ជួបជាមួយម្ចាស់ពានរងទី ១ នៃពិធីប្រឡង “ចម្រៀង TVU លើកទី ២” ឆ្នាំ ២០២២ សាលាសាកលវិទ្យាល័យត្រាវិញ

ប្អូនគឹមធីថាញ់ស្វឹង កើត​ឆ្នាំ ២០០៣ នៅ​ភូមិស្លែងថ្មី ឃុំភឿកហ៊ឹង ស្រុកថ្កូវ។ ដំណាក់កាលរៀនវិទ្យាល័យ ថាញ់ស្វឹង ជាសិស្សពូកែម្នាក់របស់សាលាសកលជនជាតិអន្តេវាសិកអនុវិទ្យាល័យ-វិទ្យាល័យស្រុកថ្កូវ ។ បច្ចុប្បន្ន ថាញ់ស្វឹង ជានិស្សិតឆ្នាំដំបូងផ្នែកមហាវិទ្យាល័យគរុកោសល្យសាលាសាកលវិទ្យាល័យត្រាវិញ សមាជិកាក្លឹប " និស្សិតល្អ ០៥​ យ៉ាង”  ប្រធានក្លឹបមុខជំនាញគរុកោសល្យសាលាសាកលវិទ្យាល័យត្រាវិញ ។ ថាញ់ស្វឹង មានចរិតសុភាពរាបសាគោរពលោកគ្រូ អ្នកគ្រូ ខិតខំរៀនសូត្របានល្អ បានគ្រូបង្រៀន និងមិត្តភក្តិស្រឡាញ់រាប់អាន។

ថាញ់ស្វឹង រីករាយទទួលរង្វាន់ពានរងទី ១ ជាមួយនឹងគ្រួសារ។

ថាញ់ស្វឹងបានឲ្យដឹងថា៖ ដំណើរការរៀនសូត្ររបស់ប្អូននៅយូរអង្វែង ទោះបីប្អូនចូលចិត្តច្រៀងក៏ដោយ តែប្អូនកំណត់យកការរៀនសូត្រជាកត្តាសំខាន់ ប្អូនខំរៀនឱ្យបានល្អ ដើម្បីបានធ្វើជាគ្រូបង្រៀនបឋមសិក្សា បង្រៀនសិស្សជនជាតិខ្មែរនៅស្រុកកំណើតប្អូន។ ប្អូនយល់ឃើញថា កុមារជនជាតិខ្មែរ ដែលរៀនកម្រិតបឋមសិក្សា នៅអន់ខ្សោយអំពីការសន្ទនាជាភាសាវៀតណាម ដូច្នេះនៅពេលដែលគ្រូបង្រៀនពន្យល់មេរៀនជាភាសាវៀតណាម ប្អូនៗមិនសូវយល់មេរៀនប៉ុន្មានឡើយ។ ប្រសិនបើអនាគត ប្អូនបានធ្វើជាគ្រូបង្រៀនកម្រិតបឋមសិក្សា​ ប្អូននឹងពន្យល់មេរៀនដល់ប្អូនៗជនជាតិខ្មែរ ជាពីរភាសាវៀត-ខ្មែរ ដើម្បីប្អូនៗងាយយល់មេរៀន និងរៀនសូត្របានជឿនលឿន។

សំណេះសំណាលអំពីការចូលរួមក្នុងក្លឹប “និស្សិតល្អ ០៥ យ៉ាង” ថាញ់ស្វឹង បានឲ្យដឹងបន្ថែមថា៖ចូលរួមក្លឹប “និស្សិតល្អ ០៥ យ៉ាង” បង្កលក្ខណៈឲ្យប្អូនមានឱកាសរៀនសូត្របានច្រើនដើម្បីបំពាក់បំប៉នចំណេះដឹង ជាពិសេសបំពាក់បំប៉នបណ្តាមុខជំនាញ ទេពកោសល្យដូចជា៖ វិធីសាស្រ្តក្នុងការសន្ទនានៅចំពោះមុខមហាជន ម្ចាស់ការក្នុងការទំនាក់ទំនង ពិសេសជាងទៀតជំនួយឲ្យប្អូនធ្វើបានល្អតួនាទីជាប្រធានក្លឹបគរុកោសល្យ។ នេះជាកត្តាសំខាន់ដែលប្អូនមិនអាចរៀនដោយខ្លួនឯងតាមរយៈសៀវភៅពុម្ពឡើយ។

បងលីមិញធ្វឹង ប្រធានក្លឹប “និស្សិតល្អ ០៥ យ៉ាង” សាលាសាកលវិទ្យាល័យត្រាវិញ មានប្រសាសន៍ថា៖ ចលនាក្លឹប “និស្សិតល្អ ០៥ យ៉ាង”  គឺជាចលនាដ៏ធំមួយរបស់សមាគមនិស្សិតវៀតណាមនិយាយរួម និងសមាគមនិស្សិតសាលាសាកលវិទ្យាល័យត្រាវិញនិយាយដោយឡែក។ ឆ្លងតាមរយៈក្លឹបនេះ បានរួមចំណែកក្នុងការកសាងរូបភាពនិស្សិតព្រមដោយគុណសម្បត្តិ ០៥ យ៉ាង៖ មានសីលធម៌ល្អ ការសិក្សាល្អ កម្លាំង មាំមួន ការស្ម័គ្រចិត្តល្អ សមាហរណកម្មល្អ។ ចំពោះ ថាញ់ស្វឹង ថ្វីត្បិតតែទើបចូលរួមក្លឹបបានជាង ០១ ឆ្នាំក៏ដោយ ប៉ុន្តែដោយមានចរិតរវៀសរវៃ អស់ពីចិត្តក្នុងការងារ រួមជាមួយនឹងស្នាដៃដែលសម្រេចបានពីការចូលរួមបណ្តាសកម្មភាពរបស់ក្លឹប ថាញ់ស្វឹង បានជាតួអង្គដ៏សំខាន់ម្នាក់របស់ក្លឹប តំណាងឱ្យក្លឹបចូលរួមបណ្តាកម្មវិធីធំៗ ជាច្រើនដែលសម្ព័ន្ធយុវជន - សមាគមនិស្សិត និងសាកលវិទ្យាល័យចាត់តាំង។ រួមចំណែកយ៉ាងសកម្មដល់ការអភិវឌ្ឍន៍របស់ក្លឹប ដើម្បីទាក់ទាញនិស្សិតរបស់សាលាចូលរួមប្រជុំជីវភាពក្លឹបឲ្យបានកុះករជាងទៀត។

រៀនមហាវិទ្យាល័យមិនទាន់ពេញ ០​១ ​ឆ្នាំផង ថាញ់ស្វឹង ទទួលបានរង្វាន់ពិសេស​ៗជាច្រើនក្នុងបណ្តាពិធីប្រឡង អាស្រ័យដោយសាលាសាកលវិទ្យាល័យ​ត្រាវិញចាត់តាំង ​ដូច​ជា៖ រង្វាន់លេខ ​៣ ចម្រៀងទោលនាពិធី​ប្រឡងចម្រៀង រាំ និង​ប្រគំតន្ត្រី របស់ជនជាតិខ្មែរអំណរបុណ្យចូលឆ្នាំថ្មីឆ្នាំ ២០២២។ រង្វាន់លើកទឹកចិត្តនៃពិធីប្រឡងចំណាប់អារម្មណ៍ចំពោះសៀវភៅដែលសរសេរអំពីជីវប្រវត្តិ និងបុព្វហេតុរបស់អ៊ំ អំណរនាទិវាខួបកំណើតលើកទី ១៣២ របស់លោកប្រធានហូជីមិញ (ថ្ងៃទី ១៩ ឧសភា ឆ្នាំ ១៨៩0 - ថ្ងៃទី ១៩ ខែឧសភា ឆ្នាំ ២0២២)។ ចំពោះពិធីប្រឡង “ចម្រៀង TVU លើកទី ២” ឆ្នាំ ២0២២ ថាញ់ស្វឹងទទួលបានពានរងទី ១៕

អត្ថបទ‑រូបថត៖សុជា