ឃុំឡុងហ្វា” ប៉ិនប្រសប់កិច្ចការប្រជាចលនា “ ក្នុងការបង្ការ ទប់ស្កាត់អាសន្នរោគកូវីដ ១៩

ឃុំឡុងហ្វាជាឃុំមួយក្នុងចំណោម ០២ ឃុំកោះសមុទ្ររបស់ស្រុកចូវថាញ់។ ពេលអាសន្នរោគកូវីដ‑១៩ កើតមានឡើង ក៏ដូចជាបណ្តាមូលដ្ឋានដទៃដែរ ឃុំឡុងហ្វាតែងអនុវត្តម៉ឺងម៉ាត់បណ្តាវិធានការបង្ការ ទប់ស្កាត់អាសន្នរោគ ព្រមទាំងបំផុសចលនាកម្មាភិបាល បុគ្គលិក ប្រជាជន និងអាជីវកម្មក្នុងឃុំគបវាល់ប្រភពកម្លាំងសម្រាប់ធ្វើការងារបង្ការ ទប់ស្កាត់អាសន្នរោគកូវីដ‑១៩។ តាមរយៈនោះ គណៈចង្អុលការ​បង្ការ ទប់ស្កាត់អាសន្នរោគកូវីដ‑១៩ ឃុំ គណៈកម្មាធិការរណសិរ្សមាតុភូមិវៀតណាមឃុំ ចាត់ឲ្យបណ្តាអង្គការមហាជន គណៈកម្មការប្រជាជន គណៈការងាររណសិរ្សបណ្តាភូមិផ្សព្វផ្សាយ ចលនាប្រជាជនចូលរួមគបវាល់មូលនិធិបង្ការ ទប់ស្កាត់អាសន្នរោគកូវីដ‑១៩។

សមាជិកាដណ្តាំស្លជូនតំបន់ចត្តាឡីស័ក។ រូបថត៖ ង៉ុកស្វង

ផ្តើមពីការងារផ្សព្វផ្សាយ ចលនារបស់មូលដ្ឋានអំពីគ្រោះថ្នាក់នៃអាសន្នរោគ បណ្តាវិធានការបង្ការ ទប់ស្កាត់ និងស្ថានភាពអាសន្នរោគនៅមូលដ្ឋាន ប្រជាជនមិនត្រឹមតែអនុវត្តល្អបណ្តាវិធានការបង្ការ បរិច្ចាគទប់ស្កាត់អាសន្នរោគប៉ុណ្ណោះទេនៅទាំងសកម្មចូលរួមទាំងកម្លាំងកាយ បរិច្ចាគទ្រព្យសម្បត្តិដើម្បីបង្ការ ទប់ស្កាត់អាសន្នរោគ។ ឆ្លងតាមរយៈបំផុសចលនាកម្មាភិបាល បុគ្គលិក ប្រជាជន និងអាជីវកម្មក្នុងឃុំ និងសប្បុរសជន បានគបវាល់គ្រឿងឧបភោគ បរិភោគ ប្រាក់ជាដើម សរុបតម្លៃជាង ៥០០ លានដុង។

អ្នកស្រីត្រិនធីឡង ប្រធានគណៈកម្មាធិការរណសិរ្សមាតុភូមិវៀតណាមឃុំឡុងហ្វាបានឲ្យដឹង៖ ចាប់តាំងពីឃុំបំផុសចលនាភ្លាម ក៏ទទួលបានការគបវាល់អស់ពីចិត្តរបស់បណ្តាអង្គការចាត់តាំង បុគ្គល និងប្រជាជនក្នុងឃុំ។ ការគបវាល់ប្រព្រឹត្តឡើងសម្បូរបែបដូច៖ គបអង្ករ សាច់ ត្រី ប្រាក់ជាដើម។ អ្នកណាមានអីគបនោះ  ក្នុងនោះមានប្រជាជនចូលរួមគបសាច់ បន្លែ នំ ប្រដាប់ប្រដាសម្រាប់កុមារលេង។ល។ យើងខ្ញុំត្រេកអរ និងរំភើបក្នុងចិត្តក្រៃលែងចំពោះទឹកចិត្តសប្បុរសធម៌របស់ប្រជាជន។

មិនត្រឹមតែប៉ុណ្ណោះ  ដល់ថ្ងៃប្រជាជនធ្វើចត្តាឡីស័កសុខាភិបាលបានសម្រេច វិលត្រឡប់ទៅកាន់មូលដ្ឋានវិញ ប្រជាជននៅទាំងជួយជួសជុលម៉ូតូ ២៥ គ្រឿង ចាក់សាំងឲ្យម៉ូតូរាប់សិបគ្រឿងជូនប្រាក់ម្នាក់ៗ ២០០ ពាន់ដុង (៧៣ នាក់) និងមីរាប់សិបធុងផងដែរ។ មកទល់ពេលនេះ នៅប្រភពថវិកានៅឡើយ គណៈចង្អុលការបង្ការ ទប់ស្កាត់អាសន្នរោគកូវីដ‑១៩ ឃុំបន្តចំណាយថវិកានោះសម្រាប់ឧបត្ថម្ភគ្រួសារក្រីក្រ គ្រួសាររងឥទ្ធិពលពីអាសន្នរោគកូវីដ‑១៩។

សម្រេចបានលទ្ធផលក្នុងកិច្ចចលនាបណ្តាប្រភពកម្លាំងដើម្បីចូលរួមបង្ការ ទប់ស្កាត់អាសន្នរោគកូវីដ‑១៩ គឺអាស្រ័យមូលដ្ឋានអនុវត្តមានប្រសិទ្ធភាពទម្រង់ “ប៉ិនប្រសប់កិច្ចការប្រជាចលនា” ។ ទន្ទឹមនឹងនោះ ក៏អាស្រ័យការប្រើប្រាស់ប្រភពមូលនិធិរបស់មូលដ្ឋានបានប្រកាសជាសាធារណៈ ច្បាស់លាស់ មានប្រសិទ្ធភាព ត្រូវមុខសញ្ញា ម្ល៉ោះហើយ ធ្វើឲ្យប្រជាជនទុកចិត្តជានិច្ច។ លទ្ធផលសម្រេចបានដូច្នោះ ក៏អាស្រ័យមូលដ្ឋានអនុវត្តល្អការងារផ្សព្វផ្សាយ បានស៊ីជម្រៅទៅក្នុងមូលដ្ឋាន ធ្វើឲ្យសមាជិក បណ្តាអង្គការមហាជន និងប្រជាជនទុកចិត្ត និងជឿជាក់ចំពោះការដឹកនាំរបស់គណៈកម្មាធិការបក្ស រដ្ឋអំណាច​ រួចសាមគ្គីចូលរួមគបវាល់ទាំងកម្លាំងកាយ ទ្រព្យសម្បត្តិរួមជាមួយមូលដ្ឋានកម្ចាត់ជំងឺអាសន្នរោគ៕       

ប្រែសម្រួល៖ សុជា