ត្រាវិញ៖ កម្មករ ១០០% វិលត្រឡប់មកធ្វើការបន្ទាប់ពីសម្រាកបុណ្យតេត

តាមគណៈគ្រប់គ្រងតំបន់សេដ្ឋកិច្ចខេត្តត្រាវិញ គិតមកទល់ពេលនេះ បណ្ដាអាជីវកម្មនៅតំបន់សេដ្ឋកិច្ចឌិញអាង តំបន់ឧស្សាហកម្មឡុងឌឹកចាប់ផ្ដើមដំណើរការសកម្មភាពផលិត ដោយមានកម្មករចំនួន ១៥.៦០០ នាក់វិលត្រឡប់មកធ្វើការវិញបន្ទាប់ពីសម្រាកបុណ្យតេត សម្រេចអត្រា ១០០% នៃចំនួនកម្មករដែលធ្វើការក្នុងអាជីវកម្មនីមួយៗ។

លោកត្រឹងវៀងភឿង អនុប្រធានគណៈគ្រប់គ្រងតំបន់សេដ្ឋកិច្ចខេត្តត្រាវិញឲ្យដឹងថា៖បណ្ដាអាជីវកម្មចាប់តាំងពីពេលចាប់ផ្ដើមធ្វើសកម្មភាពបន្ទាប់ពីសម្រាកបុណ្យតេតសុទ្ធសឹងអនុវត្តល្អការងារបង្ការទប់ស្កាត់អាសន្នរោគកូវីដ-១៩។ កម្មករគ្រប់រូបតែងបានធ្វើតេស្ដរហ័សកូវីដ-១៩ អនុវត្តវិធានការ”៥K” មុនពេលចូលកាន់កន្លែង ធ្វើការ។

កម្មករវិលមកធ្វើការក្នុងក្រុមហ៊ុនជួសជុលគ្រឿងម៉ាស៊ីន។ រូបថត៖ រតនា

លោកវៀងភឿងឲ្យដឹងបន្ថែម កម្មករគ្រប់រូបធ្វើការក្នុងអាជីវកម្មនៅតំបន់សេដ្ឋកិច្ចឌិញអាង តំបន់ឧស្សាហកម្មឡុងឌឹក សុទ្ធសឹងបានចាក់វ៉ាក់សាំងបង្ការជំងឺកូវីដ-១៩ តិចបំផុត ០២ ម្ជុលនិងពេលចាក់វ៉ាក់សាំងបានឆ្លងរយៈពេល ១៤ ថ្ងៃ។ សញ្ញាមួយគួរឲ្យត្រេកអរភាគច្រើនសម្រាប់បណ្ដាអាជីវកម្មលើភូមិសាស្រ្ដខេត្តគឺក្នុងឆ្នាំ ២០២២ នេះ មុខទំនិញជាច្រើនបានអង្គភាពចុះកិច្ចសន្យាសហការជាមួយបណ្ដាដៃគូ អាស្រ័យហេតុនោះតម្រូវការជ្រើសយកពលករក៏បានបណ្ដាអង្គភាពមានផែនការជ្រើសយកបន្ថែមរាប់រយរាប់ពាន់នាក់ទៀត។ ហេតុដូច្នោះនេះក៏ជាការសាកល្បងនៅពេលខាងមុខនឹងត្រូវការឧបត្ថម្ភពីបណ្ដាផ្នែកជំនាញ បណ្ដាមូលដ្ឋានក្នុងខេត្តអំពីការជ្រើសរើសពលករ ការឧបត្ថម្ភបណ្ដុះបណ្ដាលពលករឲ្យមានវិជ្ជាជីវៈ។

លោកង្វៀងគ្វិញទៀង អនុប្រធានគណៈកម្មាធិការប្រជាជនខេត្តឲ្យដឹងថា តាមការព្យាករណ៍ក្នុងឆ្នាំ បណ្ដាអាជីវកម្មត្រូវការជ្រើសរើសពលករជាច្រើន ហេតុដូច្នោះហើយស្នើបណ្ដាមន្តីរ ផ្នែក មូលដ្ឋានបន្ដឧបត្ថម្ភក្នុងការជ្រើសរើស។

អនុប្រធានគណៈកម្មាធិការប្រជាជនខេត្តង្វៀងគ្វិញទៀងក៏មានបំណងឲ្យបណ្ដាអាជីវកម្មបន្ដអនុវត្តល្អគោលនយោបាយ គិតគូរជីវភាពពលករ។

“ខេត្តតែងរួមដំណើរជាមួយអាជីវកម្មក្នុងការឧបត្ថម្ភ បង្កលក្ខណៈល្អបំផុតដើម្បីអាជីវកម្មរីកចម្រើន រួមចំណែកដោះស្រាយការងារធ្វើជូនពលករ។ យោងតាមនោះបង្កលក្ខណៈវិនិយោគដើម្បីបន្ដទាក់ទាញម្ចាស់វិនិយោគចូលមកក្នុងខេត្ត” លោកង្វៀងគ្វិញទៀងឲ្យដឹងបន្ថែមដូច្នេះ៕     

ប្រែសម្រួល៖ លឺវវូ