ឃុំភឿកហ៊ឹង៖ អនុវត្តល្អរបបសម្រាប់គ្រួសារគោលនយោបាយ

             អនុវត្តគុណធម៌ “ផឹកទឹកប្រភព” “ហូបផ្លែនឹកអ្នកដាំ” ឃុំភឿកហ៊ឹង តែងយកចិត្តទុកដាក់ អនុវត្តល្អគោលនយោបាយចំពោះគ្រួសារគោលនយោ​បាយ។ ផ្ដើមពីនោះជួយឲ្យជីវភាពរបស់បណ្ដាគ្រួសារស្ថិតក្នុងក្របខ័ណ្ឌគោលនយោបាយបានកែ​លម្អ មានកម្រិតជីវភាពប្រហាក់ប្រហែល និងខ្ពស់ជាងកម្រិតជីវភាពមធ្យមរបស់​ប្រជាជនលើភូមិសាស្រ្ត។

            នាំយើងខ្ញុំទៅសួរសុខទុក្ខគ្រួសារមួយចំនួន ប្រការដែលធ្វើឱ្យយើងខ្ញុំមានក្ដីរីករាយ គឺគ្រួសារគោលនយោបាយទាំងនោះ សុទ្ធតែមានលំនៅឋានរឹងមាំ សមរម្យ ប្រកបដោយ​ផាសុកភាព។ ទើបទទួលបានការឧបត្ថម្ភថវិកាជួសជុលផ្ទះឧបការគុណ លោកយាយយឿងធីម៉ាយ នៅភូមិផ្សារសំដែងក្ដីរីករាយ៖ ខ្ញុំមានក្ដីរំភើបចិត្តយ៉ាងខ្លាំងចំពោះការយកចិត្តទុកដាក់របស់បក្ស និងរដ្ឋចំពោះបណ្ដាមុខ​សញ្ញាដូចជាគ្រួសារខ្ញុំ។ កាលពីមុនគ្រួសារក៏ទទួលបានការឧបត្ថម្ភផ្ទះឧបការគុណ ពេលផ្ទះទ្រុឌទ្រោមនោះបែរជាបានឧបត្ថម្ភថវិកាជួសជុលទៀត។ ក្រៅពីការឧបត្ថម្ភលំនៅឋាន រដ្ឋអំណាចមូលដ្ឋាននៅទាំងមកសួរសុខទុក្ខ ជូនអំណោយជាញឹកញាប់ ជួយឱ្យរូបខ្ញុំមិនបាច់បារម្ភពីការហូបចុក ការស្នាក់នៅពេលមានវ័យចាស់។

បងត្រឹងទុ្រងទឿង លេខាសម្ព័ន្ធយុវជនឃុំ ជូនអំណោយដល់គ្រួសារគោលនយោបាយ។

            ក៏នៅក្នុងផ្ទះឧបការគុណបានសាងសង់ប៉ុន្មានឆ្នាំមុននេះ លោកយាយង្វៀងធី​ហាយ(អាយុ ៩២ ឆ្នាំ) នៅភូមិផ្សារ បានឱ្យដឹង៖ ខ្ញុំមានកូនពលីជីវិតក្នុងសមរភូមិ គ្រួសារបានទទួលស្គាល់ជាគ្រួសារយុទ្ធជនពលី អ្វីដែលបក្ស និងរដ្ឋផ្ដល់មកវិញសម្រាប់​គ្រួសារខ្ញុំ ស័ក្ដិសមជាមួយអ្វីដែលគ្រួសារបានពលី។ ក្រៅពីការឧបត្ថម្ភផ្ទះ គ្រួសារនៅបានបណ្ដាផ្នែកពាក់ព័ន្ធមកសួរសុខទុក្ខ ថែទាំសុខភាពដើម្បីរូបខ្ញុំមានសុខភាពល្អ​បានរស់នៅប្រកបដោយភាពកក់ក្ដៅជាមួយកូនចៅក្នុងគ្រួសារ។

            ក្រៅពីការអនុវត្តន៍របបគោលនយោបាយតាមការកំណត់ រណសិរ្ស និងបណ្ដាអង្គការមហាជន ក៏តែងបំផុសចលនាបណ្ដាគ្រួសារដែលធូរធាលើភូមិសាស្រ្ត ឧបត្ថម្ភកជន សប្បុរសជននៅកន្លែងនានាជូនអំណោយដល់បណ្ដាគ្រួសារនៅលើភូមិសាស្រ្ត ក្នុងនោះគ្រួសារគោលនយោបាយក៏បានអាទិភាព។ សហការជាមួយគ្រួសារ នាំយកអ្នកមានវ័យចាស់ស្ថិតក្នុងគ្រួសារគោលនយោបាយទៅសម្រាកលម្ហែនៅតាមខេត្តមួយចំនួន ចាត់តាំងកន្លែងកម្សាន្ត បំផុសចលនាមុខសញ្ញាគោលនយោបាយជាអ្នកមានវ័យ​ចាស់ហាត់ប្រាណបំប៉នសុខភាព។ល។ ដើម្បីលោកយាយលោកតារស់នៅមាំមួន រស់នៅល្អ និងសំដែងពីវ័យចាស់គំរូភ្លឺស្វាង។

            អ្នកស្រីត្រឹងធីជី ប្រធានគណៈកម្មាធិការប្រជាជនឃុំភឿកហ៊ឹង បានឱ្យដឹងថា៖ ផ្ដើមពីការកៀរគររណសិរ្ស បណ្ដាអង្គការមហាជនចូលរួមអនុវត្តការងារតបស្នងសងគុណ ញ៉ាំងឱ្យការងារតបស្នងសងគុណបំពាក់ដោយអត្ថន័យជ្រាលជ្រៅជាងក្នុងជីវភាពសង្គម បានសំដែងទៅជាទង្វើយ៉ាងជាក់ស្ដែង។ រយៈពេលកន្លង បណ្ដាអង្គការមហាជន បំផុសចនា​បានអំណោយជាច្រើនចំណែកជូនដល់គ្រួសារគោលនយោបាយ ចាត់តាំងការពិនិត្យ ផ្ដល់ថ្នាំដោយឥតគិតថ្លៃសម្រាប់មុខសញ្ញាគោលនយោបាយ រួមវិភាគទានកសាងលំនៅឋាន​សម្រាប់បណ្ដាគ្រួសារគោលនយោបាយ។ល។ ជាបណ្ដាកិច្ចការប្រកបដោយភាពចាំបាច់​សម្រាប់មុខសញ្ញាគោលនយោបាយជាច្រើន។

            បងត្រឹងទ្រុងទឿង លេខាសម្ព័ន្ធយុវជនឃុំភឿកហ៊ឹងបានឱ្យដឹង៖ ក្នុងបណ្ដាខែដើមឆ្នាំ ២០២២ សម្ព័ន្ធយុវជនឃុំ សហការជាមួយបណ្ដាផ្នែកពាក់ព័ន្ធអនុវត្តកិច្ចការជាង ៣០ យ៉ាង ទាក់ទងដល់ការថែទាំ គិតគូរដល់គ្រួសារគោលនយោបាយ ក្នុងនោះ មានការសហការជាមួយរណសិរ្ស បណ្ដាអង្គការមហាជនមូលដ្ឋាន ជូនអំណោយដល់គ្រួសារគោលនយោបាយ ជូនអំណោយ ទទួលទំនុកបម្រុងការរៀនសូត្រ​របស់កូនចៅគ្រួសារគោលនយោបាយ។ល។ដើម្បីប្អូនៗបានរៀនសូត្រល្អប្រសើរជាង។

            ឃុំភឿកហ៊ឹង មានគ្រួសារគោលនយោបាយចំនួន ២១៨ គ្រួ ក្នុងនោះមានគ្រួសារយុទ្ធ​ជនជំងឺចំនួន ២៧ គ្រួ គ្រួសារយុទ្ធជនពលីចំនួន ២៩ គ្រួ អ្នកម្ដាយវៀតណាមវីរភាពចំនួន ២៩ រូប(មានអ្នកមា្ដយ ១ រូបនៅរស់)។ ក្នុងឱកាសបុណ្យតេត ចូលឆ្នាំថ្មីឆ្នាំ ២០២២ មូលដ្ឋានបំផុសចលនាបានអំណោយជាង ៩០ ចំណែកជូនដល់បណ្ដាគ្រួសារ​គោលនយោបាយ មូលដ្ឋានចាត់តាំងពិនិត្យលំនៅឋានរបស់គ្រួសារចំនួន ២៧ ខ្នងដើម្បីស្នើទៅថ្នាក់លើឧបត្ថម្ភថវិកាជួសជុល៕ 

អត្ថបទ‑រូបថត៖ សម្បត្តិ