អតីតយុទ្ធជនភូមិអូររូង៖ សកម្មចូលរួមការពារបរិស្ថាន

          លោកគឹមង៉ុកម៉ាញ់ ប្រធានសមាគមអតីតយុទ្ធជនឃុំភឿកហ៊ឹងបានឱ្យដឹងថា៖  បណ្តាសមាជិកអតីតយុទ្ធជនភូមិអូររូងតែងពង្រីកល្អស្មារតីសាមគ្គី សកម្មរួមជាមួយបណ្តាអង្គការមហាជនដើម្បីអនុវត្តសម្រេចបណ្តាចលនានៅមូលដ្ឋាន។ ជាពិសេសពង្រីកល្អប្រពៃណី “កងទ័ពអ៊ំហូ” ផ្ដើមពីនោះបាន​ជួយឱ្យបណ្តាសមាជិកមានភាពជឿនលឿនលើបណ្តាវិស័យដូចជា៖ ចូលរួមរក្សាអនាម័យ កសាងហេដ្ឋារចនាសម្ព័ន្ធ។ល។

          សាខាសមាគមភូមិអូររូងមានសមាជិក ៧២ រូប ក្នុងនោះមានសមាជិកជាជន​ជាតិខ្មែរ ២០ រូប។ ដើម្បីការងារអនាម័យបរិស្ថានកាន់តែមានប្រសិទ្ធភាព សាខាសមាគមសហការជាមួយបណ្តាអង្គការមហាជនមូលដ្ឋានអនុវត្ត​កិច្ចការដែលទាក់ទងដល់ការអនាម័យបរិស្ថានដូចជា៖  កសាងបង្គន់ស្របអនា​ម័យ កសាងរណ្តៅវិនិច្ឆ័យលាមកសត្វចិញ្ចឹម ប្រមូលសំរាមវិនិច្ឆ័យត្រង់កន្លែងដែលបាន​កំណត់។ល។ ក្នុងត្រីមាសទី​ ១ ឆ្នាំ ២០២១ អតីតយុទ្ធជនក្នុងភូមិបំផុសចលនាគ្រួសារប្រជាជនជាង ២០ គ្រួកសាងបង្គន់ស្របអនាម័យ គ្រួសារ​ចិញ្ចឹមសត្វជាង ៣០ គ្រួវិនិច្ឆ័យលាមកសត្វចិញ្ចឹមដើម្បីកាត់បន្ថយការកខ្វក់បរិស្ថាន​។

ស្ពានជនបទអាស្រ័យអតីតយុទ្ធជនបំផុសចលនាសប្បុរសជនកសាង។

          លោកង្វៀងវ៉ាំងបិញ អនុប្រធានសាខាសមាគមអតីតយុទ្ធជនភូមិអូររូងបានឱ្យដឹងថា៖ ក្នុងបណ្តាឆ្នាំកន្លង ដិតដាមដោយមនោសញ្ចេតនាមិត្តរួមអាវុធ បណ្តាសមាជិកកិញ-ខ្មែរតែងសាមគ្គីក្នុងការជួយគ្នាពង្រីកសេដ្ឋកិច្ចគ្រួសារ ក៏ដូចជាការអនុវត្តន៍​អនាម័យបរិស្ថាន។ បណ្តាសមាជិកចូលរួមក្លឹបការ​ពារបរិស្ថាន និងច្បាមតាមបែបបទរបស់ក្លឹប និងបណ្តាខ្លឹមសារនៃសារាចរលេខ ១៥ របស់​គណៈអចិន្ត្រៃយ៍នៃគណៈកម្មាធិការបក្សខេត្តដើម្បីអនុវត្ត។ ក្នុងត្រីមាសទី ១ ឆ្នាំ ២០២១ សាខាសមាគមសហការជាមួយបណ្តាអង្គការមហាជនប្រមូលសំរាម​តាមបណ្តាដងផ្លូវលើភូមិសាស្រ្តភូមិបានជាង ១,២ តោន ស្រង់ត្រកៀតប៉ោងដែលធ្វើឱ្យស្ទះ​ទឹកហូរតាមដងប្រឡាយ សរុបប្រវែងជាង ៣ គីឡូម៉ែត្រ កាត់រំលស់មែកឈើ ឆ្ការគុម្ពោតឈើ​ស៊ុមទ្រុមធ្វើឱ្យបាំងប្រយោលភ្នែកលើបណ្តាដងផ្លូវបានប្រវែងជាង ២,៣ គីឡូម៉ែត្រ។

         អូររូងជាភូមិដែលមានប្រឡាយខ្វាត់ខ្វែង ម៉្លោះហើយទន្ទឹមនឹងការអនុវត្តន៍អនាម័យបរិស្ថាន អតីតយុទ្ធជនភូមិអូររូងនៅទាំងបំផុសចលនាប្រជាជន និងសប្បុរសជនចូលរួមកសាងស្ពានជនបទបានជួយឱ្យបណ្តាដងផ្លូវលើភូមិសាស្រ្តបានតភ្ជាប់គ្នា ងាយស្រួលក្នុងការធ្វើដំណើរទៅមក ក៏ដូចជាការដឹកជញ្ជូនមុខទំនិញកសិផលរបស់ប្រជា​កសិករ។ មីងថាច់ធីស៊ើង នៅភូមិអូររូងឲ្យដឹង៖ រួមជាមួយគោល​ការណ៍កសាងបណ្តាដងផ្លូវជនបទនោះ អតីតយុទ្ធជនក្នុងភូមិនៅទាំងរួម​ចំណែកយ៉ាងសំខាន់ក្នុងការកសាងជនបទឱ្យកាន់តែស្រស់ស្អាតជាង។

        កាលពីមុននេះនៅតាមបណ្តាដងប្រឡាយលើភូមិសាស្រ្តដេរដាសដោយត្រកៀតប៉ោងពេញមុខទឹក មិនត្រឹមតែរាំងស្ទះដល់ទឹកហូរចេញចូលឡើយ នៅទាំងរាំងស្ទះដល់បណ្តាមធ្យោ​បាយផ្លូវទឹកគ្រប់ប្រភេទបើកបរទៅមកទៀតផង។ ពេលនេះ ដងប្រឡាយទាំងនោះ​បានស្រឡះស្រឡួន បណ្តាមធ្យោបាយផ្លូវទឹកក៏បានចូលមកដល់តំបន់អាសយជនលើភូមិ​សាស្រ្ត គាប់ជួនមានទាំងទូកធំៗចូលមកប្រមូលទិញមុខ​ទំនិញកសិផលរបស់ប្រជាកសិករលក់បានតម្លៃខ្ពស់ផង។ ដោយអាស្រ័យពង្រីកល្អស្មារតី​សាមគ្គី សាខាសមាគមអតីតយុទ្ធជនភូមិអូររូងកំពុងរួមជាមួយបណ្តាផ្នែកអង្គការមហាជននៅមូលដ្ឋានកសាងសម្រេចបណ្តាលក្ខឋានភូមិវប្បធម៌ ជនបទថ្មី កំពុងស្នើថ្នាក់លើទទួលស្គាល់៕   ​​​

អត្ថបទ-រូបថត៖ ថាច់សម្បត្តិ