កូវង៉ាងយកចិត្តទុកដាក់ពង្រីកសមាជិកយុវជនខ្មែរក្នុងបណ្តាវិទ្យាល័យ

បងវ៉ហ្វាងណាម លេខាសម្ព័ន្ធយុវជនស្រុកកូវង៉ាងមានប្រសាសន៍ថា៖ “យុវជនឆ្នើមដែលមានអាយុគ្រប់ ១៥ ឆ្នាំ នឹងបានពង្រីកជាសមាជិកតាមច្បាប់កំណត់។ អាស្រ័យហេតុនោះ គណៈអចិន្ត្រៃយ៍សម្ព័ន្ធយុវជនស្រុក តែងយកចិត្តទុកដាក់ចង្អុលការបណ្តាមូលដ្ឋានសម្ព័ន្ធយុវជន ជាពិសេសគឺសម្ព័ន្ធយុវជនបណ្តាវិទ្យាល័យ ចាត់សិស្សឱ្យចូលរួមបណ្តាថ្នាក់មនោសញ្ចេតនាសម្ព័ន្ធយុវជន ដើម្បីអប់រំ បំពាក់បំប៉នអំពីសតិអារម្មណ៍នយោបាយ សីលធម៌បង្កើនការយល់ដឹងអំពីប្រវត្តិសម្ព័ន្ធយុវជន ប្រវត្តិបក្សកុម្មុយនិស្តវៀតណាម។ ផ្តើមពីនោះជំនួយឲ្យប្អូនៗបង្កើនស្មារតីទទួលបន្ទុកនៅពេលបានពង្រីកជាសមាជិកយុវជន និងបន្តការខិតខំរៀនសូត្រឱ្យបានល្អជាងទៀត ដើម្បីបានពង្រីកជាបក្ខជន។

ប្អូនមិញធឺ (ទី ១ ខាងស្តាំ) បានពង្រីកជាសម្ព័ន្ធយុវជន។

វិទ្យាល័យញ៉ីទ្រឿង និងមជ្ឈមណ្ឌលបណ្តុះបណ្តាលវិជ្ជាជីវៈ អប់រំជាប្រចាំស្រុកកូវង៉ាងជា ០២ អង្គភាពដែលមានសិស្សខ្មែរឆ្នើមជាច្រើនបាន​ចូលរៀនថ្នាក់មនោសញ្ចេតនាសម្ព័ន្ធយុវជន។

លោកគ្រូ ថាច់ម៉ាយ លេខាសម្ព័ន្ធយុវជនមជ្ឈមណ្ឌលបណ្តុះបណ្តាលវិជ្ជាជីវៈ អប់រំជាប្រចាំស្រុក មានប្រសាសន៍ថា៖ ឆ្នាំសិក្សា ២០២១-២០២២ មជ្ឈមណ្ឌលមានសិស្ស រួម ២៤០ នាក់ ក្នុងនោះសិស្សខ្មែរ ៣០%។ មជ្ឈមណ្ឌលបានធ្វើបញ្ជីរាយនាមសិស្សឆ្នើម ៥0 នាក់ (សិស្សខ្មែរ ៣0%) ឲ្យចូលរួមរៀនថ្នាក់មនោសញ្ចេតនាសម្ព័ន្ធយុវជននៅសប្តាហ៍ទី ០២ និងសប្តាហ៍ទី ០៤ នាខែយុវជនឆ្នាំ ២0២២។ ដោយសារស្ថានភាពជំងឺរាតត្បាត ម្ល៉ោះហើយមជ្ឈមណ្ឌលបានពង្រីកសមាជិកយុវជនជូនសិស្សនៅពេលរៀនចប់ថ្នាក់មនោសញ្ចេតនាសម្ព័ន្ធយុវជនតែម្តង។ ចំពោះថ្នាក់មនោសញ្ចេតនាសម្ព័ន្ធយុវជនសប្តាហ៍ទី ០៤ មជ្ឈមណ្ឌលចាត់តាំងពិធីពង្រីកសមាជិកសម្ព័ន្ធយុវជននាថ្ងៃទី ២៤ ខែមីនា ឆ្នាំ ២0២២។

បានរៀនថ្នាក់មនោសញ្ចេតនាសម្ព័ន្ធយុវជនកាលពីសប្តាហ៍ទីពីរនាខែយុវជនឆ្នាំ ២0២២ ជំនួយឲ្យប្អូនសុើងមិញធឺសិស្សថ្នាក់ទី ១0/១ មជ្ឈមណ្ឌលបណ្តុះបណ្តាលវិជ្ជាជីវៈ‑អប់រំជាប្រចាំស្រុក មានមោទនភាព រួចបង្កើនការយល់ដឹងពីតួនាទី ភារកិច្ចរបស់ខ្លួនចំពោះសហគមន៍ និងសង្គម។ មិញធឺសំណេះសំណាលថា៖ប្អូនត្រេកអរណាស់ដោយបានចូលរៀនថ្នាក់មនោសញ្ចេតនាសម្ព័ន្ធយុវជនហើយបានបងៗកម្មាភិបាលសម្ព័ន្ធយុវជនស្រុកបង្រៀនប្អូនៗអំពីខ្លឹមសារសំខាន់ៗនៃប្រវត្តិសាស្រ្តបក្ស ប្រវត្តិសាស្រ្តសម្ព័ន្ធយុវជនបង្រៀនពីឧត្តមគតិរបស់យុវជន និងណែនាំឱ្យច្រៀងបទចម្រៀងគោរពទង់ជាតិ។ល។ញ៉ាំងឲ្យប្អូនកាន់តែមានចិត្តស្នេហាជាតិមាតុភូមិ ដឹងគុណចំពោះបុព្វបុរស។

លោកគ្រូត្រឹងថៀងធ្វឹកលេខាសម្ព័ន្ធយុវជនវិទ្យាល័យញ៉ីទ្រឿងបានឲ្យដឹង៖ ឆ្នាំសិក្សា ២០២១-២០២២ សាលាមានសិស្សជាង ៧៥០ នាក់ ក្នុងនោះសិស្សខ្មែរជិត ៧០%។ បន្ទាប់ពីមានលទ្ធផលសិក្សានៃវគ្គសិស្សាទី១ ឆ្នាំសិក្សា ២០២១-២០២២ សម្ព័ន្ធយុវជនសាលាបានកសាងផែនការ និងឡើងបញ្ជីរាយនាមសិស្សឆ្នើម ដើម្បីស្នើគណៈអចិន្ត្រៃយ៍សម្ព័ន្ធយុវជនស្រុកចាត់តាំងបើកថ្នាក់មនោសញ្ចេតនាសម្ព័ន្ធយុវជននៅសាលានេះតែម្តង។ ក្នុងខែយុវជនឆ្នាំ ២០២២ សាលាមានសិស្សឆ្នើម ១៥០ នាក់ ក្នុងនោះមានសិស្សខ្មែរ ៦០% បានរៀនថ្នាក់មនោសញ្ចេតនាសម្ព័ន្ធយុវជន។ ដោយសារស្ថានភាពជំងឺរាតត្បាតស្មុគស្មាញ ទើបគណៈចាងហ្វាងសាលាបានចង្អុលការសម្ព័ន្ធយុវជនឲ្យបែងពេលរៀនចាប់ពីថ្ងៃទី ២១ ដល់ថ្ងៃទី ២៥ ខែមីនា ដើម្បីធានាសុវត្ថិភាពក្នុងការបង្ការ ទប់ស្កាត់ជំងឺ។ លុះរៀនចប់វគ្គសិក្សានេះសម្ព័ន្ធយុវជនសហការជាមួយគណៈអចិន្ត្រៃយ៍សម្ព័ន្ធយុវជនស្រុកចាត់តាំងពិធីពង្រីកសមាជិកយុវជននៅថ្ងៃទី ២៦ ខែមីនា ឆ្នាំ ២០២២៕         

អត្ថបទ‑រូបថត៖ សុជា