ជនរួមជាតិខ្មែរនៅភូមិសារយ៉ាំងរួមកម្លាំងកសាងភូមិជនបទថ្មីខ្នាតគំរូ

ភូមិសារយ៉ាំង មានគ្រួសារប្រជាជន ៣០៤ គ្រួ ជាមួយនឹងចំនួនមនុស្សរាយ ១.៧៨៩ នាក់ ក្នុងនោះជនរួមជាតិខ្មែរស្រូបយកអត្រា ៨៥,៥%។  ភូមិនៅ​មានគ្រួសារក្រ ១០ គ្រួ គ្រួសារជិតក្រ ៣១ គ្រួ ក្នុងនោះមានគ្រួសារក្រចំនួន ៦ គ្រួស្ថិតក្នុងមុខសញ្ញាគាំពារសង្គម។ អនុវត្តបណ្តាលក្ខឋានអំពីភូមិជនបទថ្មីខ្នាតគំរូតាម​សេចក្តីសម្រេចចិត្តលេខ ១៥១/QĐ-UBND ចុះថ្ងៃទី ២៤ ខែមករា ឆ្នាំ ២០១៩ របស់​គណៈ​កម្មាធិការប្រជាជនខេត្ត “ស្តីពីការចេញផ្សាយបណ្តាលក្ខឋានអំពីភូមិជនបទថ្មីខ្នាតគំរូ​លើភូមិសាស្រ្តខេត្តត្រាវិញ” សាខាបក្សភូមិសាររយ៉ាំងបំផុសចលនាប្រជាជនអនុវត្តសម្រេច ៦/៨ លក្ខឋានអំពីភូមិជនបទថ្មីខ្នាតគំរូ។ បច្ចុប្បន្នភូមិកំពុងខិតខំអនុវត្តលក្ខឋានចំនួន ២ ដែលមិនទាន់សម្រេចរួមមាន៖ លក្ខឋានទី ៣ (ជីវភាពសេដ្ឋកិច្ចលំនឹង និងរីកចម្រើនជាសន្សឹមៗ) និងលក្ខឋានទី ៧ (សាខាបក្សរៀបចំណាត់ប្រភេទគុណភាព “សម្រេចឆ្នើមភារកិច្ច”។

អនុវត្តលក្ខឋានទី ២ ភូមិមានដងផ្លូវទ្រូង ក្នុងភូមិជាង ៨០% បានកសាងរឹងមាំ ផ្លូវច្រក ១០០%  បណ្តាដងផ្លូវលើភូមិសាស្រ្តភូមិធានាមិនដក់ទឹកក្នុងរដូវភ្លៀង។ នៅ ០២ លក្ខឋាន ដែលមិនទាន់សម្រេចពីព្រោះជីវភាពរបស់ប្រជាជននៅទាំងស្ថិតទៅលើកត្តាជាច្រើនដូចជាអាសន្នរោគ ការប្រែប្រួលអាកាសធាតុ។ល។ ធ្វើឱ្យប៉ះពាល់ដល់ជីវភាពរបស់ប្រជាជន។ រីឯសាខាបក្សក៏មិនទាន់បានថ្នាក់លើវាយតម្លៃ។

ដងផ្លូវលើភូមិសាស្រ្តភូមិសារយ៉ាំងបានកសាងរឹងមាំ។

ទន្ទឹមជាមួយការអនុវត្តលក្ខឋានទី ២ ភូមិនៅទាំងបំផុសចលនាប្រជាជនរួមដៃជាមួយ​រដ្ឋអំណាចមូលដ្ឋានអនុវត្តលក្ខឋានទី ៨ ទៀតផង។ ក្នុងលើកបង្ការ ទប់ស្កាត់អាសន្នរោគកូវី​ដ‑១៩ បានបញ្ជាក់ឱ្យឃើញថាប្រជាជនមានការ ចែករំលែកទៅវិញទៅមកពេលមានគ្រោះ​អាសន្ន អនុវត្តបណ្តាសកម្មភាព “មនុស្សធម៌ សប្បុរសធម៌” ជួយដល់ស្ថានភាពជាច្រើន​មិនឱ្យរងការខ្វះខាត និងអត់ឃ្លាន។ ជាក់ស្តែងគឺភូមិបំផុសចលនាបានគ្រួសារដែលមានលក្ខណៈ​ចំនួន ៦ គ្រួជូនអំណោយជាង ៣០០ ចំណែកដល់គ្រួសារក្រីក្រ គ្រួសារលំបាកលើភូមិ​សាស្រ្ត។ ជាតួយ៉ាងដូចជាគ្រួសារមីងសឺនធីជា មីងគាងធីសៀន។ល។ គ្រួសារនីមួយៗជូន​អំណោយប្រមាណ ៥០ ចំណែក ក្នុងមួយចំណែកៗតម្លៃ ៣០០.០០០ ដុង។

លោក ថាច់ក្វឹកណាម ប្រធានគណៈកម្មការប្រជាជនភូមិសារយ៉ាំងបានឱ្យដឹងថា៖ ប្រជាជន និយាយរួម ជនរួមជាតិខ្មែរនិយាយដោយឡែក តែងជ្រោងខ្ពស់ស្មារតីប្រតិបត្តិ​តាមគោលការណ៍ គោលមាគ៌ារបស់បក្ស គោលនយោបាយ ច្បាប់របស់រដ្ឋ ខិតខំពលកម្មផលិត ចេះធ្វើមានស្រប ច្បាប់។ ជ្រោមជ្រែងអនុវត្តល្អបណ្តាចលនា ដែលមូលដ្ឋានផ្សព្វផ្សាយ។ អាស្រ័យហេតុ នោះ ការដែលភូមិកំពុងបំផុសចលនាកសាងភូមិជនបទថ្មីខ្នាតគំរូ សង្ឃឹមថានឹងសម្រេចបណ្តាលក្ខឋាន រួមចំណែកកសាងភូមិតំបន់ជ្រៅ  តំបន់ឆ្ងាយ  តំបន់ជន​រួមជាតិមានភាពវិវឌ្ឍន៍ ជាងទៀត។

លោកស្រី ផាមធីយុង ប្រធានគណៈកម្មាធិការប្រជាជនឃុំដូងចូវបានចែករំលែក៖ ការដែលជ្រើសយកភូមិសារយ៉ាំងអនុវត្តបណ្តាលក្ខឋានជនបទថ្មីខ្នាតគំរូ​ គឺអាស្រ័យរយៈ​ពេល កន្លង សាខាបក្ស និងប្រជាជនភូមិសារយ៉ាំងអនុវត្តសម្រេចសមិទ្ធផលជាច្រើនលើបណ្តា​វិស័យសេដ្ឋកិច្ច វប្បធម៌ សង្គម។ អំពីវិស័យសេដ្ឋកិច្ចកសិកម្ម ភូមិមានទម្រង់ដាំបន្លែសុវត្ថិ​ភាពក្នុងផ្ទះសំណាញ់ បង្កបានផលិតផលសុវត្ថិភាពសម្រាប់មូលដ្ឋាន។ ភូមិបានទទួលស្គាល់ សម្រេច “សុវត្ថិភាពអំពីសន្តិសុខសណ្តាប់ធ្នាប់” ជាច្រើនឆ្នាំបន្តបន្ទាប់ គ្រួសារជាច្រើនសម្រេចវប្បធម៌ជនបទថ្មី។ល។ ផ្តើមពីលទ្ធផលនោះ មូលដ្ឋានតែងបំផុសចលនាពង្រីកជាងទៀតពីសមិទ្ធផលដែលសម្រេចបានដើម្បីដល់ចុងឆ្នាំ ២០២១ នឹងបានទទួលស្គាល់ភូមិជនបទថ្មីខ្នាតគំរូ៕

អត្ថបទ‑រូបថត៖ ថាច់សម្បត្តិ