គប្បីហ្វឹកហាត់ហែលទឹកដើម្បីការពារអាយុជីវិតរបស់ខ្លួន

បណ្ដាកីឡាករ ទាល់តែមានការស្ទាត់ជំនាញក្នុងការហែលទឹកទើបបានជ្រើសចូលរួមក្នុងក្រុមប្រណាំងទូក-ង។

     កន្លងហើយ កើតមានករណីបាត់បងជីវិត​ជាច្រើនទាក់ទងដល់ការលង់ទឹកចំនួនករណីបាត់បង់ជីវិត មិនចំពោះតែកុមារឡើយ នៅទាំងមានអ្នកវ័យជំទង់ឬក៏វ័យចំណាស់ទៀតផង។ ហេតុនោះការបំពាក់ពីលទ្ធភាពហែលទឹកសម្រាប់ខ្លួនគឺជាតម្រូវការចាំបាច់។
     បងថាច់យ៉ែង អ្នកប្រកបរបរនេសាទ នៅភូមិតាលោង ឃុំឡុងវិញ ស្រុកយ្វៀងហាយបានចែករំលែក៖ ដំបូងបង្អស់ដើម្បីធានាអាយុជីវិតរបស់ខ្លួនក្នុងបរិស្ថានដែលមានព្រែកប្រឡាយច្រើន ការបំពាក់លទ្ធភាពហែលទឹកជាបញ្ហាសំខាន់។     បើសិនជួបឧបទ្ទវហេតុត្រូវលិចទូកក៏អាចដោះស្រាយបានផលប៉ះពាល់ដល់អាយុជីវិត។ អាស្រ័យការប្រកបរកស៊ីក្នុងបរិស្ថាន ទឹក ខ្ញុំក៏តែងត្រៀមបម្រុងអាវកំសួល សម្រាប់ធ្វើជាឧបករណ៍ជំនួយបន្ថែមដើម្បីជៀសវាង ឧបទ្ទវហេតុផ្សេងៗលើទន្លេ។ ជាមួយនឹងបទ ពិសោធន៍ប្រកបរបរនេសាទ ខ្ញុំក៏សូមក្រើនរំលឹកដល់ជនគ្រប់រូបគប្បីរៀនហែលទឹក ដើម្បីបង្ការសភាពការណ៍អាក្រក់កើតឡើងផ្ទាល់ខ្លួន។
     ការហែលទឹកក៏បានចាត់ទុកជាវិញ្ញាសាហាត់ប្រាណចាំបាច់មួយ ពីព្រោះរាល់កាយវិការហែលទឹកតែងទាក់ទងដល់ការប្រើអវយវៈលើសព៌ាង្គកាយ ក្នុងនោះដៃ និងជើងមានតួនាទីសំខាន់។ មនុស្សមួយចំនួនយល់ឃើញថាមិនខុសអីពីការធ្វើដំណើរហាត់ប្រាណនៅលើគោកឡើយ។ 
     តាមប្រសាសន៍របស់លោកឡឹមវុាំងក្វាង ប្រធានគណៈកម្មាធិការប្រជាជនឃុំឡុងវិញ៖  ដើម្បីជៀសវាងស្ថានភាពករណីលង់ទឹក មូល ដ្ឋានក៏តែងយកចិត្តទុកដាក់ និងកសាងបណ្ដាខ្លឹមសារផ្សព្វផ្សាយលើអនុស្ថានីយផ្សាយសំឡេងរបស់ឃុំ ទុកឱ្យប្រជាជនមានស្មារតីយល់ ដឹងពេលរស់នៅក្នុងតំបន់ដែលមានព្រែកប្រឡាយច្រើន បំពាក់ចំណេះដឹងហែលទឹកសម្រាប់ខ្លួន ជួយបង្ហាត់បន្តដល់បណ្ដាសមាជិកដទៃទៀតក្នុងគ្រួសារ។ គិតតាំងពីដើមឆ្នាំមកទល់ ពេលនេះ លើភូមិសាស្ត្រឃុំគ្មានកើតករណីបាត់បង់ជីវិត អាស្រ័យដោយការលង់ទឹកឡើយ។
     ដើម្បីជៀសវាងករណីលង់ទឹក ក្នុងការជ្រើសរើសកីឡាករចូលរួមប្រណាំងទូក-ងរៀងរាល់ ឆ្នាំប្រការគប្បីពិនិត្យ ក្រៅពីមានកាយសម្បទា សុខភាពមាំមួននៅទាំងពិនិត្យមើលពីលទ្ធភាព ហែលទឹកទៀតផង។ បណ្ដាអ្នកទទួលបន្ទុកក្រុមអុំទូកមានការនឹងនរចិត្តពេលចូលរួមប្រណាំងទូក-ង។ រួចមានឆ្នាំខ្លះ ក្រុមទូកក៏ជួបប្រទះឧបទ្ទវហេតុដូចជាលិចទូកជាដើម ប៉ុន្តែបណ្ដាកីឡាករនៅតែមានសុវត្ថិភាព។
       បច្ចុប្បន្ន ការកសាងកន្លែងហែលទឹក មិនត្រឹមតែជួយឱ្យប្អូនៗលត់ដំរាងកាយបានល្អ តាមរបៀបហាត់ប្រាណឡើយនៅទាំងបង្ការការលង់ទឹកពេលត្រូវឆ្លងព្រែកប្រឡាយ ឬក៏មានហេតុភេទអ្វីម្យ៉ាងកើតឡើងតាមរយៈការធ្វើដំណើរផ្លូវទឹកទៀតផង៕       អត្ថបទ-រូបថត៖ ថាច់សម្បត្តិ