ឃុំថាញ់ស៊ើង គិតគូរជីវភាពជូនជនរួមជាតិខ្មែរ

    ឃុំថាញ់ស៊ើង ស្រុកថ្កូវ មានភូមិចំនួន ៧ ដោយមានគ្រួសារប្រជាជន ២.០៩០ គ្រួ ក្នុងនោះ ជនជាតិខ្មែរជាង ៧៣%។ ជនរួមជាតិខ្មែរនៅទីនោះ ភាគច្រើនប្រកបរបរកសិករ ។

   ក្នុងឆ្នាំ ២០១៧ ផ្ទៀងផ្ទាត់គ្រួសារក្រីក្រដើម្បីទទួលផលតាមសេចក្ដីសម្រេចចិត្តលេខ ២៩/២០១៣/QĐ-TTg ទូទាំងឃុំមានគ្រួសារជនរួមជាតិខ្មែរក្រីក្រចំនួន ៤០២ គ្រួ ក្នុងនោះមាន​ ១២ គ្រួសារគ្មានដីផលិត ឬក៏នៅពឹងអាស្រ័យលើដីអ្នកដទៃ។ គណៈកម្មាធិការប្រជាជនឃុំបានបង្កើតបញ្ជីរាយនាមផ្ញើទៅគណៈកម្មាធិការប្រជាជនស្រុក ផ្ដល់សច្ចាប័ន សរុបផ្ទៃដីឧបត្ថម្ភចំនួន ២.៤០០ ម៉ែត្រក្រឡា សរុបថវិកាអនុវត្ត ៣៩៦ លានដុង ក្នុងនោះថវិកាមជ្ឈិមឧបត្ថម្ភ ៣៦០ លានដុង និងថវិកាមូលដ្ឋានបដិភាគ ៣៦ លានដុង ឧបត្ថម្ភដល់គ្រួសារជនរួមជាតិខ្មែរដែលបានទទួលផល។ បច្ចុប្បន្ន ចំនួនលំនៅឋានស្ថិរវន្តតាមសម្បទាកំណត់របស់ក្រសួងស្ថាបនាស្រូបយកអត្រាជាង ៤៥% ការពង្រីករបរចិញ្ចឹមសត្វតាមលក្ខណៈគ្រួសារ កសិដ្ឋាន ការផលិតដាំដុះបណ្ដាប្រភេទពូជមានគុណភាពខ្ពស់ មានលទ្ធផលសេដ្ឋកិច្ចខ្ពស់កាន់តែបានកើនឡើង។

អ្នកស្រី ង៉ូធីយ៉ីវហឿង លេខាគណៈកម្មាធិការបក្សឃុំថាញ់ស៊ើង ទៅពិនិត្យសំណង់ផ្លូវគមនាគមន៍ក្នុងតំបន់ចិញ្ចឹមជលផលទឹកភ្លាវរបស់ជនរួមជាតិខ្មែរ។

   លោកង្វៀងត្រុងធ្វី ប្រធានគណៈកម្មាធិការប្រជាជនឃុំថាញ់ស៊ើងបានឱ្យដឹងថា៖ អនុវត្តការងារបន្ថយភាពក្រីក្រក្នុងជនរួមជាតិខ្មែរបានមូលដ្ឋានគួបផ្សំជាមួយការអនុវត្តន៍កម្មវិធី គម្រោងការជាច្រើនញ៉ាំងឱ្យគ្រួសារក្រីក្រជាជនរួមជាតិខ្មែរ ប្រសព្វជាមួយបណ្ដាប្រភពទុន មានលក្ខណៈ ពង្រីកកាផលិត ចិញ្ចឹមសត្វ សេដ្ឋកិច្ច ។ បច្ចុប្បន្ន គ្រួសារក្រីក្រ ជិតក្រក្នុងជនរួមជាតិខ្មែរនៅក្រោម ៤% ប្រៀបជាមួយគ្រួសាររួមក្នុងទូទាំងឃុំ។

   អនុវត្តការងារបន្ថយភាពក្រីក្រ លើកស្ទួយជីវភាពជនរួមជាតិខ្មែរ មានគោលដៅធំ ២ យ៉ាងបានមូលដ្ឋានកំណត់ជាការចាំបាច់ នោះគឺឧបត្ថម្ភបណ្ដាប្រភពទុន និងវិនយោគកសាងហេដ្ឋារចនាសម្ព័ន្ធ ក្នុងតំបន់ជនរួមជាតិខ្មែរក៏កាន់តែបានវិនិយោគទុនកសាងរឹងមាំផងដែរ។ គិតដោយឡែកតែនៅភូមិកោះស្លា បច្ចុប្បន្ន មូលដ្ឋានកំពុងបន្តការកសាងផ្លូវគមនាគមន៍បន្ថែមប្រវែងជិត ៣០០ ម៉ែត្រ តភ្ជាប់ជាមួយផ្លូវគមនាគមន៍ចាស់ចុះទៅដល់តំបន់ឡើងគម្រោងផែនការដោយមានផ្ទៃដីចំនួន ២៧ ហិកតា គឺជាតំបន់មានព្រៀបសម្រាប់ការពង្រីកបណ្ដាប្រភេទជលផលទឹកភ្លាវរបស់តំបន់ជនរួមជាតិខ្មែរ បង្វែរផ្ទៃដីទៅចិញ្ចឹមបណ្ដាប្រភេទជលផល រួមចំណែកលើកស្ទួយជីវភាពរបស់ជនរួមជាតិខ្មែរ។

   លោក ថាច់ថាញ់សាង ប្រជាជននៅភូមិកោះស្លា បានឱ្យដឹងថា៖ ផ្ទៃដីជិត ១,៤ ហិកតារបស់គ្រួសារខ្ញុំ បានបង្វែរមកចិញ្ចឹមត្រីផ្ទក់បានរយៈពេលជិត ៦ ឆ្នាំហើយ។ កាលពីមុនផ្លូវគមនាគមន៍ជួបការលំបាក រាល់ពេលប្រមូលផលត្រី លក់ដោយតម្លៃថោកជាងតំបន់ក្នុងមួយគីឡូក្រាមពី ២.០០០-២.៥០០ ដុង ។ ពេលនេះ ដោយបានការយកចិត្តទុកដាក់របស់រដ្ឋ  កសាងផ្លូវគមនាគមន៍ទៅដល់តំបន់ចិញ្ចឹម ម៉្លោះហើយតម្លៃបណ្ដាប្រភេទជលផលក៏បានឈ្មួញប្រមូលទិញដោយតម្លៃប្រហាក់ប្រហែលជាមួយតំបន់ដទៃលើភូមិសាស្រ្តដែរ។

   អ្នកស្រី ង៉ូធីយ៉ីវហឿង លេខាគណៈកម្មាធិការបក្សឃុំ ថាញ់ស៊ើងបានឱ្យដឹងថា៖​ សំណង់ផ្លូវគមនាគមន៍បាន និងកំពុងកសាងដល់តំបន់ចិញ្ចឹមជលផលទឹកភ្លាវរបស់ជនរួមជាតិខ្មែរមិនត្រឹមតែជួយឱ្យមធ្យោបាយគ្រប់ប្រភេទបើកបរទៅមកបានងាយស្រួលឡើយ នៅទាំងជួយឲ្យមាមីងខ្មែរទាញយកបណ្ដាប្រភេទជលផលក្នុងបរិស្ថានធម្មជាតិ ។ បច្ចុប្បន្ន ក្នុងតំបន់មានកម្លាំងព្រៀបគឺ ក្រៅពីការចិញ្ចឹមជលផលទឹកភ្លាវតាមរបៀបហ៊ុមជិត នៅទាំងមានបណ្ដាប្រភេទជលផល សម្បូរបែបក្នុងបរិស្ថានធម្មជាតិដើម្បីជនរួមជាតិខ្មែរទាញយកផលបម្រើដល់តម្រូវការក្នុងជីវភាព និងលក់ចេញទៅទីផ្សារ។ នៅពេលដ៏ខ្លីខាងមុខសំណង់បានដាក់ឱ្យប្រើប្រាស់គឺនាំមកភាពរីករាយជូនដល់ជនរួមជាតិខ្មែរនៅទីនោះ៕

​​អត្ថបទ-រូបថត៖ ថាច់សម្បត្តិ