ថ្នាក់ដឹកនាំខេត្តត្រាវិញចាត់តាំងទៅជួបជុំ សំណេះសំណាលជាមួយសម្ព័ន្ធឡុកត្រើយ សាខាកឹងធើដើម្បីជំរុញ វិនិយោគទុនចូលមកខេត្តត្រាវិញ

ជូនព័ត៌មានដល់ថ្នាក់ដឹកនាំសម្ព័ន្ធឡុកត្រើយក្នុងពិធីធ្វើការអំពីសក្ដានុពលនិងតម្លាភាពពង្រីកធនាគារស្រូវ អង្កររបស់ខេត្តត្រាវិញ លោក ង្វៀងគ្វិញទៀងបានឲ្យដឹងថា៖ អំពីការផលិតស្រូវលើភូមិសាស្រ្តខេត្តត្រាវិញ សរុបរួមផ្ទៃដីផលិតជាង ២០០.០០០ ហិកតា ទិន្នផលផ្ដល់ជាមធ្យម ៥,៥៤ តោនក្នុងមួយហិកតា បរិមាណផលសម្រេច ១,១៥ លានតោន ប្រមូលផ្តុំនៅបណ្តាស្រុក ទីផ្សាររួមខេត្ត ទីក្រុង។ បច្ចុប្បន្ន ខេត្តមានផ្ទៃដីផលិតស្រូវសរីរាង្គ ៣៤៨ ហិកតា បរិមាណផលសម្រេចជាង ១.៨០០ តោន ប្រមូលផ្តុំនៅ ០៤ ឃុំ៖ មីចាញ់ ហ៊ឹងមី ឡុងហ្វា និងហ្វាមិញ (ស្រុកចូវថាញ់) ផលិតផលស្រូវបានផលិតចេញភាគច្រើនសម្រេចតាមសម្បទាស្រូវរីរាង្គរបស់អន្តរជាតិ ដូចជា៖ EU, USDA, JAS។

ពិធីចុះហត្ថលេខាសហការរវាងថ្នាក់ដឺកនាំត្រាវិញ និងថ្នាក់ដឹកនាំសម្ព័ន្ធឡុកត្រើយ។

អំពីកំណត់ទិសដៅពង្រីកការផលិតស្រូវរបស់ខេត្តត្រាវិញដល់ឆ្នាំ ២០២៥ លំនឹងផ្ទៃដីផលិត ២០០.០០០ ហិកតា បរិមាណផលសម្រេចពី ០១-១,២ លានតោន ពង្រីកដីផលិតស្រូវសរីរាង្គពី ២.០០០-៣.៥០០ ហិកតា ប្រមូលផ្តុំនៅបណ្តាស្រុក៖ ចូវថាញ់ កូវង៉ាង ថ្កូវ និងយ្វៀងហាយ ស្រូវជ្រះស្អាតពី ២០.០០០-៣០.០០០ ហិកតា ប្រមូលផ្តុំពង្រីកនៅបណ្តាស្រុក៖ ចូវថាញ់ កូវង៉ាង ថ្កូវ កាងឡុង និងកូវកែ។ ជំរុញទឹកចិត្តឲ្យអនុវត្តបណ្តារបៀបផលិតស្ថិរភាពតាមសម្បទា (VietGAP) តាមទិសដៅប្រិតសំចៃទឹក បង្កើនការប្រើប្រាស់ជី កាត់បន្ថយការប្រើថ្នាំការពាររុក្ខជាតិ គីមីសាស្រ្តសំដៅកាត់បន្ថយប្រាក់ចំណាយ បង្កើនទិន្នផល គុណភាព សុវត្ថិភាពគ្រឿងបរិភោគ អនាម័យបរិស្ថាន។ល។

ដើម្បីវិនិយោគទុនចូលមកខេត្តត្រាវិញ ក្នុងរយៈពេលខាងមុខ សម្ព័ន្ធឡុកត្រើយក៏ស្នើឲ្យថ្នាក់ដឹកនាំគណៈកម្មាធិការប្រជាជនខេត្តត្រាវិញគប្បីឡើងគម្រោងផែនការតំបន់វត្ថុធាតុដើមព្រមៗគ្នាដើម្បីសម្ព័ន្ធឡុកត្រើយវិនិយោគ។ ខេត្តឡើងគម្រោងផែនការបានប៉ុនណា គឺសម្ព័ន្ធឡុកត្រើយវិនិយោគប៉ុណ្ណោះ។ អំពីឈើហូបផ្លែនឹងវិនិយោគទុនពូជ ចងសម្ព័ន្ធជាមួយឈ្មួញដើម្បីទិញផលិតផលរបស់ប្រជាជន (ទុរេន ស្វាយ) ច្រកចេញសម្ព័ន្ធឡុកត្រើយនឹងធានាប្រមូលទិញផលិតផល។ល៕                                                

ប្រែសម្រួល៖ តឹងង៉ុក