងទ័រសម្រេចលក្ខឋានជនបទថ្មី

     កាលពីថ្ងៃទី ១២ ខែកក្កដា ឃុំទ្រឿងទ័រ ស្រុកកូវង៉ាង ចាត់តាំងពិធីប្រកាសសេចក្ដីសម្រេចចិត្តរបស់ប្រធានគណៈកម្មាធិការប្រជាជនខេត្ត ទទួលស្គាល់ឃុំសម្រេចលក្ខឋានជនបទថ្មីឆ្នាំ ២០២១។

    ក្នុងការផ្សព្វផ្សាយអនុវត្តកម្មវិធីគោលដៅជាតិកសាងជនបទថ្មី ឃុំទ្រឿងទ័រ កៀរគរបានប្រភពថវិកាជាង ១៦៧ ពាន់លានដុង។ ក្នុងនោះថវិកាមជ្ឈិមជាង ១៣ ពាន់លានដុង ថវិកាខេត្តជាង ៨,៧ ពាន់លានដុង ថវិកាស្រុកជាង​ ៤,៧ ពាន់លានដុង ទុនកៀរគរក្នុងប្រជាជនជាង ២,១ ពាន់លានដុង។ល។ ភូមិចំនួន ៦/៧ ភូមិលើភូមិសាស្រ្តសម្រេចលក្ខឋានវប្បធម៌ ជនបទថ្មី។ ៧/៧ ភូមិបានទទួលស្គាល់សម្រេចសុវត្ថិភាពអំពីសន្តិសុខសណ្ដាប់ធ្នាប់។ ឃុំបានគណៈកម្មាធិការប្រជាជនស្រុកទទួលស្គាល់សម្រេចលក្ខឋានរឹងមាំអំពីការពារជាតិ សន្តិសុខឆ្នាំ ២០២១។ ទូទាំងឃុំ មានលំនៅឋាន ១.៩៦៥/២.៥១១ ខ្នងសម្រេចលក្ខឋានតាមការកំណត់របស់ក្រសួងស្ថាបនា ស្មើអត្រា ៧៨%។ អត្រាគ្រួសារក្រីក្រនៅចំនួន ១,៩៤% ពលករចំនួន ៥.២៤៥ រូបមានសមត្ថភាពចូលរួមពលកម្មជាប្រចាំ សម្រេចអត្រា ៩៥,៣% ប្រៀបជាមួយចំនួនពលករមូលដ្ឋាន។ ប្រាក់ចំណូលគិតជាមធ្យមនៃមនុស្សម្នាក់ក្នុងឆ្នាំ ២០២១ សម្រេច ៥២,៤៦៧ លានដុង កើន ៧,៤៦៧ លានដុងប្រៀបជាមួយឆ្នាំ ២០២០។ល។

ថ្នាក់ដឹកនាំគណៈកម្មាធិការបក្ស គណៈកម្មាធិការប្រជាជនឃុំទ្រឿងទ័រ ទទួលបណ្ណទទួលស្គាល់ឃុំសម្រេចលក្ខឋានជនបទថ្មី។

    នៅក្នុងពិធីប្រកាសសេចក្ដីសម្រេចចិត្ត​ទទួលស្គាល់បានការផ្ដល់សិទ្ធិពីប្រធានគណៈកម្មាធិការប្រជាជនខេត្ត ថ្នាក់ដឹកនាំគណៈកម្មាធិការបក្សស្រុក គណៈកម្មាធិការប្រជាជនស្រុកស្រុកកូវង៉ាងបានជូនបណ្ណទទួលស្គាល់ឃុំទ្រឿងទ័រសម្រេច​លក្ខឋានជនបទថ្មីដល់ថ្នាក់ដឹកនាំគណៈកម្មាធិការបក្ស គណៈកម្មាធិការប្រជាជនឃុំទ្រឿងទ័រ។ ជូនបណ្ណសរសើរចំនួន ៤ ច្បាប់របស់គណៈកម្មាធិការប្រជាជនខេត្តដល់បុគ្គល ៤ រូប និងជូនលិខិតសរសើររបស់គណៈកម្មាធិការប្រជាជនស្រុកកូវង៉ាង ១១ ច្បាប់ ដល់សមូហភាព ១ កន្លែង និងបុគ្គល ១០ រូបដែលមានស្នាដៃឆ្នើមក្នុងការអនុវត្តន៍កម្មវិធីគោលដៅជាតិកសាងជនបទថ្មីឆ្នាំ ២០២១៕    ​​​

ដំណឹង-រូបថត៖ ថាច់សម្បត្តិ