សមិទ្ធផលឆ្នាំចាស់-ក្តីរីករាយឆ្នាំថ្មី

របាំជូនពរក្នុងឱកាសបុណ្យចូលឆ្នាំថ្មី។

          បងស្រីថាច់ធីសៀង នៅភូមិចុងមីសថ្មី ឃុំញីទ្រឿង ស្រុកកូវង៉ាងបានឱ្យដឹងថា៖ក្នុង​បណ្តាថ្ងៃជិតដល់បុណ្យចូលឆ្នាំថ្មីប្រពៃណីជាតិ ខ្ញុំតែងតាមដានយ៉ាងដិតដល់លើមធ្យោបាយព័ត៌​មានមហាជនពីបណ្តាព័ត៌មានរបស់ខេត្ត និងមូលដ្ឋាន គិតឃើញថានិងមានការអនុវត្តន៍​បណ្តាវិធានការបង្ការ ទប់ស្កាត់អាសន្នរោគដូចកាលពីឆ្នាំ២០២០ទៀត។ ប៉ុន្តែ ទីបំផុតមិនឮមាន​ព័ត៌មានអ្វីទាក់ទងដល់បម្រាមចាត់តាំងបណ្តាសកម្មភាពបុណ្យទាន ។ ដូច្នេះហើយនៅ ២-៣ ថ្ងៃទៀតដល់បុណ្យចូលឆ្នាំថ្មីខ្ញុំទូរសព្ទឱ្យកូន ២ នាក់របស់ខ្ញុំដែលកំពុងធ្វើការនៅខេត្តដុងណាយវិលត្រឡប់មកផ្ទះជួបជុំជាមួយគ្រួសារចាត់តាំងពិធីជប់លៀង ដំណាច់ឆ្នាំចាស់ ឈានចូលឆ្នាំថ្មី សង្ឃឹមថាជីវភាពនឹងបានល្អប្រសើរជាង។

          លោកឡេថុងញឹក ប្រធានគណៈកម្មាធិការប្រជាជនឃុំញីទ្រឿង ស្រុកកូវង៉ាងចែករំ​លែក៖ ឆ្នាំនេះការចាត់តាំងពិធីបុណ្យចូលឆ្នាំថ្មីរបស់ជនរួមជាតិខ្មែរមានភាពសប្បាយរីក​រាយជាងឆ្នាំ ២០២០។ ប្រការនោះ អះអាងបានប្រសិទ្ធភាពអំពីការអនុវត្តន៍​គោលនយោបាយចំពោះជនជាតិខ្មែរ ទន្ទឹមនឹងនោះក៏ជាប្រសិទ្ធភាពក្នុងការបំផុសចលនាទូ​ទាំងប្រជាជនបង្ការ ទប់ស្កាត់អាសន្នរោគនារយៈពេលកន្លង។ ទោះបីអាសន្នរោគមានការ​ស្រាកស្រាន្តជាបណ្តោះអាសន្ន ប្រជាជនមិនសូវមានការភ័យព្រួយក៏ដោយ ប៉ុន្តែជាមួយតួនាទីរបស់មូលដ្ឋាន នៅតែបំផុសចលនាជនរួមជាតិខ្មែរអនុវត្តតាមការព្រមានរបស់​ផ្នែកសុខាភិបាល។ ជាក់ស្តែង មូលដ្ឋាននៅតែលៃលកកន្លែង និងបំពាក់ដោយបណ្តា​ឧបករណ៍ដូចជាទឹកលាងដៃ របាំងមុខជាដើមដើម្បីប្រជាជនមកទទួលពេលយល់ឃើញ​ថាជាការចាំបាច់ពិតប្រាកដ។

         អំណរបុណ្យចូលឆ្នាំថ្មីឆ្នាំនេះ យើងខ្ញុំក៏បានគ្រួសារបងសឺនហិ្វញទ្វឹង-បងស្រីថាច់ធីបុប្ផា (នៅភូមិកោះស្វាយ ឃុំទ្រឿងទ័រ ស្រុកកូវង៉ាង) អញ្ជើញចូលរួមពិធីជប់​លៀងអំណរបុណ្យចូលឆ្នាំថ្មី អមដោយសំឡេងតន្ត្រីយ៉ាងកងរំពងពោរពេញដោយភាពសប្បាយរីករាយផងដែរ។ បងស្រី ថាច់ធីបុប្ផាបានឱ្យដឹងថា៖ ឆ្នាំនេះ  ចាត់តាំងពីធីជប់​លៀងអំណរបុណ្យចូលឆ្នាំថ្មី ក៏ជាពិធីជប់លៀងអំណរលំនៅឋានថ្មីដែលទើបបានសាងសង់​រួចស្រេច។ កាលពីមុន គ្រួសារក៏ស្ថិតក្នុងមុខសញ្ញាក្រីក្ររបស់ភូមិ គ្មានដីផលិត ឆ្នាំ ២០១៤ ដោយបានការឧបត្ថម្ភរបស់រដ្ឋអំណាចមូលដ្ឋានបង្កលក្ខណៈឱ្យគ្រួសារខ្ញុំបានបុលទុនពីធនាគារគោលនយោបាយសង្គមស្រុកដោយចំនួនទុន ២០ លានដុង។ ផ្តើមពីប្រភពទុនខាងលើ ខ្ញុំវិនិយោគឱ្យការចិញ្ចឹមគោ ប្តីខ្ញុំប្រកបរបរជាងកំបោរ។ ផ្តើមពីនោះគ្រួសារខ្ញុំកាន់តែមានលក្ខណៈប្រិតសំចៃបានប្រាក់កាសសម្រាប់ពង្រីកសេដ្ឋកិច្ចគ្រួសារ។ គិតមកទល់ពេលនេះ គ្រួសារខ្ញុំសាងសង់បានផ្ទះដោយតម្លៃជាង ៣៥០ លានដុង ក៏គ្រប់ធ្វើឱ្យប្តីប្រពន្ធខ្ញុំកក់ក្តៅចិត្តជាមួយការខិតខំក្នុងបណ្តាខែ ឆ្នាំកន្លង។ ក្រោយពេលពលកម្មនឿយហត់ ក៏ស្ថិតក្នុងឱកាសអំណរបុណ្យចូលឆ្នាំថ្មី ប្តីប្រពន្ធខ្ញុំឯកភាពគ្នាចាត់តាំង​ពិធីជប់លៀងដោយអញ្ជើញយាយតា មាមីង បងប្អូនសាច់ញាតិ ភូមិផងរបងជាមួយមកចូល​រួមកម្សាន្តសប្បាយ  ចាត់ជាអំណរសមិទ្ធផលដែលប្តីប្រពន្ធខ្ញុំសម្រេចបាន សូមឱ្យចូលឆ្នាំថ្មី ជីវភាពគ្រួសារមានភាពជឿនលឿនជាងទៀត។

         រាល់ពិធីបុណ្យទានម្តងៗរបស់ជនរួមជាតិខ្មែរ ក៏ជាឱកាសសម្រាប់យើងខ្ញុំសម្លឹងមើល​មកវិញពីភាពវិវឌ្ឍន៍ខាងជីវភាពរបស់ជនរួមជាតិខ្មែរ។ ក្នុងនោះមានការអះអាងពីប្រ​សិទ្ធភាពទទួលផលពីបណ្តាគោលនយោបាយរបស់បក្ស និងរដ្ឋចំពោះជនរួមជាតិខ្មែរកាន់តែជួយឱ្យជីវភាពរបស់ជនរួមជាតិខ្មែរមានភាពវិវឌ្ឍន៍បន្ថែមទៀត៕   ​​​​​

          អត្ថបទ-រូបថត៖ ថាច់សម្បត្តិ