កូវង៉ាងខិតខំឆ្លងកាត់ការលំបាកដើម្បីធានាគុណភាពអប់រំ

សាលាសកលជនជាតិអន្តេវាសិកអនុវិទ្យាល័យស្រុកកូវង៉ាង ជាសាលាមួយក្នុងចំណោម សាលាជួបលំបាកដោយមានគ្រូបង្រៀន សិស្សវិជ្ជមាន F០ ត្រូវបង្ខំឱ្យសាលាត្រូវកែប្រែកាលបរិច្ឆេទរៀនរបស់ប្អូនៗជាបន្តបន្ទាប់។ លោក គ្រូថាច់សា ចាងហ្វាងរងសាលាបានឱ្យដឹងថា៖​ចាប់ពីពេលសាលាអនុវត្តតាមកិច្ចចង្អុលការរបស់ផ្នែកអប់រំគឺសិស្សទាំងអស់ត្រឡប់មករៀនដោយផ្ទាល់រហូតមកទល់ពេលនេះ សាលាកត់សម្គាល់មានគ្រូបង្រៀន សិស្ស F០ ជាង ១០​ រូបត្រូវអនុវត្តធ្វើចត្តាឡីស័កត្រឹមត្រូវតាមការកំណត់។ អាស្រ័យហេតុនោះ មានការឥទ្ធិពល មួយចំណែកណាដល់ការរៀនសូត្ររបស់សិស្សក៏ដូចជាការបង្ហាត់បង្រៀនរបស់គ្រូបង្រៀន។

ម៉ោងរៀនក្នុងសភាពធម្មតាថ្មីរបស់សិស្សានុសិស្សសាលាសកលជនជាតិអន្តេវាសិកអនុវិទ្យាល័យស្រុកកូវង៉ាង។

ដើម្បីធានាឱ្យការរៀនសូត្ររបស់ប្អូនៗមិនដាច់រយៈ បើសិនគ្រូបង្រៀនត្រូវវិជ្ជមាន (F០) នោះសាលាលៃលកឱ្យគ្រូបង្រៀនផ្សេងបង្រៀងជំនួសវិញ។ ក្រោយពេលគ្រូបង្រៀនសម្រេចការធ្វើចត្តាឡីស័ក បើសិនធ្វើតេស្តរហ័ស មានលទ្ធផលអវិជ្ជមាន វិលមកសាលាបន្តការងារបង្ហាត់បង្រៀនរបស់ខ្លួន។ គ្រូបង្រៀនថាច់សាឱ្យដឹងបន្ថែមទៀតថា៖ ដើម្បីសម្របខ្លួនដោយសុវត្ថិភាព រវៀសរវៃសាលាតែងបំផុសចលនាកងជួរគ្រូបង្រៀនឲ្យខិតខំអស់ពីចិត្តដើម្បីរក្សាស្នាដៃក្នុងការបង្ហាត់បង្រៀន ក៏ដូចជាការរៀនសូត្ររបស់ប្អូនៗ។ អាចពិនិត្យឃើញថាឥទ្ធិពលនៃអាសន្នរោគគឺឥទ្ធពលដល់វិស័យជាច្រើន ក្នុងនោះ មានវិស័យអប់រំក្នុងសង្គមនាពេលបច្ចុប្បន្ន។

អាស្រ័យមានករណី F០ បានរកឃើញជាបន្តបន្ទាប់ សព្វថ្ងៃនេះសាលានៅតែ​មិនទាន់ដោះ ស្រាយឱ្យសិស្សស្នាក់នៅក្នុងអន្តេវាសិកដ្ឋានឡើយ។ បងស្រី ថាច់ធីសាវរីយ៍ នៅភូមិមេរងថ្មី ឃុំថាញ់ហ្វាស៊ើង ចែករំលែក៖ ខ្ញុំមានកូនកំពុងរៀនថ្នាក់ទី ៩/១ សាលាសកលជនជាតិអន្តេវាសិកអនុវិទ្យាល័យស្រុកកូវង៉ាង ចម្ងាយពីផ្ទះខ្ញុំទៅដល់សាលារៀនជាង ១៥ គីឡូម៉ែត្រ។ កាលពីមុនសាលាអនុញ្ញាតឱ្យប្អូនចូលរៀនបានស្នាក់នៅអន្តេវាសិកដ្ឋានជាការងាយស្រួលសម្រាប់គ្រួសារខ្ញុំ។ ឱ្យតែដល់ព្រឹកថ្ងៃចន្ទខ្ញុំឌុបកូនមកសាលារៀន ដល់ចុងម៉ោងរៀនពេលព្រឹកថ្ងៃសៅរ៍មកឌុបកូនទៅផ្ទះវិញ។ ប៉ុន្តែសព្វថ្ងៃត្រូវជូនមកសាលារួចឌុបទៅផ្ទះរៀងរាល់ថ្ងៃ បណ្ដាលឱ្យពេលវេលាពលកម្មសម្រាប់គ្រួសារក៏មិនបានប្រមូលផ្ដុំ។ បច្ចុប្បន្ន តម្លៃសាំងកើនខ្ពស់ហើយដែលថាឌុបកូនទៅមករាល់ថ្ងៃបែបសនេះ មានការឥទ្ធិពលដល់ការចាយ ប្រើរបស់គ្រួសារ។ សង្ឃឹមធ្វើយ៉ាងណាអាសន្នរោគអស់ទៅ ជីវភាពបានសុវត្ថិភាពពិតប្រាកដ សាលាដោះស្រាយឱ្យប្អូនបានចូលនៅក្នុងអន្តេវាសិកដ្ឋានដើម្បីគ្រួសារខ្ញុំបន្ថយបានការលំបាក។

        មិនត្រឹមតែសាលាសកលជនជាតិអន្តេវាសិកអនុវិទ្យាល័យស្រុកកូវង៉ាងឡើយ នៅសាលាបឋមសិក្សា អនុវិទ្យាល័យ វិទ្យាល័យដទៃៗទៀតក៏រងការឥទ្ធិពលប្រហាក់ប្រហែលពេលសាលារកឃើញករណី F០ ក្នុងគ្រូបង្រៀន សិស្សានុសិស្ស។ នៅសាលាបឋមសិក្សាទីប្រជុំជនកូវង៉ាង ត្រូវបង្ខំឱ្យប្អូនៗសម្រាករៀនរយៈពេល ២ សប្ដាហ៍ពីព្រោះសាលារក ឃើញករណី F០ នៅទូទាំងបណ្ដាផែនថ្នាក់ក្នុងសាលា។ តាមការឱ្យដឹងពីថ្នាក់ដឹកនាំសាលា ក្រោយពេលកត់សម្គាល់មានករណី F០ មានការឥទ្ធិពលដល់ចិត្តសាស្រ្តរបស់សិស្ស ឪពុក ម្ដាយ​សិស្សជាច្រើន។ ឪពុកម្ដាយសិស្សមួយចំនួនស្នើសាលាដាក់ចេញដំណោះស្រាយសមស្របដើម្បីធានាសុវត្ថិភាពសម្រាប់សិស្សក្រៅពីសិស្សជ្រាបជំងឺ។ ចំពោះមុខ គឺសាលាដោះ ស្រាយឱ្យសិស្សផ្អាកមករៀនដោយផ្ទាល់បណ្ដោះអាសន្ន រួចបំផុសចលនាឪពុកម្ដាយដែលមានកូន F០ បង្កើនការថែទាំ ព្យាបាល។ គិតមកទល់ពេលនេះរាល់ការបង្ហាត់បង្រៀនរបស់គ្រូបង្រៀន ការរៀនសូត្ររបស់ប្អូនៗបានវិលត្រឡប់មកសភាពធម្មតា ស្ដែងច្បាស់ពីកិច្ចសហការរវាងសាលារៀន និងឪពុកម្ដាយសិស្ស៕     

អត្ថបទ‑រូបថត៖ ថាច់សម្បត្តិ