ឡុងហ៊ីបខិតខំអនុវត្តសម្រេចបន្ថែម ៣ លក្ខឋានជនបទថ្មីលើកកម្ពស់

គិតមកទល់ខែមិថុនា ឆ្នាំ ២០២១ គណៈចង្អុលការឃុំឡុងហ៊ីបវាយតម្លៃជាត្រួស​ត្រាយ សម្រេចបាន ១១/២០ លក្ខឋានតាមសេចក្តីសម្រេចចិត្តលេខ ១៦២៩/QĐ-UBND ចុះថ្ងៃទី ១៤ ខែសីហា ឆ្នាំ ២០១៨ របស់គណៈកម្មាធិការប្រជាជនខេត្ត ស្តីពីការចេញផ្សាយកន្សោមលក្ខឋានជនបទថ្មីលើកកម្ពស់លើភូមិសាស្រ្តខេត្ត។ ចាប់ពីពេលនេះដល់ចុងឆ្នាំ ២០២១ ឃុំ ខិតខំអនុវត្តសម្រេចបន្ថែម ៣ លក្ខឋានទៀត​ រួមមាន៖ លក្ខឋានទី ៤ (អគ្គិសនី) លក្ខឋានទី ១២ (ពលករមានការងារធ្វើ) លក្ខឋានទី ១៦ (វប្បធម៌)។ ទន្ទឹមនឹងនោះ តម្រូវឱ្យសមាជិកគណៈចង្អុលការទទួលបន្ទុកលក្ខឋានជនបទថ្មី​លើកកម្ពស់នីមួយៗ និងណែនាំបណ្តាសារលិខិតស្ដីពីការកសាងជនបទថ្មីលើកកម្ពស់  ​ជូនដល់គណៈកម្មការប្រជាជនបណ្តាភូមិទាន់ពេល ជាក់ស្តែងគឺអនុវត្តលក្ខឋានទី ៤៖ ឃុំបន្តសហការជាមួយផ្នែកអគ្គិសនី(អគ្គិសនីថ្កូវ និងក្រុមហ៊ុនអភិវឌ្ឍអគ្គិសនីជនបទ) គ្រប់គ្រង និងដាក់ឱ្យប្រើប្រាស់បណ្តាញអគ្គិសនី ធានាតាមសំណូមពរបច្ចេកទេសរបស់ផ្នែកអ​គ្គិសនី។ បច្ចុប្បន្ន ទូទាំងឃុំ មានខ្សែអគ្គិសនីថាមពលមធ្យម ទាបចំនួន ២៩ ខ្សែ ដោយមានប្រវែង​ ៣១,៦៥៨ គីឡូម៉ែត្រ។ ប្រព័ន្ធបណ្ដាញអគ្គិសនីជាតិ អគ្គិសនីជនបទផ្គត់ផ្គង់អគ្គិសនីទូទាំងឃុំ បានផ្នែកអគ្គិសនីពិនិត្យជួសជុលជាប្រចាំ ធានាតាមសំណូមពរបច្ចេកទេស ធានាផ្គត់ផ្គង់អគ្គិសនីបម្រើការប្រជុំជីវភាព និងការផលិត។ ទន្ទឹមនឹងនោះ ឃុំសហការជាមួយអង្គភាពពាក់ព័ន្ធបំផុសចលនា ផ្សព្វផ្សាយដល់ប្រ​ជាជន​អំពីការប្រើប្រាស់អគ្គិសនីសុវត្ថិភាព។ ឆ្លងតាមការត្រួតពិនិត្យស្ថិតិ បច្ចុប្បន្ននេះ មានគ្រួសារប្រជាជន ១.៨៥៩/១.៨៧៩ គ្រួបានប្រើប្រាស់អគ្គិសនី សម្រេចអត្រា ៩៨,៩៤% ប្រៀបជាមួយចំនួនគ្រួសាររួម។ ចំនួនគ្រួសារប្រើប្រាស់អគ្គិសនីជាប្រចាំ សុវត្ថិភាពប្រមាណ ១.៨៣៣/១.៨៥៩ គ្រួ សម្រេចអត្រា ៩៨,៦០​% គ្រួសារប្រើប្រាស់អគ្គិសនីមិនសុវត្ថិភាពនៅ ២៦​ ​គ្រួ ស្មើ ១,៤០ %។

លោកគឹមបៃលី ប្រធានគណៈកម្មាធិការប្រជាជនឃុំឡុងហ៊ីប។

បច្ចុប្បន្ននេះ ចំនួនពលករក្នុងអំឡុងអាយុរបស់ឃុំមាន ៥.៣២៦/៧.០០៨ នាក់ ស្រូបយកអត្រា ៧៦ %នៃចំនួនមនុស្សរួម។ អត្រាពលករមានសមត្ថភាពចូលរួមពលកម្ម  ៥.១៦៨/៥.៣២៦ នាក់ ស្រូបយកអត្រា ៩៧,០៣%។ អត្រាពលករមានការងារធ្វើចំ​នួន ៤.៨០៩/៥.១៦៨ នាក់ ស្រូបយកអត្រា ៩៣,០៥%។ ខិតខំដល់ចុងឆ្នាំ ២០២១ អត្រាពលករមានសមត្ថភាពចូលរួមពលកម្មសម្រេចជាង ៩៥%។ ដើម្បីសម្រេចបានអត្រានេះ មូលដ្ឋានដាក់ចេញផែនការសហការជាមួយបណ្តាផ្នែកពាក់ព័ន្ធ​ចាត់តាំងបណ្តាវគ្គបណ្តុះបណ្តាលមុខរបររយៈពេលខ្លី ឧទ្ទេសនាមការងារធ្វើ បង្កលក្ខណៈឱ្យមូលដ្ឋានផលិត ធ្វើអាជីវកម្មលើភូមិសាស្រ្ត ឃុំពង្រីក​ទ្រង់ទ្រាយផលិត ធ្វើអាជីវកម្ម។ល។ ដើម្បីដោះស្រាយការងារធ្វើនៅនឹងកន្លែងជូនពលករ។

ឃុំបានគណៈកម្មាធិការប្រជាជនស្រុកទទួលស្គាល់ ៧/៧ ភូមិសម្រេចកិត្តិនាម “ភូមិវប្បធម៌” នៅឆ្នាំ ២០២០ តាមសេចក្តីសម្រេចចិត្តលេខ ៤៩១២/QĐ-UBND ចុះថ្ងៃទី ១៨ ខែធ្នូ ឆ្នាំ ២០២០ របស់គណៈកម្មាធិការប្រជាជនស្រុកថ្កូវ។ គណៈចង្អុលការឃុំវាយតម្លៃ ៧/៧ ភូមិសម្រេចលក្ខឋានភូមិជនបទថ្មី តាមសេចក្តីសម្រេចចិត្តលេខ ១៩៥៩/QĐ-UBND របស់គណៈកម្មាធិការប្រជាជនខេត្ត រួចបានគណៈកម្មាធិការប្រជាជនស្រុកពិនិត្យ ទទួលស្គាល់កិត្តិនាម “ភូមិជនបទថ្មី”។ បច្ចុប្បន្ន ទូទាំងឃុំ មានគ្រួសារ ១.៨៣១/១.៨៦០​​​ ​គ្រួបានទទួលស្គាល់គ្រួសារសម្រេចលក្ខឋានវប្បធម៌ ជនបទថ្មី។

ឃុំតែងយកចិត្តទុកដាក់ចង្អុលការលើកកម្ពស់គុណភាពចលនា “ទូទាំងប្រជាជនសាមគ្គីកសាងភូមិវប្បធម៌ ជនបទថ្មី”។ ចាត់តាំងវប្បធម៌ សិល្បៈ ហាត់ប្រាណកីឡា ចាត់តាំងផ្តោះប្តូរ បាល់ទាត់បាល់ទះ រាំរបាំជាញឹកញាប់។ល។ ទាក់ទាញមនុស្សចូលរួមជាង ៤.៥៧៩ លើក។

លោកគឹមបៃលី ប្រធានគណៈកម្មាធិការប្រជាជនឃុំឡុងហ៊ីបបានឱ្យដឹងថា៖ គណៈកម្មាធិការប្រជាជនឃុំផ្ដុំកម្លាំងកៀរគរប្រភពទុនវិនិយោគកសាងហេដ្ឋារចនាសម្ព័ន្ធដូចជាកែប្រែមណ្ឌលរដ្ឋបាល កសាងថ្មីដំណាក់សុខាភិបាល ជួសជុល កែប្រែបើកទូលាយ​សាលាវិទ្យាល័យឡុងហ៊ីប កសាងដងផ្លូវឡុងហ៊ីបទៅទល់ឃុំ ង៉ាយស្វៀង ជួសជុលស្ពានក្បែរវត្តតាសឹកឆ្លងកាត់ព្រែក ៣/២ កសាងប្រព័ន្ធធារាសាស្រ្ត ឆ្លើយតបតម្រូវការផលិត និងការរស់នៅរបស់ប្រជាជន។ បើសិនអនុវត្តសម្រេច ៣ លក្ខឋានជនបទថ្មីចាប់ពីពេលនេះដល់ចុងឆ្នាំ ២០២១ នោះចំពោះបណ្តាលក្ខឋានក្រៅពីនោះ នឹងសម្រេចនៅក្នុងឆ្នាំ ២០២២ ក៏ជាភាពងាយស្រួលសម្រាប់ការអនុវត្តន៍។ ពីព្រោះ លក្ខឋានទាំងនោះសុទ្ធតែជាថ្នាលរបស់លក្ខឋានជនបទថ្មីដែលមូលដ្ឋានបានផ្តុំកម្លាំងអនុវត្តសម្រេចបានក្នុងពេលកន្លង៕    

អត្ថបទ-រូបថត៖ ថាច់សម្បត្តិ