ឆន្ទៈឈានឡើងរៀនសូត្រពូកែរបស់សិស្សជនជាតិខ្មែរ

ប្អូនថាច់គ្វី។​ រូបថត៖ គីមយុង

បច្ចុប្បន្ន ប្អូនថាច់គ្វីជាសិស្សថ្នាក់ទី ១២ក សាលាសកលជនជាតិអន្តេវាសិកវិទ្យាល័យខេត្តត្រាវិញ។ ក្នុងរយៈពេល ១២ ឆ្នាំសិក្សា ពិតជាគ្រួសារនៅជួបការលំបាក និងគិតគូរសព្វបែបបយ៉ាងក៏ដោយប៉ុន្តែប្អូនខិតខំព្យាយាមរៀនសូត្រសម្រេចនិទ្ទេសពូកែជានិច្ច។ ប្អូនមានស្មារតីរស់នៅខ្លួនឯង ខិតខំរៀនសូត្រយ៉ាងល្អ ពីព្រោះប្អូនតែងដឹងច្បាស់ពីស្ថានភាពគ្រួសារនៅជួបលំបាក ម្ដាយទើបស្លាប់ ក្នុងពេលផ្ទុះឡើងអាសន្នរោគកំពូលបំផុតកាលពីខែសីហា ឆ្នាំ ២០២១។ ភាពខ្វះខាត ព្រួយបារម្ភ ប៉ុន្តែប្អូនខំសង្កត់ចិត្តចំពោះការនឹករលឹកដល់អ្នកម្ដាយអត់ធ្មត់ឈានឡើងតាមបងស្រីទៅទីក្រុងហូជីមិញរកការងារធ្វើក្នុងពេលផ្អាករៀនសូត្រ។ ខែមករា ឆ្នាំ ២០២២ ចាប់ផ្ដើមបានប្រមូលផ្ដុំមកសាលារៀន ប្អូនពីទីក្រុងហូជីមិញមកត្រាវិញដើម្បីមកកាន់សាលារៀនស្នាក់នៅរៀនសូត្រ។ គ្វីតែងមានឆន្ទៈរស់នៅប្រកបដោយភាពខ្លាំងក្លា រយៈពេលរៀននៅអនុវិទ្យាល័យនៅឃុំកោះ ពីផ្ទះទៅសាលារៀនក៏ឆ្ងាយបង្គួរ ប៉ុន្តែប្អូនសែនខិតខំរៀនបានពូកែ និងស្ថិតនៅក្នុងក្រុមជម្រើសប្រឡងសិស្សពូកែវិញ្ញាសាគណិតវិទ្យារបស់សាលាអនុវិទ្យាល័យឡុងវិញ។ ឡើងកម្រិតវិទ្យាល័យសាលាសកលជនជាតិខេត្ត ក្រៅពីម៉ោងរៀន គ្វីនៅទាំងធ្វើការបន្ថែមដើម្បីរកប្រាក់នៅពេលសម្រាក និងឱកាសវិស្សមកាល  ម៉្លោះហើយប្អូនគ្មានពេលផ្ដុំឱ្យការរំលឹកមេរៀនប្រឡងសិស្សពូកែទៀត ប៉ុន្តែប្អូននៅតែរក្សាសម្រេចនិទ្ទេសសិស្សពូកែនៅបណ្ដាឆ្នាំសិក្សាវិទ្យាល័យនេះ។ តាមការគ្រោងទុក ប្អូនខិតខំរៀនសូត្រឱ្យបានល្អដើម្បីប្រឡងចូលផ្នែកនគរបាល។ ប្អូនសំណេះសំណាលថា ផ្នែកនេះ ប្អូនទើបមានឱកាសចំពោះផ្នែកដទៃៗ ខ្លាចប្អូនមិនគ្រប់សមត្ថភាពតាមរៀន ពីព្រោះបញ្ហាប្រាក់សាលា ម្ដាយស្លាប់ ហើយប្អូនក៏ត្រូវទៅធ្វើការបន្ថែម ក្រៅពីរកប្រាក់ចំណូលបន្ថែមផ្គត់ផ្គង់សម្រាប់ជីវភាពនៅស្រុកកំណើតដោយមានបងស្រីពីរនាក់ទៀត។ ជាមួយអត្តចរិតរហ័សរហួន សំភីព្យាយាម របស់គ្វី គឺដឹងបានថាប្អូនមានចរិតរស់នៅឯកឯងខ្ពស់។ នៅថ្នាក់រៀន ឬក៏អន្តេវាសិកដ្ឋាន ប្អូនតែងរហ័សរហួន ជួយមិត្តភ័ក្តិដោយសុទ្ធចិត្ត មិនជិនឆ្អន់ចំពោះកិច្ចការចាំបាច់។​ គ្វីមានអត្តចរិតស្លូតបូត ចេះអត់ធន់ និងរួសរាយជាមួយបណ្ដាមិត្តភ័ក្ដិ ម៉្លោះហើយបណ្ដាមិត្តភ័ក្ដិ លោកគ្រូអ្នកគ្រូក៏ស្រឡាញ់រាប់អានប្អូន។ គ្វីក៏តែងឡើងទៅបណ្ណាល័យរបស់សាលា ខ្ចីសៀវភៅ កាសែតមកស្រាវជ្រាវស្វែងយល់ដើម្បីបង្កើនបន្ថែមចំណេះដឹងសម្រាប់ខ្លួន។ ប្អូនគឺជាគំរូសិស្សក្រីក្រឆ្លងកាត់ការលំបាកឈានឡើងក្នុងការរៀនសូត្រនិងទាំងក្នុងជីវភាព។ សង្ឃឹមថាប្អូននឹងមានអនាគតភ្លឺស្វាងដោយឆ្លងកាត់ការលំបាក ពីសមត្ថភាព ឆន្ទៈរបស់ខ្លួន។ សូមជូនពរឱ្យប្អូនប្រឡងជាប់ចូលផ្នែកមហាវិទ្យាល័យនគរបាលដូចប្អូនបានប្រាថ្នា៕ ​​​

គឹមយុង‑សម្បត្តិ