ក្រុមហ៊ុនអគ្គិសនីត្រាវិញ ៣០ ឆ្នាំអភិវឌ្ឍ និងនាំអគ្គិសនីចុះទៅជនបទ

តើធ្វើដូចម្ដេចដើម្បីឆាប់រួចផុតពីស្ថានភាពខ្វះអគ្គិសនីជាក្ដីបារម្ភរបស់ថ្នាក់ដឹកនាំរបស់អគ្គក្រុមហ៊ុនអគ្គិសនីភាគខាងត្បូងក៏ដូចជាគណៈកម្មាធិការបក្សខេត្ត គណៈកម្មាធិការប្រជាជនខេត្តត្រាវិញ។ ដើម្បីដោះស្រាយបញ្ហាខ្វះអគ្គិសនីនៅខេត្តត្រាវិញ ក្រុមហ៊ុនអគ្គិសនីត្រាវិញស្នើវិធីសាស្រ្តជាច្រើនដោយមាន ០៥ គោលដៅសំខាន់ដូចខាងក្រោម។

កម្មករកំពុងអន្ទងអគ្គិសនីនៅឃុំហ្វាតឹង។ រូបថត៖ ហ្វីហ្វាង

នាំអគ្គិសនីទៅកាន់ជនបទ

ជំរុញរហ័ស និងបើកទូលាយកម្មវិធីអគ្គិសនីជនបទពីបណ្ដាប្រភពទុន ដូចជា៖ ទុនវិនិយោគរបស់ផ្នែកអគ្គិសនីជាដើម ជាមួយវិធីសាស្រ្តជាច្រើនជំរុញរហ័សសន្ទុះផ្សព្វផ្សាយបណ្ដាសំណង់បញ្ជូនអគ្គិសនីទៅកាន់ជនបទ។ ឆ្នាំ ១៩៩៥-១៩៩៦ ខេត្តខ្ចីទុនមុនជាង ១១ ពាន់លានដុង សម្រាប់កសាងថ្មីសំណង់កម្រិត មធ្យម ២២KV ០៤ សំណង់ សរុបប្រវែងជាង ១០០ គីឡូម៉ែត្រអន្ទងទៅ ១១ ឃុំ។ អន្ទងអគ្គិសនីឆ្លងទន្លេទៀងទៅកាន់ភូមិកោះតឹងគ្វី និងតឹងគ្វី ១ ឃុំអាងភូតឹង ស្រុកកូវកែ។ អន្ទងអគ្គិសនីទៅដល់កោះឡុងទ្រី ឃុំឡុងឌឹក ទីក្រុងត្រាវិញនៅឆ្នាំ ២០០៥។ ពីឆ្នាំ ១៩៩៨ ដល់ឆ្នាំ ២០០៦ ផ្សព្វផ្សាយ សំណង់អគ្គិសនី ជាច្រើននៅ ៧៥ ឃុំក្នុងខេត្ត ទុនវិនិយោគជាង ២៨៨ ពាន់លានដុង គិតជាមធ្យមជិត ២៦ ពាន់លានដុងក្នុងមួយឆ្នាំ។

មានសំណង់ និងគម្រោងការជាច្រើនស្របតាមឆន្ទៈរបស់បក្ស គំនិតប្រជាជន

គម្រោងការផ្គត់ផ្គង់អគ្គិសនីឲ្យបណ្ដាគ្រួសារប្រជាជនដែលមិនទាន់មានអគ្គិសនីភាគច្រើនគឺជនរួមជាតិខ្មែរខេត្តត្រាវិញបានផ្សព្វផ្សាយ ០៣ ដំណាក់កាល។ ពីឆ្នាំ ២០១១ ដល់ឆ្នាំ ២០១៥ ផ្សព្វផ្សាយនៅ ៨៣ ឃុំរបស់ស្រុក៖ កាងឡុង ចូវថាញ់ កូវកែ កូវង៉ាង យ្វៀងហាយ ទីវកឹង និងថ្កូវផ្គត់ផ្គង់អគ្គិសនីឲ្យ ៣៤.៩២៦ គ្រួសារ សរុបតម្លៃ ៤៦៩,៧៣ ពាន់លានដុង រួមចំណែកបង្កើនអត្រាគ្រួសារប្រើប្រាស់អគ្គិសនីទូទាំងខេត្តសម្រេចជាង ៩៩,២%។ ដោយឡែកគ្រួសារជនរួមជាតិខ្មែរសម្រេចជាង ៩៩%។

ក្ដីស្រមៃអគ្គិសនីមកដល់កោះបានក្លាយជាការពិត

ដោយប្ដេជ្ញានាំយកពន្លឺអគ្គិសនីជាតិទៅដល់ដីកោះឆ្ងាយដាច់ស្រយាល ជាគម្រោងការស្មុគស្មាញបង្គួរ គឺអន្ទងអគ្គិសនីក្រោមទឹកឆ្លងកាត់ទន្លេទៅកាន់កោះអាងឡុក (ស្រុកកូវកែ) និងកោះភុង (ស្រុកចូវថាញ់) សរុបទុនវិនិយោគជាង ២៦,៦ ពាន់លានដុង ផ្គត់ផ្គង់អគ្គិសនីឲ្យគ្រួសារប្រជាជនចំនួន ២៨២ គ្រួ គិតជាមធ្យមជាង ៩៤ លានដុងក្នុងមួយគ្រួសារ។ នេះជាគម្រោងការរបស់គណៈកម្មាធិការបក្សខេត្ត សំដៅលើកកម្ពស់ជីវភាពវប្បធម៌ កម្រិតប្រជាបញ្ញាជូនប្រជាជននៅតំបន់ជនបទ តំបន់កោះឆ្ងាយដាច់ស្រយាល ហើយតាមរយៈនោះដោះស្រាយទាន់ពេលបំណងប្រាថ្នា និងក្ដីតក់ក្រហល់របស់ប្រជាជនតំបន់ដីកោះ។

សំណង់អគ្គិសនីសំខាន់ៗជាច្រើនសម្រាប់បម្រើការចិញ្ចឹមជលផល

ជាមួយគោលដៅធានាផ្គត់ផ្គង់អគ្គិសនីឲ្យបណ្ដាតំបន់ចិញ្ចឹមបង្កងឧស្សាហកម្មយូរអង្វែង និងស្ថិរភាព ផ្នែកអគ្គិសនីបន្តផ្សព្វផ្សាយវិនិយោគគម្រោងការជាច្រើន នោះគឺផ្លូវខ្សែ ១១០ KV យ្វៀងត្រា-ថ្កូវ និងដំណាក់បំបែរថាមពល ១១០KVថ្កូវ សរុបទុនវិនិយោគជាង ២៥៤ ពាន់លានដុង។ ទន្ទឹមនឹងនោះ ចាប់តាំងពីឆ្នាំ ២០១៤ មកទល់ពេលនេះ ក្រុមហ៊ុនផ្សព្វផ្សាយគម្រោងការជាច្រើនផ្គត់ផ្គង់អគ្គិសនីជាច្រើនសម្រាប់ចិញ្ចឹមបង្កង សរុបទុនវិនិយោគ ២២៥,៩ ពាន់លានដុង។ ម្រោងការទាំងនេះទើបអនុវត្តសម្រេចរួចដាក់ឲ្យប្រើប្រាស់ ឆ្លើយតបតម្រូវការពង្រីកសេដ្ឋកិច្ចជូនគ្រួសារចិញ្ចឹមបង្កងរាប់សិបពាន់គ្រួ។

ដើម្បីផលប្រយោជន៍របស់ប្រជាជនប្រើប្រាស់អគ្គិសនី

ការកសាងជនបទថ្មីជាកម្មវិធីដើម្បីគោលដៅរបស់សហគមន៍នៅជនបទ។ អនុវត្តគោលការណ៍របស់សម្ព័ន្ធអគ្គិសនីវៀតណាម លុបបំបាត់បន្តិចម្ដងៗការលក់អគ្គិសនីដោយរូបភាពអូសបន្តកន្ទុយ ឈានដល់ការលក់អគ្គិសនីផ្ទាល់ឲ្យគ្រួសារប្រើប្រាស់អគ្គិសនីនីមួយៗតាមរយៈនាឡិការបស់ផ្នែកអគ្គិសនី។ សរុបថវិកាអនុវត្តការលុបបំបាត់គ្រួសារប្រើអគ្គិសនីបន្តកន្ទុយពីឆ្នាំ ២០១៦ ដល់ឆ្នាំ ២០២០ ចំនួន ៤.៤៧៤ គ្រួសារប្រមាណ ១១,៥៣ ពាន់លានដុង រួមចំណែកបង្កើនគុណភាពលក្ខឋានស្ដីពីអគ្គិសនីរបស់ខេត្ត សម្រេច ៨៥/៨៥ ឃុំជនបទថ្មី ខិតខំទទួលស្គាល់ឃុំជនបទថ្មីលើកកម្ពស់ បង្កើនគុណភាពអគ្គិសនីបម្រើក្នុងការផលិត និងប្រជុំជីវភាពជូនប្រជាជន លុបបំបាត់សន្សឹមៗស្ថានភាពប្រើអគ្គិសនីបន្តកន្ទុយដោយមិនសុវត្ថិភាព។

ដំណាក់អគ្គិសនីបានអនុវត្តសម្រេច។ រូបថត៖ ហ្វីហ្វាង

ទន្ទឹមនឹងការអនុវត្តន៍ល្អភារកិច្ចវិនិយោគពង្រីកប្រព័ន្ធបណ្ដាញអគ្គិសនី ថ្នាក់ដឹកនាំក្រុមហ៊ុន នៅទាំងយកចិត្តទុកដាក់ជំរុញមាំការងារពង្រីកអតិថិជនប្រើប្រាស់អគ្គិសនី បរិមាណអគ្គិសនីពាណិជ្ជផលបង្កើនរហ័ស និងនាំមកប្រសិទ្ធភាពក្នុងការផលិត ធ្វើអាជីវកម្ម។ ឆ្នាំ ១៩៩២ អគ្គិសនីពាណិជ្ជផលសម្រេចតែ ១៧,៩៣ លានគីឡូវ៉ាត ដល់ឆ្នាំ ២០២១ កើនឡើង ១,១០៧ ពាន់លានគីឡូវ៉ាត (ស្មើ ៦៣.៥៨១ ដង) ជាមួយកម្រិតកំណើនមធ្យមប្រមាណ ១៣% ក្នុងមួយឆ្នាំ ជាពិសេសមានឆ្នាំខ្លះកើនឡើងជិត ២៥%។ ដោយមានការផ្គត់ផ្គង់អគ្គិសនីគ្រប់គ្រាន់ គុណភាព សុវត្ថិភាព រួមចំណែកផ្លាស់ប្ដូររចនាសម្ព័ន្ធសេដ្ឋកិច្ច តាមទិសដៅរបស់គណៈកម្មាធិការបក្សខេត្ត គណៈកម្មាធិការប្រជាជនខេត្តត្រាវិញ។

អស់រយៈកាលជាង ៣០ ឆ្នាំកសាង និងអភិវឌ្ឍ មកទល់ពេលនេះ ប្រព័ន្ធបណ្ដាញអគ្គិសនីជាតិគ្របដណ្ដបជិត ១០០% ឃុំ សង្កាត់ ទីប្រជុំជន និងបណ្ដាភូមិ ឃុំកោះឆ្ងាយដាច់ស្រយាលរបស់ខេត្តត្រាវិញ៕

ហ្វីហ្វាង-ថាច់ហ្វាង